#Title

பெரியார், அண்ணா, கலைஞர், மு.க.ஸ்டாலின் பண்படுத்திய தமிழ் மண்ணில் சாதிய ஒடுக்குமுறையா? மாவட்டக் கழகம் கண்டனம்! திருவண்ணாமலை வடக்கு, தெற்கு மாவட்ட செயற்குழுக் கூட்டத்தில் எ.வ.வேலு பேச்சு!

திருவண்ணாமலை, அக்.25–

தந்தை பெரியார், பேரறிஞர் அண்ணா, முத்தமிழறி ஞர் கலைஞர், கழகத் தலைவர் மு.க.ஸ்டாலின் ஆகியோரின் உழைப்பால், தியாகத்தால் பண்படுத்தப்பட்ட தமிழ் மண்ணில் சாதிய ஒடுக்குமுறையா? என தவெக அரசைக் கண்டித்து கண்டனத் தீர்மானம் உட்பட பல்வேறு தீர்மானங்கள் திருவண்ணாமலை தெற்கு, வடக்கு மாவட்ட செயற்குழு கூட்டத்தில் நிறைவேற்றப்பட்டது.

தீர்மானங்களை விளக்கி, முன்னாள் பொதுப்பணித்துறை அமைச்சரும், சட்ட மன்ற தி.மு.க. கொறடாவுமான எ.வ.வேலு அவர்கள் சிறப்புரையாற்றினார்.

24.10.2026 சனிக்கிழமை மாவட்ட தி.மு.க. அலுவலகத்தில், திருவண்ணாமலை தெற்கு, வடக்கு மாவட்ட செயற்குழு கூட்டம் நடைபெற்றது. கூட்டத்திற்கு தெற்கு மாவட்ட அவைத் தலைவர் கோ.கண்ணன் தலைமை வகித்தார்.

முன்னாள் சட்டப்பேரவை துணைத் தலைவர் கு.பிச்சாண்டி, வடக்கு மாவட்ட கழக செயலாளர் எம்.எஸ்.தரணிவேந்தன்.எம்.பி., வடக்கு மாவட்ட அவைத் தலைவர் இரா.ராஜசேகர் ஆகியோர் முன்னிலை வகித்தனர்.

முன்னதாக தலைமைக் கழக பிரதிநிதி சி.வி.எம்.பி.எழிலரசன் கருத்துக்கள் வழங்கி உரையாற்றினார்.

கூட்டத்தில் கலந்து கொண்டு, முன்னாள் பொதுப்பணித் துறை அமைச்சரும், சட்டமன்ற திமுக கொறடாவுமான எ.வ.வேலு அவர்கள் தீர்மானங்களை விளக்கி சிறப்புரையாற்றினார்.

கூட்டத்தில் கீழ்க்கண்ட தீர்மானங்கள் ஒருமனதாக நிறைவேற்றப்பட்டன.

இரங்கல் தீர்மானம்

திருவண்ணாமலை மாவட்டம், கீழ்பென்னாத் தூர் சட்டமன்றத் தொகுதி, முன்னாள் ஒன்றிய துணை செயலாளர் எஸ்.பெரியவேடி அவர்களின் மறைவிற்கும், திருவண்ணாமலை ஒன்றிய முன்னாள் ஒன்றிய பொருளாளர் பழையனூர் அப்பாவு அவர்களின் மறைவிற்கும், தி.மலை கிழக்கு ஒன்றிய மாவட்ட பிரதிநிதி நல்லூர் பழனி அவர்களின் மறைவிற்கும், வெம்பாக்கம் மேற்கு ஒன்றிய அவைத் தலைவர் கே.கஜேந்திரன் அவர்களின் மறைவிற்கும் இந்த மாவட்ட கழகம் ஆழ்ந்த இரங்கலை தெரிவித்துக் கொள்கிறது.

மக்களின் அத்தியாவசியத் தேவையான அரிசி, பருப்பு, எண்ணெய் உள்ளிட்ட பொருட்கள் பல மடங்கு உயர்வால் மக்கள் அவதிப்படுவதும், நியாய விலைக்கடைகளில் சன்னரக அரிசி வழங்கி, அதை மக்கள் வேண்டாம் என்கிற அவல நிலை உருவாகி உள்ளது. தவெக அரசு உடனடியாக விலைவாசி உயர்வை கட்டுப்படுத்தி, மக்களின் துயரை துடைக்க வேண்டுமென இந்த மாவட்டக் கழகம் கேட்டுக் கொள்கிறது.

பெரியார் அறிவுலகம் கழகத் தலைவருக்கு நன்றி!

தற்போது கோவையில் தவெக அரசின் முதலமைச்சர் திறந்து வைத்த பெரியார் அறிவுலகம், திராவிட மாடல் அரசின் அற்புத சாதனை. கழகத் தலைவர் மு.க.ஸ்டாலின் அவர்களின் சிந்தனையில் தோன்றி, அவரின் பெருமுயற்சியால் நவீன கட்டமைப்புடன் பெரியார் அறிவுலகம் அமைக்கப்பட்டது. அவருக்கு உறுதுணையாக முன்னாள் பொதுப்பணித்துறை அமைச்சரும், பெரியார் அறிவுலகம் சிறப்பாக அமைந்திட அயராது உழைத்திட்ட அண்ணன் எ.வ.வேலு அவர்களுக்கும் இந்த மாவட்டக் கழகம் நன்றியினையும், பாராட்டுதலையும் தெரிவித்துக் கொள்கிறது.

தமிழ்நாட்டில் சட்டம்-ஒழுங்கு கட்டுப்படுத்த முடியாத அளவிற்கு சீரழிந்து போய் உள்ளது. தினசரி கொலை, கொள்ளை, பாலியல் வன்முறை, போதை கலாச்சாரங்கள் நடைபெறுகிறது. செஞ்சி, ஆலம்பூண்டியில் காணாமல் போன 7வயது குழந்தை, இரு வாரங்கள் கடந்தும் தற்போது வரை கண்டுபிடிக்க முடியாத அவல நிலையில் தவெக அரசு மொத்தப் போக்கில் தமிழகத்தை நடத்தி வருவதை இந்த மாவட்ட கழகம் வன்மையாக கண்டிக்கிறது.

தமிழ்நாட்டில் போதைக் கலாச்சாரம் தலைவிரித்தாடுகிறது. நாகை மாவட்ட தவெக செயற்குழு உறுப்பினர் பூபாலன் வீட்டில் 135கிலோ மெத்தபெட்டமையின் கைப்பற்றப்பட்டிருக்கிறது. சர்வதேச போதைக் கும்பலுடன் தவெக நிர்வாகி தொடர்பில் உள்ளது குறித்து இந்த மாவட்ட கழகம் த.வெ.க. அரசை வன்மையாக கண்டிக்கிறது.

கோவை பீளமேடு பகுதி, அரசு உதவிபெறும் பள்ளியில் படித்துவந்த அகிலன் என்கிற மாணவர் சாதிய ஒடுக்குமுறைக் காரணமாக தற்கொலை செய்துகொண்ட செய்தியைக் கேட்டு, இந்த மாவட்டக் கழகம் அதிர்ச்சியடைகிறது.

தந்தை பெரியார், பேரறிஞர் அண்ணா, தலைவர் கலைஞர், திராவிட மாடல் நாயகர் மு.க.ஸ்டாலின் இவர்களின் உழைப்பால், தியாகத்தால் பண்படுத்தப்பட்ட தமிழகத்தை நாளுக்கு நாள் சீர்குலைக் கும் த.வெ.க. அரசைக் வன்மையாக கண்டிக்கிறது.

பருவமழை : நிவாரண உதவி!

தமிழ்நாட்டில்வடகிழக்கு பருவ மழையையொட்டி, தீவிர மழைப் பொழிவையொட்டி, திருவண்ணாமலை மாவட்டத்தில் ஆங்காங்கே ஏற்படும் பாதிப்புகளில் கழக நிர்வாகிகளும், தோழர்களும் கலந்து கொண்டு, ஒத்துழைப்பு நல்கியும், மக்களுக்கு நிவாரண உதவிகள் வழங்கிடவும் இந்த மாவட்ட கழகம் கேட்டுக் கொள்கிறது.

வேளாண் விற்பனை கூடங்களில் (Marketing Committee)அரசின் நிர்வாக குளறுபடிகளால் விவசாயி களும், நெல் வியாபரிகளும் கடுமையாக பாதிக்கப்பட்டுள்ளனர். நெல் ஏலம் எடுத்த வியாபரிகள், பணத்தை செலுத்தினாலும், விவசாயிகளுக்கு உரிய நேரத்தில் அவை கிடைப்பதில் பெரும சிரமம் ஏற்படுகிறது. இந்த பிரச்சனை களால் தொடர்ந்து நெல் வியாபாரிகள் ஏலம் எடுப்பதை ஒட்டு மொத்தமாக தவிர்த்து வருகின்றனர்.

நெல்லுக்கு நல்ல விலை கிடைக்கும் இந்த நேரத்தில் விவசாயிகள் தாங்கள் கஷ்டப்பட்டு விளைவித்த நெல்லை விற்பனை செய்ய முடியாமல் தவிர்க்கின்றனர். நம்மை வாழவைக்கும் விவசாயிகளுக்கு வாழ்வாதாரம் கிடைத்திட த.வெ.க. அரசு உடனடியாக இந்த பிரச்சனையில் தலையிட்டு தீர்வு கிடைக்க ஆவனம் செய்ய இந்த மாவட்ட கழகம் கேட்டுக் கொள்கிறது.

மேற்கண்ட தீர்மானங் கள் ஒருமனதாக நிறைவேற்றப்பட்டது.

கூட்டத்தில் கழக மருத்துவரணி துணை தலைவர் டாக்டர் எ.வ.வே.கம்பன், நாடாளுமன்ற உறுப்பினர் சி.என்.அண்ணாதுரை, தலைமை செயற்குழு உறுப்பினர்கள் இரா.ஸ்ரீதரன், பொன்.முத்து, சட்டமன்ற உறுப்பினர் எஸ்.அம்பேத்குமார், முன்னாள் சட்டமன்ற உறுப்பினர்கள் மு.பெ.கிரி, பெ.சு.தி.சர வணன், ஒ.ஜோதி, தலைமை செயற்குழு உறுப்பினர்கள் ஆர்.சிவானந்தம், ஆர்.வேல்முருகன், மாவட்ட பொருளாளர் எஸ்.பன்னீர்செல்வம், மாவட்ட துணை செயலாளர்கள் பிரியா ப.விஜய ரங்கன், விஜயலட்சுமி ரமேஷ், மாநில தொ.மு.ச., பேரவைச் துணைத் தலைவர், க.சௌந்தரராசன் அனைத்து அமைப்புசாரா ஏ.ஏ.ஆறுமுகம்,

வடக்கு மாவட்ட துணை செயலாளர்கள் ந.பாண்டுரங்கன் க.லோகநாதன், ஜெயராணிரவி, மாவட்ட பொருளாளர் டி.ஏ.தட்சணாமூர்த்தி, முன்னாள் சட்டமன்ற உறுப்பினர் கே.வி.சேகரன்,

தெற்கு, வடக்கு மாவட்ட அமைப்பாளர்கள் டி.வி.எம்.நேரு, காலேஜ் கு.ரவி, மங்கலம் பிரபா கரன், ஜெ.மெய்கண்டன், பொன்.தனுசு, எச்.சாதிக்பாட்சா, சி.ராம்காந்த், பச்சையம்மன் எஸ்.முத்து, இரா.கார்த்திகேயன், பாலமுரளிகிருஷ்ணா, ஏ.டபள்யு.சர்தார் காசீம், எஸ்.டி.ஆர்.எஸ்.பாபு, பி.கே.ஏ.அருண், எல்.ஐ.சி. து.வேலு, இரா.ஜோதி, இரா.அன்பரசு, பவர்.அன்பரசு, கற்பகம்சரவணன், உ.நித்யா, என்.மாசிலாமணி, நகர செயலாளர் மு.அன்பழகன், வடக்கு மாவட்ட அமைப்பாளர்கள் எவரெஸ்ட் ந.நரேஷ்குமார், இ.எஸ்.டி.கார்த்திகேயன், கோ.எதிரொலிமணி யன், ஏ.எம்.சம்பத், மா.ஏழுமலை, என்.கே.ஏ.பாபு, அ.மணிகண்டன், டாக்டர் மகேந்திரன், க.சீனுவாசன், பி.செல்வராஜன்,

ஜி.பி.அசோக், இ.மணிகண்டன், தொ.ப.சீ.மதிவாணன், சாது.ஆனந்த், ப.க.மணிவண்ணன், ஆர்.ராம்ரவி, சுந்தர்.கருணாநிதி, இப்ராஹிம் (எ) அமர்ஷெரீப், கே.ஏ.புஷ்பராஜ், மாலினிவினோத்திவாகரன், இராணிவெங்கடேசன், அப்சல்பாஷா, ஐ.எஸ்.அமானுல்லா.

வடக்கு மாவட்ட நகர செயலாளர்கள் கே.விஸ்வ நாதன், ஏ.தயாளன், கோ.தனசேகர், தெற்கு மாவட்ட ஒன்றிய செயலாளர்கள் அ.சிவக்குமார், மு.பன்னீர்செல்வம், வி.பி.அண்ணாமலை, ஆராஞ்சி.ஆறுமுகம், சி.சுந்தரபாண்டி யன், மெய்யூர்.சந்திரன், த.ரமணன்,பெ.கோவிந்தன், ப.கேசவன், கோ.ரமேஷ், சி.மாரிமுத்து, எஸ்.சிவசேமன், க.சுப்பிர மணி, இரா.ராஜேந்திரன், ஆர்.வி.சேகர், கி.ஆறுமுகம், பா.ராமஜெயம், த.செந்தில் குமார், அ.ஏழுமலை, த.மனோகரன்,

வடக்கு மாவட்ட ஒன்றிய செயலாளர்கள் பி.மனோகரன், ஏ.எழில் மாறன், என்.டி.மனோகரன்,யஎஸ்.எஸ்.அன்பழகன், எம்.சுந்தர், எஸ்.மோகன், து.மாமது, ஏ.ஞானவேல், என்.சங்கர், எம்.தினகரன், ஜெ.கே.சீனுவாசன், ஏ.ஜி. திராவிட முருகன், சி.கே.ரவிக்குமார், கே.பி.ஆர்.பி.பழனி, சி.ஆர்.பெரு மாள், ப.இளங்கோவன், டி.ராதா, ஏ.சுந்தரேசன், கே.டி.ராமசாமி,சு.ராஜ் குமார், இரா.மகேஷ்,

தெற்கு மாவட்ட பொதுக்குழு உறுப்பினர்கள் நா.பழனி, து.கென்னடி, அ.தண்டபாணி, க.பிரபாகரன், கு.பாலசுப்பிரமணி, கா.சு.இளங்கோவன், அன்பரசிராஜசேகரன் வடக்கு மாவட்ட பொதுக்குழு உறுப்பினர்கள் ஏ.சி.வி.தயாநிதி, ஏ.எம்.காசி, எம்.கிருஷ்ணமூர்த்தி, வெள்ளைகணேசன், ஆர்.வெங்கடேஷ்பாபு, ஆ.மோகனவேல், ஆர்.நந்தகுமார், அப்சர்லியாகத்பாஷா, தெற்கு, வடக்கு மாவட்ட பேரூர் செயலாளர்கள் சி.கே.அன்பு, ப.முருகையன், எம்.சீனுவாசன், ஆர்.முருகன், வி.வெங்கடேசன், டி.கே.மோகன், கே.கோவர்தணன், வேணிஏழுமலை, திருவண்ணா மலை மாநகரபகுதி பொறுப்பாளர்கள் சு.விஜி (எ) விஜயராஜ், அ.கோவிந்தன், ந.சீனுவாசன், குட்டி க.புகழேந்தி, சி.சண்முகம், பா.ஷெரீப் மற்றும் மாவட்ட பிரதிநிதிகள் உட்பட சிறப்பு அழைப்பாளர்கள் கலந்து கொண்டனர்.

நிறைவாக மாநகர செயலாளர் ப.கார்த்திவேல் மாறன் நன்றி கூறினார்.