#Title

விவசாயக் கடன் தள்ளுபடி தொடர்பாக அமைச்சர்கள் முன்னிலையில் விவசாயிகள் கடும் மோதல்! தலைமைச் செயலகத்தில் பரபரப்பு!

சென்னை, அக்.25–

விவசாயக் கடன் தள்ளுபடி தொடர் பாக அமைச்சர்கள் முன்னிலையில் நடைபெற்ற ஆலோசனைக் கூட்டத்தில் விவசாயிகள் மோதிக் கொண்ட சம்பவம் தலைமைச் செயலகத்தில் பரபரப்பை ஏற்படுத்தியது.

விவசாயக்கடன் தள்ளுபடி தொடர்பாக விவசாய சங்கத் தலைவர்கள் மற்றும் நிர்வாகிகளு டன் தமிழ்நாடு அரசு சார்பில் அமைச்சர்கள் ஆலோசனைக் கூட்டம் தலைமைச் செய லகத்தில் நடைபெற்றது.

இந்த கூட்டத்தில் அமைச்சர்கள் என்.ஆனந்த், ஆதவ் அர்ஜூனா, செங்கோட்டையன், வினோத், காந்திராஜ், ரமேஷ் மற்றும் அரசு செயலாளர்கள் கலந்து கொண்டனர்.

விவசாயிகள் சார்பில் வேட்டவலம் மணிகண்டன் (தமிழ்நாடு விவசாயி கள் சங்கம்), அய்யாகண்ணு (தேசிய தென்னிந்திய நதிகள் சங் கம்), பி.ஆர்.பாண்டியன் (காவிரி விவசாயிகள் சங்கம்). ஈசன் (விவசாயி கள் பாதுகாப்பு சங்கம்). வாரணாசி ராஜேந்திரன் (ஷிபா தலைவர்), விஜய குமார் (சிறுதானிய பயிர் கள் சங்கம்), தனபால் (தஞ் சாவூர் காவிரி டெல்டா விவசாயிகள் சங்கம்) உள் ளிட்ட 50க்கும் மேற்பட்ட விவசாய சங்க தலைவர்கள் மற்றும் நிர்வாகிகள் கலந்து கொண்டனர்.

கூட்டம் தொடங்கியது முதல் ஒவ்வொரு விவசாய சங்க பிரதிநிதிகளும், விவசாய கடன் தள்ளுபடி குறித்த தங்களது கருத்துக்களை பதிவு செய்து வந்தனர். அப்போது குறுக்கீடு செய்த பி.ஆர். பாண்டியன் எழுந்து சில கருத்துக்களை கூறினார். இதில் ஒரு கட்டத்தில் விவசாய சங்க தலைவர் அய்யாகண்ணு பேசும்போது, சில கருத்துக்களை தெரிவித்தார்.

அப்பொழுது அவர் சற்று கோபமாகவும், சத்தமாகவும் பேசிவிட்டு அமர்ந்தார்.

பின்னர் கூட்டம் இறுதிக் கட்டத்திற்கு வரும் நேரத்தில் தமிழக விவசாயிகள் சங்க தலைவரும், மூத்த விவசாய சங்க தலைவருமான வேட்டவலம் மணிகண்டன் பேச முற்பட்டார். அப்போது, பி.ஆர்.பாண்டியன் குறுக்கிட்டார்.உடனே வேட்டவலம் மணிகண்டன் சற்று கோபமாக பி.ஆர்.பாண்டியனை பார்த்து எச்சரிக்கும் விதமாக கடுமையாக பேசி அமர சொன்னார்.

அமைச்சர்கள் முன்னிலையில் விவசாய சங்கத் தலைவர்கள் ஒருவருக்கொருவர் மோதிக் கொண்டதால் கூட்டத்தில் சிறிது நேரம் சலசலப்பு ஏற்பட்டது.

கூட்டம் முடிந்த பின்னர் தமிழ்நாடு விவசாய சங்க தலைவர் வேட்டவலம் மணிகண்டன் கூறியதாவது:

பி.ஆர்.பாண்டியன் கூட்டம் ஆரம்பித்தது முதல் அரசின் கூட்டுறவு துறை செயலாளர் போல்தான தோன்றித்தனமாக கருத்துக்களை தெரிவித்தார். குறிப்பாக, கடந்த தி.மு.க. மற்றும் அ.தி.மு.க. ஆட்சி நடந்தபோது, அவர்களுக்கு ஆதரவாக செயல்பட்டவர்தான் பி.ஆர்.பாண்டியன். ஆனால் இந்த கூட்டத்தில் பங்கேற்ற அவர், இரண்டு கட்சிகளையும் தரக்குறைவாக பேசியதுடன், தற்போதைய ஆளுங்கட்சியான த.வெ.க.வுக்கு ஆதரவாக பேசினார். அவரது நட வடிக்கை அனைவரையும் முகம் சுழிக்க வைத்தது.

இனிவரும் காலங்களில் பி.ஆர்.பாண்டியனை இதுபோன்ற அனைத்து விவசாயிகள் சங்கங்கள் பங்கேற்கும் கூட்டத்தில் பங்கேற்க அரசு அழைக்கக்கூடாது என்றார்.

இந்த கூட்டத்தில் பேசியஅமைச்சர் ஆதவ் அர்ஜூனா,‘விவசாயக் கடன் தள்ளுபடி எந்த நிபந்தனையும் இல்லாமல் ரூ.75 ஆயிரம் வரை தள்ளுபடி செய்யப்படும் என்று கூறியதாக விவசாய சங்கத் தலைவர்கள் கூறினர். அதுவும் 1.5.2025 முதல் 31.3. 2026 வரை இது செயல்படுத்த அரசு திட்டமிட்டுள்ள தாக கூறப்படுகிறது. இதற்கு விவசாயிகள் கடும் எதிர்ப்பை தெரிவித்துள்ளனர். அதேபோன்று குடும்பத்துக்கு ஒருவருக்குத்தான் என்ற நிபந்தனையும் தளர்த்த வேண்டும் என்று அரசுக்கு விவசாயிகள் கோரிக்கை வைத்துள்ளனர், என்றார்.