சென்னை, அக். 25 –

திரா­வி­டர் கழ­கத் தலை­வர் கி.வீர­மணி அவர்கள் விடுத்­துள்ள அறிக்கை வரு­மாறு:–

தந்தை பெரி­யா­ரின் 148 ஆம் ஆண்டு பிறந்த நாள் ஓர் உல­கத் திரு­நா­ளா­கவே திகழ்ந்து வரு­வ­தை­விட, பெரி­யார் தொண்­டர்­க­ளுக்கு வேறென்ன கைம்­மாறு வேண்­டும்?

‘‘ஆஸ்­தி­ரே­லி­யா­வின் நியூ­ச­வுத் வேல்ஸ் சட்ட மேல­வை­யில் – தந்தை பெரி­யார் அவர்­க­ளுக்­கும், சமூக சீர்­தி­ருத்­தத்­திற்கு அவர் ஆற்­றிய பங்­க­ளிப்­பு­க­ளுக்­கும் புக­ழா­ரம் சூட்­டி­யும். பெரி­யார் – அம்­பேத்­கர் சிந்­தனை வட்­டம், ஆஸ்­தி­ரே­லியா (‘‘PATCA’’) அமைப்­பைப் பாராட்­டி­யும் தீர்­மா­னம் ஒன்றை கடந்த அக்­டோ­பர் 13 ஆம் தேதி­யன்று நிறை­வே­றி­யுள்­ளது.

கிரீன்ஸ் கட்சி நாடா­ளு­மன்ற உறுப்­பி­னர் கேட் ஃபேர்­மன் முன்­மொ­ழிந்த இந்­தத் தீர்­மா­னம், ஜாதிய ஒடுக்­கு­மு­றைக்கு எதி­ரான தந்தை பெரி­யா­ரின் போராட்­டம், பெண்­க­ளின் விடு­த­லைக்­கான அவ­ரது குரல், மற்­றும் சமத்­து­வம், பகுத்­த­றிவு, மனித கண்­ணி­யம் ஆகி­ய­வற்­றின் மீதான அவ­ரது அர்ப்­ப­ணிப்பு ஆகி­ய­வற்­றைப் பாராட்டி அங்­கீ­க­ரித்­துள்­ளது.

மேலும், ஆஸ்­தி­ரே­லி­யா­வில் விளிம்­பு­நி­லைச் சமூ­கங்­க­ளுக்­காக ஆஸ்­தி­ரே­லிய பெரி­யார் – அம்­பேத்­கர் சிந்­தனை வட்­டம் ஆற்றி வரும் பணி­க­ளை­யும் இது பாராட்­டி­யுள்­ளது! என்னே சிறப்பு – மக்­கள் நாய­கத்­தின் மகத்­தான அரிய செயல் அல்­லவா?

இது எவ்­வ­ளவு முறை­யாக, ஜன­நா­யக ரீதி­யான தகு­தி­க­ளு­டன் நிறை­வேற்­றப்­பட்­டுள்­ளது என்­பது கூர்ந்து கவ­னிக்­கப்­ப­டு­வ­தோடு, வியந்து பாராட்­டிட வேண்­டிய அரு­மை­யான செய்­தி­யா­கும்!

தீர்­மா­னம் முன்­மொ­ழி­யப்­பட்ட நாள்!

2026 செப்­டம்­பர் 24 அன்று காலை கேட்ஃ­பேர்­மன் அம்­மை­யார் தீர்­மா­னத்தை முன்­மொ­ழிந்து, அவை­யில் கொண்டு வர­வி­ருப்­ப­தா­கக் கூறி, பெரி­யார் – அம்­பேத்­கர் சிந்­தனை வட்­டத் தோழர்­கள், பொது­வான பெரி­யார் பற்­றா­ளர்­க­ளின் மன­தைக் குளிர வைத்­தார்.

எனது ஆஸ்­தி­ரே­லிய பய­ணத்­தின்­போது, இம்­மு­யற்­சி­யி­னைச் சிட்­னி­யில் மேடை­யில் பகிர்ந்து கொண்­ட­தாக நினைவு!

அவை­யின் கவ­னத்­திற்­குத் தீர்­மா­னம் கொண்டு (இந்­தத் தனி நபர் தீர்­மான எண்.3721) செல்­லப்­ப­டு­கி­றது. அப்­போது அவைத் தலை­வர், பென்­பி­ராங்­கி­ளின், “திரு­மதி ஃபேர்­மேன் முன்­மொ­ழிந்த இத்­தீர்­மா­னம், பரி­சீ­ல­னைக்கு வரு­கி­றது. இதற்கு ஏதே­னும் ஆட்­சே­பனை உள்­ளதா?” என்று கேட்­கி­றார்.

அவை­யின் அதிர்ந்த குரல் என்ன தெரி­யுமா?

‘‘எந்த மறுப்­பும் இல்லை, ஆத­ரவு அதி­கம்’’ என்று கூறி, திரு­மதி ஃபேர்­ம­னைப் பேச அழைக்­கி­றார்.

பாராட்­டத்­தக்க அந்­தத் தீர்­மான கர்த்­தா­வான அந்த அம்­மை­யார், ‘தந்தை பெரி­யார் எப்­படி தொண்டு செய்து பழுத்த பழம்? ஏன் அவ­ரது அறி­வினை, செய­லி­னைப் போற்­றிப் பாராட்­டிட வேண்­டும்?’ என்று அடுக்­க­டுக்­கான கார­ணங்­களை அள்ளி அள்ளி வைக்­கி­றார்!

யுனெஸ்கோ மன்­றம் அளித்த பாராட்டு – விருது!

1925 இல், சுய­ம­ரி­யாதை இயக்­கத்­தைத் தொடங்­கிய தந்தை பெரி­யார், ‘இது உலக இயக்­க­மாக ஆகும்’ என்று எவ்­வ­ளவு முன்­னோக்­கத்­தோடு எழு­தி­னார் – வியப்­பல்­லவா! அவ­ரது முன்­னோக்கு, துணிவு, செய­லில், தாம் வெற்றி பெற்றே தீரு­வோம் என்ற அவ­ரது அழுத்­த­மான நம்­பிக்கை, இன்று எவ்­வ­ளவு அரு­மை­யாக ஆஸ்­தி­ரே­லிய நியூ சவுத் வேல்ஸ் நாடா­ளு­மன்ற சட்ட மேல­வை­யில் நிரூ­ப­ணம் ஆகி­யி­ருக்­கிறது!

27.6.1970 அன்று, சென்­னை­யில் யுனெஸ்கோ மன்­றம் தொடக்­க­வி­ழா­வில், அறி­வா­சா­னுக்­குத் தனிப் பெரும் விருது அளித்­துப் பெரு­மைப்­ப­டுத்­தி­யது!

ஒன்­றிய கல்வி அமைச்­ச­ராக இருந்த மேற்கு வங்­கா­ளத்­தைச் சார்ந்த டாக்­டர் திரி­குண சென் அவர்­க­ளும், தந்தை பெரி­யார் அவர்­க­ளால் செதுக்­கப்­பட்ட ஒப்­பற்ற திரா­விட அர­சி­யல் கட்­ட­மைப்­பா­ள­ரான முத்­த­மி­ழ­ றி­ஞர் கலை­ஞர் அவர்­கள், தமிழ்­நாட்டு முத­ல­ மைச்­சர் என்ற தகு­தி­யி­லும் நின்று, தனது ஈரோட்­டுக் குரு­குல ஆசா­னுக்கு விருது வழங்கி, பெருமை பெற்­றார்.

பெரி­யார் – ‘‘புது உல­கின் தொலை­நோக்­கா­ளர் தென் கிழக்கு ஆசி­யா­வின் சாக்­ரட்­டீஸ் சமூக சீர்­தி­ருத்த இயக்­கத் தந்தை அறி­யாமை, மூட­ நம்­பிக்கை, பொரு­ளற்ற பழக்­க­வ­ழக்­கங்­கள், இழி­வான நட­வ­டிக்­கை­கள் ஆகி­ய­வற்­றின் கடும் எதிரி!’’ என்று பெரி­யா­ரைப் போற்­றி­யது யுனெஸ்கோ மன்­றம்.

இதனை இப்­போது ஆஸ்­தி­ரே­லி­யா­வின் நியூ சவுத் வேல்ஸ் நாடா­ளு­மன்­றச் சட்ட மேலவை வழி ­மொ­ழிந்து வாழ்த்­து­வ­து­போல் இல்­லையா? ஆஸ்­தி­ரே­லி­யத் தோழர்­க­ளின் ஒருங்­கி­ணைந்த உழைப்­புக்­கும், பெரி­யார் – அம்­பேத்­கர் சிந்­தனை வட்­டத்­தின் கருத்­தி­ய­லா­ளர்­க­ளுக்­கும் கிடைத்த ஒரு தனி அங்­கீ­கா­ரம் என்று மகிழ்ந்து, அவர்­களை உச்­சி­மேல் வைத்து மெச்­சிக் கொள்­கி­றோம்.

தந்தை பெரி­யார் உரு­வப் படம்!

அதற்கு முந்­தைய பெரி­யார் 147 ஆம் ஆண்டு பிறந்த நாள் விழா­வின்­போது, செப்­டம்­ப­ரில், இங்­கி­லாந்­தின் இலண்­டன் மாந­க­ரில், புகழ்­பெற்ற ஆக்ஸ்ஃ­போர்டு பல்­க­லைக் கழக வளா­கத்­தில், திரா­வி­டப் பற்­றா­ளர்­க­ளும், பெரி­யாரை விரும்­பிய அய்­ரோப்­பி­யர்­க­ளும் கலந்­து­கொண்ட ஒரு பெரும் கருத்­த­ரங்­கத்­தி­னைத் தொடங்கி வைத்து, தந்தை பெரி­யார் படத்­தைத் தமிழ்­நாட்டு ‘திரா­விட மாடல்’ ஆட்­சி­யின் ஒப்­பற்ற முத­ல­மைச்­சர் நமது சகோ­த­ரர் மான­மிகு முத்­து­வேல் கரு­ணா­நிதி ஸ்டாலின் அவர்­கள் திறந்து வைத்து வர­லாறு படைத்­தார்!

நன்றி கலந்த பாராட்டு!

நாம், பழ­னி­யில், 1998 இல் நடை­பெற்ற பொதுக்­கு­ழு­வில், ‘‘இனி­வ­ரும் நூற்­றாண்டு, பெரி­யார் நூற்­றாண்டே! காரி­ருளோ, கிர­கண மறைப்­பு­களோ சூரி­யனை இல்­லாது செய்­து­விட முடி­யுமா? அப்­படி நினைத்­தால் அதை­வி­டப் பேதமை வேறு உண்டா?’’ என்று கூறி­யதை இப்­போது நினை­வு­ கூர்­கி­றோம்.

பெரி­யார் உலக மய­மா­கி­றார் என்­ப­தில் இனி­யும் அய்­யம் உண்டோ? நன்றி கலந்த பாராட்­டு­க­ளைக் ‘கிரீன்ஸ்’ கட்சி நாடா­ளு­மன்ற உறுப்­பி­னர் கேட் ஃபேர்­மன் அம்­மை­யார் அவர்­க­ளுக்­கும், ஆஸ்­தி­ரே­லிய பெரி­யார் – அம்­பேத்­கர் சிந்­தனை வட்­டத் தோழர்­க­ளுக்­கும் தெரி­வித்­துக் கொள்­கி­றோம்.

இவ்­வாறு திரா­வி­டர் கழ­கத் தலை­வர் கி.வீர­மணி அறிக்­கை­யில் தெரி­வித்­துள்­ளார்.

புதுக்­கோட்டை வடக்கு மாவட்­டம், விரா­லி­மலை கிழக்கு ஒன்­றி­யச் செய­லா­ளர் மு.பி.ம.சத்­தி­ய­சீ­லன் அவர்­களை, அவர் வகித்து வந்த பொறுப்­பி­லி­ருந்து விடு­வித்து, அவ­ருக்­குப் பதி­லாக மா.பாண்­டி­யன், (மண்­டை­யூர், குளத்­தூர் தாலுக்கா, புதுக்­கோட்டை மாவட்­டம்) அவர்­கள் விரா­லி­மலை கிழக்கு ஒன்­றி­யக் கழ­கப் பொறுப்­பா­ள­ரா­க­வும்;

அன்­ன­வா­சல் தெற்கு ஒன்­றி­யப் பொறுப்­பா­ளர் கே.எஸ்.சந்­தி­ரன் அவர்­களை, அவர் வகித்து வந்த பொறுப்­பி­லி­ருந்து விடு­வித்து, அவ­ருக்­குப் பதி­லாக ஏ.சுந்­தர்­ராஜ் (புல்­வ­யல், இலுப்­பூர் தாலுக்கா, புதுக் ­கோட்டை மாவட்­டம்) அவர்­கள் அன்­ன­வா­சல் தெற்கு ஒன்­றி­யக் கழ­கப் பொறுப்­பா­ள­ ரா­க­வும் நிய­மிக்­கப்­ப­டு­கி­றார்­கள்.

ஏற்­க­னவே தேர்ந்­தெ­டுக்­கப்­பட்ட அந்­தந்த ஒன்­றி­யக் கழக அமைப்­பின் பிற நிர்­வா­கி­கள் இவர்­க­ளு­டன் இணைந்து பணி­யாற்­று­மாறு கேட்­டுக் கொள்­ளப்­ப­டு­கி­றார்­கள்.