#Title

தலைமைத் தேர்தல் ஆணையர் ஞானேஷ்குமார் பதவி விலக வேண்டும்! ஜனநாயகத்தைப் பாதுகாக்க தி.மு.க. துணை நிற்கும்! தேர்தல் ஆணைய கூட்டத்தில் இருந்து வெளிநடப்பு செய்த பின் தி.மு.க. சட்டத்துறை இணைச் செயலாளர் இ.பரந்தாமன் பேட்டி!

சென்னை, அக்.25–

எஸ்.ஐ.ஆர். தொடர்பான தேர்தல் ஆணைய கூட்டத்தில் கலந்து கொண்டு வெளிநடப்பு செய்த பின் தி.மு.க. சட்டத்துறை இணைச் செயலாளர் இ.பரந்தாமன் செய்தியாளர்கள் சந்திப்பில் ஜனநாயகத்தைப் பாதுகாக்க தி.மு.க. துணை நிற்கும் என்றும் தலைமை தேர்தல் ஆணையர் ஞானேஷ்குமார் பதவி விலக வேண்டும் என்றும் குறிப்பிட்டார்.

இதுகுறித்து கழக சட்டத்துறை இணைச் செயலாளர் இ.பரந்தமான் அளித்த பேட்டி வருமாறு:–

திராவிட முன்னேற்றக் கழகத்தினுடைய சார்பில் முன்வைக்கப்பட வேண்டிய கருத்துக்கள், மக்களின் சார்பாக மக்களுக்கான தேவைகள் என்ன என்பதை முன்னிறுத்தி நாங்கள் எங்களுடைய கருத்துக்களை அங்கே தெரிவித்துவிட்டு வெளிநடப்பு செய்திருக்கிறோம். கூட்டத்தில் நாங்கள் முழுமையாக பங்கேற்கவில்லை. கூட்டம் தொடக்கத்திலேயே நாங்கள் எங்களுடைய கருத்துக்களை முன்வைத்து வெளியேறி இருக்கிறோம்.

அதில் மிக முக்கியமான கருத்துக்கள் என்னவென்றால், எஸ்.ஐ.ஆர். நடைமுறையில் ஏற்பட்டிருக்கக்கூடிய பல குளறுபடிகளை எப்படி சரி செய்யப் போறீங்க? எப்போது சரி செய்யப் போறீங்க.? என்பது தான் திராவிட முன்னேற்றக் கழகத்தினுடைய பிரதான கேள்வி.

74 இலட்சம் வாக்காளர்கள் நீக்கம்!

கடந்த முறை திருத்தப்பட்ட எஸ்.ஐ.ஆரில் இறுதி வாக்காளர் பட்டியலில் 74 லட்சத்திற்கு மேற்பட்ட வாக்காளர்கள் நீக்கப்பட்டிருக்கிறாங்க. அந்த நீக்கப்பட்ட வர்களை மீண்டும் சேர்க்கப்படுவதற்கான என்ன நடவடிக்கையை நீங்கள் எடுத்திருக்கிறீர்கள் என்பதை நாங்கள் கேட்டிருக்கிறோம். நீக்கப்பட்டவங்கல் லாம் என்ன, நாடு கடத்தப்பட்டுட்டாங்களா? இந்தியாவிலேயே இல்லையா? அவங்க தமிழ்நாட்டில் வசிக்கலையா? அப்ப அவங்க எங்க இருக்கிறாங்க? இந்தக் கேள்விக்கெல்லாம் தேர்தல் ஆணையம் பதில் சொல்லவே இல்லை.

இப்ப எஸ்ஐஆர் என்ற ஒரு நடைமுறையை கடைப்பிடித்தாங்க. இப்ப எஸ்எஸ்ஆர், ஸ்பெஷல் சம்மரி ரிவிஷன். இது ஆண்டுதோறும் வந்து ஜனவரி 1-ஆம் தேதியை தகுதி நாளாக வைத்து ஒவ்வொரு வருடமும் நடத்தக்கூடிய ஒரு எலக்ட்ரோல் ரிவிஷன்தான். ஆனா இதை வந்து ஸ்பெஷல் சம்மரி ரிவிஷன் ஒரு பேர் போட்டு இதை இன்னைக்கு நடத்துறாங்க.

நீங்க எஸ்ஐஆர் நடத்துறீங்க, எது நடத்துனாலும் வந்து பீப்பிள் பிரண்ட்லியாக இருக்கணும். எலக்ஷன் கமிஷன் வாக்காளர்களுக்கு வந்து ரொம்ப இலகுவா இருக்கணும். வாக்காளர்கள் தங்களுடைய பெயரை பதிவு செய்துறதுக்கான ஒரு வசதியை மேற்கொள்ளணும். அந்த மாதிரி எதுவுமே இல்லை.

ஒரு பக்கம் வந்து தேர்தல் ஆணையம் வாக்காளர்கள் 100% வாக்களிக்கனும் என்று விளம்பரப்படுத்துறாங்க. அதற்கான விழிப்புணர்வை செய்றாங்க. ஆனா வாக்காளருடைய பெயரை சேர்க்கறதுக்கே பல முட்டுக்கட்டை போடும்போது, அப்ப ஜனநாயகத்தில் வாக்காளர்கள் 100% வந்து வாக்களின்னு சொல்றதுல முரண்பட்ட தன்மைதான் தேர்தல் ஆணையத்துல இருக்கு.

அதுமட்டுமல்ல, இப்போது இந்திய தேர்தல் ஆணையத்தினுடைய தலைமை தேர்தல் அதிகாரியாக இருக்கக்கூடிய ஞானேஷ் குமார் அவர்கள், திராவிட முன்னேற்றக் கழகத்தின் சார்பாக கடந்த 17-ஆம் தேதி அணைக்கு திமுக நாடாளுமன்ற உறுப்பினர் கூட்டத்தை கூட்டி பல தீர்மானங்களை வடித்து நாங்க வெளியிட்டுருக்கிறோம்.

ஜனாதிபதியை சந்தித்து தி.மு.க. மனு!

அதில் குறிப்பிட்டு சொல்லக்கூடிய அந்த தீர்மானங்கள் ஒன்றுதான் வந்து ஞானேஷ் குமார் வந்து பதவிவிலக வேண்டும். ஜனாதிபதியை சந்தித்து மனு கொடுக்கறதும் நாங்க தீர்மானம் நிறைவேற்றிருக்கோம்.

நாங்கள் ஏற்கனவே எடுக்கப்பட்ட தீர்மானத்தை ஒட்டிதான் இன்றைக்கு திராவிட முன்னேற்றக் கழகம் இந்த சீப் எலக்ஷன் கமிஷன் ஆப் இந்தியாவை வச்சுக்கிட்டு எந்த ஒரு எக்சசைஸ் செய்தாலும், எந்த வாக்காளர் பட்டியல் திருத்துகிற நடவடிக்கையை மேற்கொண்டாலும், அதில் நம்பகத்தன்மை இருக்காது. அது உண்மையான வெளிப்படைத்தன்மை இருக்காது.

அதனால திராவிட முன்னேற்றக் கழகத்தினுடைய பிரதான கோரிக்கை என்னவென்றால், இந்த சீப் எலக்ஷன் கமிஷன் ஆப் இந்தியாவை வச்சு நீங்க செய்ற எந்த எக்சசைஸும், இது வந்து யூஸ்லெஸ் தான், இது வேஸ்ட், இது கண்துடைப்புதான். ஜனநாயகத்துக்கு ஏமாத்தக்கூடிய வேலைதான்.

அதனால இந்தியாவில இருக்கக்கூடிய ஒட்டுமொத்த பிரதான எதிர்க்கட்சிகள், அரசியல் கட்சிகள் எல்லாம் வந்து இன்றைக்கு இருக்கக்கூடிய தலைமை தேர்தல் அதிகாரி மேல நம்பிக்கை இழந்து பல கருத்துக்களை, குற்றச் சாட்டுகளை முன்வைத்திருக்கிறோம்.

எனவே வந்து ஒன்றிய அரசாங்கம் இதற்கு செவிசாய்த்து, இந்திய தேர்தல் ஆணையம் வந்து இதை அவர் தானாக முன்வர வேண்டும். இல்லைன்னா சட்டத்திற்கு உட்பட்டு, கான்ஸ்டிட்யூஷனலி ரிமூவ்ட், அதை வந்து ரிமூவ் பண்ணலனா நிச்சயமாக இந்த வாக்காளர் திருத்துகிற பணி என்பது நியாயமாகவும் சுதந்திரமாகவும் நடைபெறாது என்பதை நாங்கள் தெளிவாக எடுத்துரைத்து நாங்கள் வெளிநடப்பு செய்திருக்கோம்.

செய்தியாளர் கேள்விக்கு பதில் :

தமிழகத்தைப் பொறுத்தவரைக்கும் அதிசயமான விஷயம் பார்த்தா, ஆளுங்கட்சியும் எதிர்க்கட்சியுமே வெளிநடத்தி இருக்கு. இதை வந்து எப்படி பார்க்கறீங்க?

இல்ல, ஆளுங்கட்சி, எதிர்க்கட்சிங்கறத விட வாக்காளர் பட்டியல் திருத்துகிற பணி சரியா இருக்கறதுதான் நோக்கமே தவிர, இது ஆளுங்கட்சி, எதிர்க்கட்சி, இந்தியா கூட்டணி, அந்தக் கூட்டணி லாம் ஒண்ணுமே கிடையாது. எல்லாருக்குமே தெரியும், இந்தியாவுல முதல் முதல்ல வந்து இந்த எஸ்ஐஆர்ங்கிற ஒரு சப்ஜெக்ட் வந்து பீகார்ல நடந்து கொண்டிருக்கும் போதே இந்தியாவிற்கே வந்து அலாரம் அடிச்சவர் வந்து திராவிட முன்னேற்றக் கழகத்தினுடைய தலைவர்தான்.

அன்றைக்கு முதலமைச்சராக இருந்து தமிழ்நாட்டை ஆட்சி செய்தாலும் கூட இந்த எஸ்ஐஆருக்காக எதிர்த்து நடைபெற்ற பீகார்ல இருக்கக்கூடிய ஒரு பேரணிக்கு வந்து போய் கலந்துகிட்ட ஒரு மாநில தலைவர் இந்தியாவுல எங்களுடைய தலைவர்தான்.

தமிழ்நாட்டில எந்த அரசியல் கட்சி தலைவரும் அந்த மாதிரி அங்க போய் பங்கு கொள்ளல. ஆனா நாங்கதான் முதல் முதல்ல, எங்க தலைவர்தான் வந்து எஸ்ஐஆர்ல இருக்கக்கூடிய குளறுபடிகள், அதனுடைய விளைவுகளைப் பற்றி முதல் முதல்ல வந்து, இன்னும் சொல்லப்போனா அரசியல் ரீதியில இல்லாம காமன் மேனுக்கும் எஜுகேட் பண்ண கட்சி திமுகதான்.

இன்னும் சொல்லப்போனா, திராவிட முன்னேற்றக் கழகத்தினுடைய நிர்வாகிகளுக்கு பிஎல்ஏ 2 என்று இந்திய தேர்தல் ஆணையத்தால் அங்கீகரிக்கப்பட்ட அரசியல் கட்சியுடைய பிரதிநிதிகளுக்கு ஒரு ஸ்பெஷல் கேம்ப் நடத்தி, ஏன்னா இந்த எக்சசைஸ் செஞ்சாகணும்.

இது வந்து அவங்க வந்து வித்ட்ரா பண்ற வரைக்கும் நாம வந்து பைகாட் பண்ணிருக்க முடியாது. எலக்ஷன நாங்க ஃபேஸ் பண்ணக்கூடிய நேரம் போது.

அப்ப நாங்க அவங்கள எஜுகேட் பண்ணி இருக்கற சிஸ்டத்தை எப்படி பெட்டரா கொண்டு வரணும், எப்படி வந்து மேக்ஸிமம் வாக்காளர்களை வந்து இழக்கக் கூடாது என்பதெல்லாம் வந்து திமுகவினுடைய நிர்வாகிகளுக்கு பயிற்சி கொடுத்த ஒரே கட்சி இந்தியாவுல வந்து திமுக மட்டும்தான்.

எனவே ஜனநாயகத்தின்படி செய்யக்கூடிய எது ஒண்ணுத்துக்கு திமுக துணை நிற்கும்.

We are the prime opposition party in India, I can say this. Thank you.

இவ்வாறு இ.பரந்தாமன் பேட்டியளித்தார்.