சென்னை, அக்.26–
“த.வெ.க. ஆட்சியில் நாள்தோறும் பாலியல் வன்கொடுமைகள், குழந்தைகள் மற்றும் போதைப் பொருள் கடத்தல் அதிகரித்துக்கொண்டே வருகிறது. எனவே ‘தீயசக்தி’ யார்என்பதை மக்கள் புரிந்துகொண்டார்கள்” என்று கழகத் தலைவர்மு.க.ஸ்டாலின் அவர்கள், முன்னாள் அமைச்சரும், விருது நகர் தெற்கு மாவட்டச் செயலாளருமான
கே.கே.எஸ்.எஸ்.ஆர்.இராமச்சந்திரன் இல்ல மணவிழாவை நடத்தி வைத்து உரையாற்றும் போது குறிப்பிட்டார்.
சென்னையில் நேற்று நடைபெற்ற,முன்னாள் அமைச்சர்கே.கே.எஸ்.எஸ்.ஆர்.இராமச்சந்திரன் அவர்களது இல்லத் திருமண விழாவில் கழகத் தலைவர் மு.க.ஸ்டாலின் அவர்கள் பங்கேற்று ஆற்றிய உரை வருமாறு : –
நம்முடைய அன்புக்குரிய கே.கே.எஸ்.எஸ்.ஆர். - – ஆதிலட்சுமி ஆகியோரின் மகள் வழிப் பேரனும், என்னுடைய அன்புக்குரிய டாக்டர் பா. அருண்குமார் –உமா மகேஸ்வரி ஆகியோரின் அருமை மகனுமான ஏ.வைஷ்ணவ் அவர்களுக்கும், திருநெல்வேலி சரவணன் -– திருமதி விஜய சங்கரி ஆகியோரின் அன்பு மகள்எஸ்.விகாஷ்ணி அவர்களுக்கும், நம்முடையஅன்பான வாழ்த்துக்களோடு இந்தமணவிழா நிகழ்ச்சி நிறைவேறியிருக்கிறது.
இந்த மணவிழா நிகழ்ச்சிக்கு தலைமைப்பொறுப்பை ஏற்று, மணவிழாவை நடத்தி வைத்து, மணமக்களை வாழ்த்தும் ஒரு சிறப்பான வாய்ப்பு எனக்கு கிடைத்திருக்கிறது. அந்த வாய்ப்பினை வழங்கிய மணமக்களுக்கும் - மணமக்களின் குடும்பத்தாருக்கும், இந்த நேரத்தில் என்னுடைய நன்றியை நான் தெரிவித்துக் கொள்ள விரும்புகிறேன்.
இங்கு அனைவரும் குறிப்பிட்டுச் சொன்னார்கள். இது நம்முடைய கழகக் குடும்பத்தில் நடைபெறும் திருமணம். இன்னும் நான் பெருமையோடுஉரிமையோடு சொல்ல வேண்டும் என்று சொன்னால், என்னுடைய இல்லத்தில் நடைபெறும் திருமணமாகக் கருதி, இது நம்முடைய குடும்பத்தில் நடைபெறும் திருமணமாக கருதி, இந்த மணவிழா நிகழ்ச்சியில் நாமெல்லாம் கலந்து கொண்டிருக்கிறோம்.
நம்முடைய கே.கே.எஸ்.எஸ்.ஆர். அவர்களைப் பற்றி அனைவரும் பேசும்போது குறிப்பிட்டுச் சொன்னார்கள். அவர் திராவிட முன்னேற்றக் கழகத்தில் தன்னை இணைத்துக் கொண்ட நேரத்தில் இருந்து, இந்த நிமிடம் வரையில், அவர் இந்த இயக்கத்திற்காக என்னென்ன வகையில் பாடுபட்டு இருக்கிறார், பணியாற்றி இருக்கிறார் என்பது அனைவரும் அறிந்த உண்மை.
‘அண்ணாச்சி’ என்ற
தனி அடையாளம் கொண்டவர்!
அவரை அனைவரும் ‘அண்ணாச்சி’ என்றுதான் அழைப்பார்கள். காரணம், அவர் யாரைப் பார்த்தாலும் ‘அண்ணாச்சி, அண்ணாச்சி’ என்றுதான் சொல்வார். ஏதாவதுபணியை, செய்தியை அவரிடத்தில் சொன்னால், ‘சரி அண்ணாச்சி, சரி அண்ணாச்சி’ என்று 10 இடத்திலாவதுஅந்த ‘அண்ணாச்சி’ என்ற வார்த்தையைச்சொல்லி, ஒரு விஷயத்தைச் சொல்லுவார். ஏதோ, முதியவர்கள் இடத்தில் மட்டுமல்ல; அது ஐந்து வயது குழந்தையாக இருந்தாலும், மூன்று வயது குழந்தையாக இருந்தாலும், பிறந்த குழந்தையாக இருந்தாலும், அதையும் பார்த்து அண்ணாச்சி அண்ணாச்சி என்று சொல்லக்கூடியவர்தான் நம்முடைய கே.கே.எஸ்.எஸ்.ஆர். அவர்கள்.