சிவகங்கை, அக்.26–
சிவகங்கையை தலைநகராக கொண்டு ஆட்சி பூரிந்தவர்கள் மாமன்னர் மருது சகோதரர்கள் . நாட்டின் சுதந்திரப் போராட்டத்திற்காக ஆங்கிலேயர்களை எதிர்த்து போராடிய பொழுது தூக்கிலிடப்பட்டு வீரமரணம் அடைந்தார்கள். அவர்கள் 224 ஆண்டுகளுக்கு முன்பாக அக்டோபர் மாதம் 24 ஆம் தேதி திருப்பத்தூரில் ஆங்கிலேயர்களிடம் சரணடைந்த பொழுது தூக்கிடப்பட்
டார்கள். அவர்களது இறுதி வேண்டுகோளை ஏற்று அவர்களின் விருப்பப்படி உடல் திருப்பத்தூரிலும் தலை காளையார்கோவில் காளீஸ்வரர் ஆலயம் முன்பாக அடக்கம் செய்யப்பட்டது
மருதிருவர் கோரிக்கையினை ஏற்று உடல் திருப்பத்தூரிலும் தலை காளையார் கோவில் காளீஸ்வர ஆலயம் முன்பாக அடக்கம்செய்யப்பட்டது.மாமன்னர் கோளின் தியாகத்தை போற்றும் வகையில் ஒவ்வொரு ஆண்டும் அக்டோபர் 24ஆம் தேதி திருப்பத்தூரிலும், 27ஆம் தேதி காளையார் கோவிலிலும் மாமன்னர் மருது சகோதரர்களின் குருபூஜை அனுசரிக்கப்பட்டு வருகின்றது. இந்த ஆண்டு 225 வது ஆண்டு குருபூஜையினை முன்னிட்டு நாளை 27ஆம் தேதி செவ்வாய்க்கிழமை காலை காளையார் கோயிலில் அமைந்துள்ள மாமன்னர் மருது சகோதரர்களின் நினை விடத்தில் பல்வேறு அரசியல் கட்சி பிரமுகர்கள், சமுதாய தலைவர்கள் மாநிலம் முழுவதுமிலிருந்து வந்து அஞ்சலி செலுத்துவார்கள்.
முன்னதாக காலை 8 மணிக்கு மருது சகோதரர்களின் நினைவிடத்தில் சிறப்பு யாகங்கள், வழிபாடுகள் நடைபெறும். அன்னதானங்களும் நடைபெறும். அதனைத் தொடர்ந்து பல்வேறு அரசியல் கட்சித் தலைவர்கள் சமுதாய தலைவர்கள் மருது பாண்டியர் நினைவிடத்தில் மலர் தூவி மரியாதை செலுத்துவார்கள்.
குரு பூஜையை முன்னிட்டு மாவட்ட காவல் கண்காணிப்பாளர் அபிஷேக் குப்தா தலைமையில் மாவட்டம் முழுவதும் பலத்த போலீஸ் பாதுகாப்பு ஏற்படுத்தப்பட்டுள்ளது வரிச்சியூர், சிவகங்கை, மானாமதுரை, இளையான்குடி, காளையார் கோவில், கல்லல், கீழசேவல்பட்டி, மானாமதுரை தேவகோட்டை உட்பட மாவட்டத்தில் 20க்கும் மேற்பட்ட இடங்களில் வாகன சோதனைச் சாவடிகள் அமைக்கப்பட்டுள்ளது .ஆங்காங்கே ரோந்து வாகனங்களில் போலீசார் பாதுகாப்பு பணிகளை மேற்கொண்டு வருகின்றனர்.
1500க்கும் மேற்பட்ட போலீசார் பாதுகாப்பு பணியில் ஈடுபட்டுள்ளனர். மாவட்ட முழுவதும் பலத்த போலீஸ் பாதுகாப்பு ஏற்பாடுகள் செய்யப்பட்டுள்ளது. இருசக்கர வாகனங்கள், வாடகை, கார் ,வேன்களில் வருவதற்கு தடை விதிக்கப்பட்டுள்ளது .குருபூஜைக்கு வருபவர்கள் அரசு பேருந்துகளில்,சொந்தவாகனங்களில் முன் அனுமதி பெற்று வரவேண்டும். மாவட்டத்தில் உள்ள மதுபான கடைகள் முற்றிலுமாக மூடப்பட்டுள்ளது.
மருது பாண்டியர்கள் குருபூஜையினை முன்னிட்டு சிவகங்கை, காளையார் கோவில், மானாமதுரை, இளையான்குடி, திருப்பு வனம் தாலுகாவில் உள்ள பள்ளிகள், கல்லூரிகளுக்கு விடுமுறை விடப்பட்டுள்ளது. மாவட்டம் முழுவதும் கடந்த 20ம்தேதி முதல் 30ம் தேதி வரை தடை யுத்தரவு பிறப்பிக்கப்
பட்டுள்ளது. போக்குவரத்தில் மாற்றம் செய்யப்பட்டுள்ளது.