ஊட்டி, அக். 26–
நீலகிரி மாவட்டத்தில் கடந்த மூன்று நாட்களாக லேசானது முதல் மிதமானது வரை மழை பெய்து வந்த சூழலில் நேற்று இரவு அதிகன மழையாக மாறி உள்ளது..மாவட்டத்தில் மிக அதிக அளவாக கோத்தகிரி குன்னூர் பகுதியில் நேற்று இரவு கனமழை பெய்தது இதன் காரணமாக குன்னூர் உட்பட்ட பர்லியர்ரில் நேற்று இரவு 21 சென்டிமீட்டர் அளவுக்கு மழை பெய்த காரணத்தினால் உதகை குன்னூர் மேட்டுப்பாளையம் தேசிய நெடுஞ்சாலையில் முழுவதுமாக பாதிக்கப்பட்டு ஆங்காங்கே மண் சரிவுகளும் மரங்கள் விழுந்தும் காணப்படுகின்றது இதன் காரணமாக உதகை குன்னூர் மேட்டுப்பாளையம் தேசிய நெடுஞ்சாலை மூடப்பட்
டுள்ளது.
மேலும் கோத்தகிரியில் பெய்த மழையின் காரணமாக உதகை கோத்தகிரி சாலையும் இன்று 11 மணி முதல் மூடப்பட்டது தொடர்ந்து நீலகிரிக்கு மழைக்கான சிகப்பு எச்சரிக்கை விடுக்கப்பட்டுள்ள தால் சமவெளி பகுதியில் இருந்து உதகை மற்றும் குன்னூர் வரவேண்டிய அத்தியாவசியப் பொருட்களினுடைய சேவை முழுவதுமாக நிறுத்தப்பட்டுள்ளது இதனால் உதகையை குன்னூரில் இருந்து சமவெளி பகுதிக்கு செல்ல வேண்டிய மக்கள் பெரும் அவதிக்கு உள்ளாகி உள்ளனர்.
இந்த நிலையில் நேற்று இரவு பரலியார் பகுதியில் ஏற்பட்ட அரசுப் பேருந்து மீது மரம் விழுந்ததில் பேருந்து இயக்கி சென்ற கேத்தி பாலடாவைச் சேர்ந்த அரசு ஓட்டுநர் ஜனகராஜ் என்பவர் விபத்தில் சிக்கி உயிரிழந்தார் நேற்று காலை முதல் நடைபெற்றுக் கொண்டிருக்கிற மீட்பு பணிகளை. குன்னூர் சட்டமன்ற உறுப்பினரும் மாவட்ட கழக பொறுப்பாளருமான கே எம் ராஜு மற்றும் மாவட்ட ஆட்சித் தலைவர் லட்சுமி பவ்யா ஆகியோர் நேரில் சென்று மீட்பு பணிகளை துரிதப்படுத்தினார்கள்.
இதற்கிடையே மாவட்ட ஆட்சித் தலைவர் லட்சுமி பவ்யா விடுத்துள்ள வேண்டுகோள் வருமாறு :
நீலகிரி மாவட்டத்தில் ஏற்பட்டுள்ள இயற்கை பேரிடர் காரணமாக நீலகிரிக்கு சமவெளி பகுதியில் இருந்து வர வேண்டிய அத்தியாவசிய பொருட்கள் தங்கு தடை இன்றி கிடைக்கும் வகையில் ஏற்பாடுகள் செய்யப்படுவதுடன் நீலகிரிக்கு சுற்றுலாப் பயணிகள் மூன்று நாட்களுக்கு வர வேண்டாம் என்றும் இந்த சூழ்நிலையை கருத்தில் கொண்டு மாலை 6 மணி முதல் காலை 7 மணி வரை போக்குவரத்துகள் தடை செய்யப்படும் இவ்வாறு அவர் கூறியுள்ளார்.
இதற்கிடையே மழையால் சேதம் அடைந்த
பகுதிகளை பார்வையிட்ட குன்னூர் சட்டமன்ற உறுப்பினர் கே.எம்.ராஜு மழையால் பாதிக்கப்பட்டுள்ள மக்களுக்கு உடனடியாக நிவாரணங்கள் வழங்க வேண்டும் என்றும் நிவாரண பணிகளில் கழகத் தோழர்கள் உடனடியாக ஈடுபட்டு மழையால் பாதிக்கப்பட்டுள்ள மக்களுக்கு உதவிகளை செய்யும் படியும் கேட்டுக் கொண்டுள்ளார்.
இதைத்தொடர்ந்து நீலகிரி மாவட்டத்தில் இருந்து இயக்கப்பட வேண்டிய சமவெளிக்கு பகுதிகளுக்குச் செல்ல வேண்டிய அனைத்து, பேருந்துகளும் நிறுத்தப்பட்டுள்ளன. இரவு அல்லது இன்று காலை சீரமைப்பு பணிகள் முழுமை பெற்றால் மட்டுமே சமவெளிப் பகுதிகளுக்கு பேருந்துகள் இயக்கப்படும்
என போக்குவரத்துக் கழகம் அறிவித்துள்ள சூழலில் இயல்பு வாழ்க்கை முழுமையாக பாதிக்கப்பட்டுள்ளது.