சென்னை, அக்.26–

“கண்­ணாடி மாளி­கை­யில் இருந்­து­கொண்டு கற்­கோட்­டையை நோக்­கிக் கல் எறி­வதா?” என்­றும் – “நிதி இல்லை என்று கைவி­ரிப்­பது நிர்­வா­கத்­தின் பதி­லா­காது; நாங்­கள் உரு­வாக்­கிய நிதிஆதா­ரங்­க­ளும், நிறை­வேற்­றிய திருப்­ப­ணி­களுமே எங்­கள் சாத­னை­க­ளுக்­குச் சாட்சி” என்­றும் –இந்து சமய அற­நி­லை­யத்­துறை அமைச்­சர் ரமே­ஷுக்கு முன்­னாள் அமைச்­சர்பி.கே.சேகர்­பாபு எம்.எல்.ஏ. பதி­லடி கொடுத்­துள்­ளார்.

இந்து சமய அற­நி­லை­யத்­து­றை­யின் செயல்­பா­டு­கள் மற்­றும் நிதி நிலை குறித்து அமைச்­சர் ரமேஷ் தெரி­வித்த கருத்­து­க­ளுக்­குப் பதி­ல­ளித்து, முன்­னாள் இந்து சமய அற­நி­லை­யத்­துறை அமைச்­ச­ரும், சென்னை கிழக்கு மாவட்ட தி.மு.க. செய­லா­ள­ரு­மான பி.கே. சேகர்­பாபு எம்.எல்.ஏ. வெளி­யிட்­டுள்ள அறிக்­கை­யில் கூறி­யி­ருப்­ப­தா­வது:–

கண்­ணாடி மாளி­கை­யில் இருந்­து­கொண்டு கற்­கோட்­டையை நோக்­கிக் கல் எறி­வ­து­போல் உள்­ளது அமைச்­சர் ரமேஷ் அவர்­க­ளின் பேச்சு.

பரு­வ­மழை முன்­னெச்­ச­ ரிக்கை நட­வ­டிக்­கை­களை முறை­யாக மேற்­கொள்­ளா­த­தால், இந்து சமய அற­நி­லை­யத்­துறை ஆணை­யர் அலு­வ­ல­கக் கட்­டி­டத்­திற்­குள் மழை­நீர் புகுந்து, அரிய ஆவ­ணங்­கள், முக்­கி­யக் கோப்­பு­கள் மற்­றும் சுமார் ரூ.30 ஆயி­ரம் மதிப்­பி­லான புத்­த­கங்­கள் சேத­ம­டைந்­துள்­ள­தா­கச் செய்­தி­கள் வெளி­யா­கி­யுள்­ளன.

இந்­நி­லை­யில், நேற்று நடை­பெற்ற செய்­தி­யா­ளர் சந்­திப்­பில், “ரூ.400 கோடி நிதி இல்லை” என்று கூறிய இந்து சமய அற­நி­லை­யத்­துறை அமைச்­சர் ரமேஷ் அவர்­க­ளி­டம் சில கேள்­வி­களை முன்­வைக்க விரும்­பு­கி­றேன்.

கடந்த திரா­விட மாடல் ஆட்­சி­யில் 4,649 திருக்­கோ­யில்­க­ளில் குட­மு­ழுக்­கு­கள் நடத்­தப்­பட்­டன. நாங்­கள் அறி­வித்து, தொடங்கி, நிறை­வ­டை­யும் நிலை­யில் விட்­டுச் சென்ற திருப்­ப­ணி­ க­ளின் அடிப்­ப­டை­யில்­தானே இன்­றும் பல திருக்­கோ­யில்­க­ளில் குட­மு­ழுக்­கு ­கள் நடை­பெ­று­கின்­றன? மதுரை மீனாட்சி அம்­மன் திருக்­கோ­யி­லின் குட­ மு­ழுக்­குத் திருப்­ப­ணி­களே இதற்­குச் சாட்சி!

திருக்­கோ­யில்­க­ளின் திருப்­ப­ணி­கள் மட்­டு­மின்றி, அறம் சார்ந்த கல்­விப் பணி­கள், பள்­ளி­கள், கல்­லூ­ரி­கள், மூத்த குடி­மக்­க­ளுக்­கான உறை­வி­டங்­கள் எனப் பல்­வேறு திட்­டங்­களை முறை­யான நிதி மேலாண்­மை­யு­டன் செயல்­ப­டுத்தி, மக்­கள் பயன்­பாட்­டிற்­குக் கொண்­டு­வந்த பெருமை திரா­விட மாடல் ஆட்­சிக்கு உண்டு.

நாங்­கள் ஏற்­றிய அறப்­ப­ணி­க­ளின் விளக்கை மறைக்க நினைப்­ப­வர்­ களுக்கு, ஆயி­ரம் விளக்­கு­கள் ஏற்­றி­னா­லும் உண்மை இருட்­டா­கவே தெரி­யும்!

இந்த விவ­ரங்­கள் அமைச்­ச­ருக்­குத் தெரி­ய­வில்லை என்­றால், தனது துறை­யின் அதி­கா­ரி­க­ளி­டமே கேட்­டுத் தெரிந்­து­கொள்­ளட்­டும். துறைச் செய­லா­ளர், ஆணை­யா­ளர், கூடு­தல் ஆணை­யா­ளர், இணை ஆணை­யர்­கள் எனத் திருக்­கோ­யில் திருப்­ப­ணி­க­ளுக்­கான நிதி ஆதா­ரங்­க­ளைத் திட்­ட­மி­டு­ வ­தி­லும், செயல்­ப­டுத்­து­வ­தி­லும் எங்­க­ளு­டன் பணி­யாற்­றிய அதி­கா­ரி­கள் இன்­றும் துறை­யில் உள்­ள­னர்.

அவர்­க­ளி­டம் கேட்­டாலே கடந்த ஆட்­சி­யில் உரு­வாக்­கப்­பட்ட நிதி ஆதா­ரங்­கள், தொடங்­கப்­பட்ட திட்­டங்­கள், திருப்­ப­ணி­க­ளின் முன்­னேற்­றம் என அனைத்­தை­யும் அறிந்­து­கொள்ள முடி­யும்.

திருக்­கோ­யில்­க­ளின் வரு­வா­யைப் பெருக்­கு­வ­தற்­காக, பயன்­பாட்­டில் இல்­லாத பல­மாற்­றுப் பொன் இனங்­க­ளைச் சுத்­தத் தங்­கக் கட்­டி­க­ளாக மாற்றி, ஒன்­றிய அர­சின் வங்­கி­க­ளில் முத­லீடு செய்து, அதன் மூலம் கிடைக்­கும் வட்டி வரு­வா­யைத் திருக்­கோ­யில்­ க­ளின் அடிப்­படை வச­தி­க­ளுக்­கும் மேம்­பாட்­டுப் பணி­க­ளுக்­கும் பயன்­ப­டுத்­தும் திட்­டத்­தைச் செயல்­ப­டுத்­தி­னோம்.

குறிப்­பாக, 25 திருக்­கோ­யில்­க­ளி­லி­ருந்து 1,111 கிலோ பல­மாற்­றுப் பொன் இனங்­கள் சுத்­தத் தங்­கக் கட்­டி­க­ளாக மாற்­றப்­பட்டு, ரூ.836 கோடி தங்க வைப்­பு­நி­தி­யாக முத­லீடு செய்­யப்­பட்­ட­தன் மூலம் ஆண்­டுக்கு ரூ.18 கோடி வட்டி வரு­வாய் கிடைக்­கும் வகை­யில் நட­வ­டிக்கை மேற்­கொள்­ளப்­பட்­டது.

மேலும், 9 திருக்­கோ­யில்­ க­ளின் 296 கிலோ தங்­கத்­தை­யும் இத்­திட்­டத்­தில்சேர்க்­கும்­போது, ஆண்­டுக்கு ரூ.20 கோடிக்­கும் அதி­க­மான வரு­வாய் கிடைக்­கும்வாய்ப்பு உரு­வாக்­கப்பட்­டது.

ஆயி­ரம் ஆண்­டு­க­ளுக்­கும் மேற்­பட்ட பழ­மை­யான திருக்­கோ­யில்­க­ளின் பண்­பாட்டு மர­பைப் பாது­காக்­க­வும், அவற்­றின் திருப்­ப­ணி­க­ளுக்கு நிதி ஆதா­ரங்­களை உரு­வாக்­க­வும் சிறப்­புத் திட்­டங்­கள் செயல்­ப­டுத்­தப்­பட்­டன.

இந்து சமய அற­நி­லை­யத்­துறை வர­லாற்­றில் குறிப்­பி­டத்­தக்க வகை­யில், நான்கு ஆண்­டு­க­ளில் ரூ.425 கோடி அரசு நிதி, ரூ.135 கோடி திருக்­கோ­யில் மற்­றும் உப­ய­தா­ரர் நிதி என மொத்­தம் ரூ.560 கோடி மதிப்­பீட்­டில் 352 பழ­மை­யான திருக்­கோ­யில்­ களுக்­குத் திருப்­ப­ணி­கள் மேற்­கொள்­ளப்­பட்டு, 96 திருக்­கோ­யில்­க­ளுக்­குக் குட­மு­ழுக்­கு­கள் நடத்­தப்­பட்­டன.

இத்­த­கைய பணி­களை மேற்­கொண்­டது திட்­ட­ மிட்டநிதிமேலாண்­மை­யால்­தானே? நாங்­கள் செயல்­படுத்­தி­ய­போது இருந்த நிதி ஆதா­ரங்­கள் இப்­போது எங்கே சென்­றன? அவற்றை முறை­யா­கப் பயன்­ப­டுத்­து­வ­தில் என்ன தடை­கள் உள்­ளன என்­பதைஅமைச்­சர் விளக்கவேண்­டும்.

மரு­த­மலை திருக்­கோ­யி­ லின் நிதி ஆதா­ரத்­தின் மூலம் குன்­னூ­ரில் பல அடுக்கு வாகன நிறுத்­தம்அமைத்து, அதன் வரு­வா­யைக் கொண்டு சுற்­றி­யுள்ள 32-க்கும் மேற்­பட்ட வரு­மா­ன­மற்ற சிறிய திருக்­கோ­யில்­களை மேம்­ப­டுத்­தத் திட்­ட­மிட்­ட­போது, அதைத் தேவை­யற்ற திட்­டம் என்று விமர்­சித்­த­வர்­கள், இன்று கொடைக்­கா­ன­லில் அதே­போன்ற திட்­டத்தை அறி­வித்­தி­ருப்­பது ஏன்?

அன்று தி.மு.க. அறி­வித்­தால் தேவை­யற்ற திட்­டம்; இன்று நீங்­கள் அறி­வித்­தால் மக்­கள் நலத் திட்­டமா? இது­தான் நீங்­கள் கூறும் மாற்­றமா?

அதே­போன்று, திரா­விட மாடல் ஆட்­சி­யில்­தான் பழ­மை­யான திருக்­கோ­யில்­ க­ளின் ஆவ­ணங்­ கள், ஓலைச்­சு­வ­டி­கள் மற்­றும் வர­லாற்­றுச் சான்­று­க­ளைப் பாது­காக்­க­வும், ஆயி­ரக்­க­ணக்­கான அரிய ஆவ­ணங்­களை ஸ்கேன் செய்து கணி­னி­ம­ய­மாக்­க­வும்நட­வ­டிக்­கைகள் மேற்­கொள்­ளப்பட்­டன.

2024-ஆம் ஆண்டு மழை,வெள்­ளம் போன்ற சூழல்­க­ளி­லும் பாது­காக்­கப்­பட்ட ஆவ­ணங்­கள், இன்றுஅலு­வ­ல­கத்­திற்­குள் மழை­நீர் புகுந்து சேத­ம­டை­யும் நிலை ஏற்­பட்­டி­ருப்­ப­தா­கக் கூறப்­ப­டு­வது மிகுந்த கவலை அளிக்­கி­றது.

இதற்கு என்ன கார­ணம்? பரு­வ­மழை முன்­னெச்­ச­ரி க்கை நட­வ­டிக்­கை­கள் முறை­யாக மேற் ­கொள்­ளப்­பட்­ட­னவா? அரிய ஆவ­ணங்­க­ளைப் பாது­காக்க உரிய ஏற்­பா­டு­கள் செய்­யப்­பட்­ட­னவா? சம்­பந்­தப்­பட்ட அதி­கா­ரி­க­ளி­டம் விளக்­கம் பெற்று, உரிய நட­வ­டிக்கை எடுக்க வேண்­டி­யது அமைச்­ச­ரின் கட­மை­யல்­லவா?

நிதி இல்லை என்று கைவி­ரிப்­பது நிர்­வா­கத்­தின் பதி­லா­கி­வி­டாது; நிர்­வா­கக் குறை­பா­டு­க­ளுக்­குப் பொறுப்­பேற்­பதே கடமை!

நாங்­கள் உரு­வாக்­கிய நிதி ஆதா­ரங்­கள், தொடங்­கிய திருப்­ப­ணி­கள், பாது­காத்த பண்­பாட்டு மர­பு­கள் ஆகி­யவை வெறும் அறி­விப்­பு­கள் அல்ல; செயல்­ப­டுத்­தப்­பட்ட திட்­டங்­க­ளின் சான்­று­கள்.

அவற்­றைத் தொடர்ந்து நிறை­வேற்­று­வ­தும், நிதியை முறை­யாக நிர்­வ­கிப்­ப­தும், திருக்­கோ­யில்­ களின் வளர்ச்­சியை உறு­தி­செய்­வ­தும், இறை­யன்­பர்­க­ளின் அடிப்­ப­டைத் தேவை­க­ளைப் பூர்த்திசெய்­வ­தும் தற்­போ­தைய அர­சின் பொறுப்­பா­கும்.

சாத­னை­களை மறைப்­ப­தற்­கா­கக் குற்­றச்­சாட்­டு ­களை முன்­வைப்­பதை விடுத்து, கடந்த ஆட்­சி­யில் உரு­வாக்­கப்­பட்ட நிதி ஆதா­ரங்­களை முறை­யா­கப் பயன்­ப­டுத்தி, நிலு­வை­யில் உள்ள திருப்­ப­ணி­களை விரைந்து நிறை­வேற்­று­ வ­தில் அமைச்­சர் கவ­னம் செலுத்த வேண்­டும்.

குற்­றம் சுமத்­து­வது எளிது; நிதி ஆதா­ரங்­களை உரு­வாக்கி, திட்­டங்­களை நிறை­வேற்றி, வர­லாற்­றில் தடம் பதிப்­ப­து­தான் உண்­மை­யான நிர்­வா­கம்!

இவ்­வாறு முன்­னாள் அமைச்­சர் பி.கே.சேகர்­பாபு எம்.எல்.ஏ. தனது அறிக்­கை­யில் தெரி­வித்­துள்­ளார்.