மதுரை, அக்.26–
மாநகராட்சி வார்டுகளில் நிறை வேற்றும் திட்டங்களை ரீல்ஸ் வெளியிட்டு மக்கள் பிரதிநிதிகளை மிரட்டும் தவெகவினர் மீது நடவ டிக்கை எடுக்க வேண்டும் என மாமன்றக் கூட்டத் தில் கவுன்சிலர்கள் பலர் போர்க்கொடி தூக்கியதால் பரபரப்பு ஏற்பட்டது.
மதுரை மாநகராட்சி மாமன்றக் கூட்டம் மேயர்(பொ) நாகராஜன் தலைமையில் நடந்தது. மாநகராட்சி கமிஷனர் கவுரவ் குமார் முன்னிலை வகித்தார்.
கூட்டத்தில் நடந்த விவாதங்கள் வருமாறு:
திமுக குழு தலைவர் ஜெயராம்: வார்டுகளில் பணிகளை விரைந்து செய்ய வேண்டும்என பொறுப்பு
மேயர் ஒவ்வொரு கூட்டத்திலும் புலம்பி வருகிறார். ஆனால் அதிகாரிகள் அதனை கேட்பதில்லை. கவுன்சிலர்கள் சொல்லும் பணிகளை செய்யாத அதி காரிகளுக்கு கமிஷனர் அப ராதம் விதிக்க வேண்டும் என்றார்.
தி.மு.க.கவுன்சிலர் பாமா முருகன் : வார்டுகளில் பணி களை செய்யவிடாமல் த.வெ.க. நிர்வாகி மிரட்டி வருகிறார். இந்த விஷயத் தில் கமிஷனர் நடவடிக்கை எடுக்க வேண்டும்.
இதற்கு பதிலளித்துப் பேசிய கமிஷனர், இது குறித்து கண்டிப்பாக நடவ டிக்கை எடுக்கப்படும்
என்றார்.
எதிர்கட்சித் தலைவர் சோலைராஜா: 52வது வார் டில் உதவி பொறியாளர்
சிவசங்கரி தாக்கப்பட்டுள் ளார். அவரை தாக்கியவர் மீது நடவடிக்கை எடுக்க வேண்டும். பணியாளர் களுக்கும் ஊழியர்களுக்கும் பணிப்பாதுகாப்பு வழங்க கமிஷனர் நடவடிக்கை எடுக்க வேண்டும் என்றார்.
கவுன்சிலர் விஜயா: மாநகராட்சி அதிகாரிகள் ஆளும் கட்சி பக்கம் சாய்ந்துள்ளனர். கவுன்சிலர்கள் தான் முக்கியம். எனது வார்டு பணிகளை வீடியோ எடுத்து தவெக வினர் ரீல்ஸ் வெளியிடுகின்றனர்.
இது குறித்து கேட்டால் மிரட்டுகின்றனர். த.வெ.க.வினருக்கு யார் இவ்வளவு அதிகாரம் கொடுத்தது. (அப்போது பெரும்பாலான கவுன் சிலர்கள் எழுந்து நின்று தங்களது வார்டுகளிலும் தவெகவினர் தலையீடு அதிகம் இருப்பதாக குரல் கொடுத்தனர்)
மேயர்(பொ) : தவெக வினர் ரீல்ஸ் எடுப்பதை சம்பந்தப்பட்ட கவுன்சிலர் கள் அனுமதிக்கக் கூடாது. தவெகவினர் மீது கமிஷனர் நடவடிக்கை எடுக்க வேண் டும். வார்டுகளில் தொய் வான வேலை நடக்கிறது. எந்த திட்டத்திற்கும் அதி காரிகள் சம்திங் எதிர்பார்ப் பது வேதனை அளிக்கிறது என்றார்.
இவ்வாறு விவாதங்கள் நடைபெற்றன.