#Title

வங்கக்கடலில் காற்றழுத்த தாழ்வுப் பகுதி புயலாக உருவானது! 28ஆம் தேதி கரையைக் கடக்கிறது! தமிழ்நாட்டில் பலத்த மழை!

சென்னை, அக். 27 –

வங்கக்கடலில் உருவான காற்றழுத்த தாழ்வுப்பகுதி, தீவிர காற்றழுத்த தாழ்வுப்பகுதியாக வலு வடைந்த நிலையில், நேற்று முன்தினம் (26.10.2026) புயலாகவும் வலுப்பெற்றது.

மத்திய கிழக்கு மற்றும் அதனையொட்டிய தென்கிழக்கு வங்கக்கடல் பகுதி களில் உருவாகி இருந்த காற்றழுத்த தாழ்வுப்பகுதி, நேற்று தீவிர காற்றழுத்த தாழ்வுப் பகுதியாக வலுவடைந்தது. இது மேலும் வலுப்பெற்று காற்றழுத்ததாழ்வு மண்டலம், தீவிர காற்றழுத்ததாழ்வு மண்டலமாக வலுப் பெற்று, புயலாக (அக்.26) உரு வாகிறது. உருவாகும் புயலுக்கு ‘அர்னாப்’ என்று பெயரிடப்பட் டுள்ளது.

இந்த புயல் தொடர்ந்து மேற்கு, வடமேற்கு திசையில் நகர்ந்துமேலும் வலுப்பெற்று மத்திய மேற்குவங்கக்கடல் பகுதிகளில் ஆந்திர கடலோரப் பகுதிக்குஅருகில் 28ந்-தேதி காலை கரையை கடக்கக் கூடும் என வானிலை ஆய்வு மையம் அறிவித் துள்ளது.

இந்நிலையில் வங்கக்கடலில் உருவாகும் புயலால் தமிழ்நாட்டிற்கு பெரிய அளவில் பாதிப்பு இருக்காது என்று தகவல் தெரிவிக்கப்பட்டுள்ளது.

மணிக்கு 140 கிலோ மீட்டர்

வேகத்தில் காற்று வீசும்!

மேலும் நாளை (28-ஆம் தேதி) இது ‘அதிதீவிர புயலாக’ ஆந்திராவின் பாபட்லா - விசாகப்பட்டினம் இடையே கரையை கடக்கும் என்றும் மணிக்கு 140 கிலோ மீட்டர்வேகம் வரைகாற்று வீசக்கூடும் என்றும் இந்திய வானிலை ஆய்வு மையம் தெரிவித்துள்ளது.

இதனிடையே தமிழ்நாட்டில் தற்போது வடகிழக்கு பருவமழை தீவிரமாக இருந்து வருகிறது. குறிப்பாக, நீலகிரி, கொடைக்கானல் போன்ற மலைப் பகுதி களில் மழை கொட்டிவருகிறது. இதனால் அங்கு இயல்பு வாழ்க்கை பாதிக்கப்பட்டிருக்கிறது.