கடலூர், அக். 27- –
கடலூர் மாவட்டம் ,விருத்தாசலம் அடுத்த கருவேப்பிலங்குறிச்சி அருகேயுள்ள டி.வி.புத்தூர் கிராமத்தில் விவசாயிகளிட மிருந்து கொள்முதல் செய்யப்பட்ட பல ஆயிரம் நெல் மூட்டை கள், திறந்தவெளி வளாகத்திலேயே அடுக்கி வைக்கப்பட்டன.
மழையில் இருந்து பாதுகாக்க தார்ப்பாய்கள் போர்த்தப் பட்டிருந்த போதிலும்,பல வாரங்களாக மூட்டைகள் அங்கேயே தேங்கிக் கிடந்த தால்,எலிகள் மற்றும் பூச்சிகள் தார்ப்பாய்களை ஆங்காங்கே கடித்துக் குதறி துளையிட்டுள்ளன.
அத்துடன் எலிகள் மூட்டை களுக்குள் புகுந்து நெல்மணிகளைத் தின்று சேதப்படுத்தி வந்தன. இந்நிலையில், கடந்த சில தினங்க ளாக பெய்து வரும் கனமழை காரணமாக, தார்ப்பாய் துளைகள் வழியாக மழைநீர் உள்ளே புகுந்து, நெல் மூட்டைகள் நனைந்து சேதமடைந்துள்ளன.
குறிப்பாக, மேல் வரிசை மூட்டைகளில் இருந்த நெல்மணிகள் மழைநீரில் ஊறி தற்போது பசுமையாக முளைத்து வெளியே வரத் தொடங்கியுள்ளன.
பொதுவாக இந்த நெல்மணிகள், காட்பாடி, திருச்சி, மதுரை, சென்னை, தென்காசி போன்ற பகுதிகளில் உள்ள அரிசி அரவை ஆலைகளுக்குஅனுப்பி வைக்கப்படும்.
அங்கு அரிசியாக மாற்றப்பட்டு, பொது விநியோகத் திட்டத்தின் கீழ் ரேஷன் கடைகள் மூலம் ஏழை, எளிய பொதுமக்களுக்கு விநியோகிக் கப்படுகிறது. இந்த நெல்மணிகளை அப்படியே அர வைக்குஅனுப்பினால், பொதுமக்களுக்கு விநியோகிக்கப்படும் ரேஷன் அரிசியின் தரம் மிகக் கடுமையாகப் பாதிக்கப்படும் அபாயம் உருவாகியுள்ளது.
எனவே, டி.வி.புத்தூர் நேரடி நெல்கொள்முதல் நிலையத்தில் தேங்கியுள்ள நெல் மூட்டைகளை போர்க் கால அடிப்படையில் பாது காப்பான அரசு சேமிப்புக் கிடங்குகளுக்கு மாற்றவேண் டும் என விவசாயிகள் மற்றும் சமூக ஆர்வலர்கள் வலியுறுத்தியுள்ளனர்.