செங்கல்பட்டு, அக். 27 –

செங்கல்பட்டு மாவட் டம் மதுராந்தகம் அருகே கருங்குழி பகுதியில் திடீ ரென ஏற்பட்ட ரெயில்வே சிக்னல் கோளாறு காரணமாக சென்னையில் இருந்து தென் மாவட் டங்களை நோக்கி இயக்கப்படும் அனைத்து முக்கிய விரைவு ரெயில் களும் செங்கல்பட்டு ரெயில் நிலையத்தில் சுமார் ஒரு மணி நேரத்திற்கும் மேலாக நடுவழியில் நிறுத்தபட்டதால் பயணி கள் கடும் அவதிக்கு உள்ளாகினர்.

குறிப்பாக கொல்லம், திருச்சி, ராமேஸ்வரம் மற்றும் மதுரை உள்ளிட்ட முக்கிய தென்மாவட்டங் களைச் சென்றடைய வேண்டிய விரைவு ரெயில்கள் அடுத்தடுத்து முடங்கியுள்ளதோடு சென்னை கடற்கரையி லிருந்து செங்கல்பட்டு வரை இயக்கப்படும் புற நகர் மின்சார ரெயில்களும் வழிநெடுகிலும் ஆங் காங்கே நிறுத்தப்பட்டன.

இதனால் மாலையில் வீடு திரும்பும் அலுவலகப் பணியாளர்கள் தினசரிப் பயணிகள் மற்றும் நீண்ட தூரப் பயணிகள் அனை வரும் ரெயில் நிலைய நடைமேடைகளிலும் பெட்டிகளிலும் தங்களின் பயணத்தைத் தொடர முடியாமல் மிகுந்த சிரமத்தைச் சந்தித்து வந்தனர். இதற்கு இடையே சுருங்குழி பகுதியில் ஏற்பட்டுள்ள பழுதை விரைந்து சரி செய்யும் பணியில் ரெயில்வே துறை தொழில் நுட்ப ஊழியர்கள் முழு வீச்சில் ஈடுபட்டு வந்தாலும் பணிகள் முழுமையடை யாமல் ரெயில் போக்கு வரத்து பெரிதும் தடைபட்டு ஸ்தம்பித்தது. மேலும் எப்போதுதான் போக்குவரத்து சீராகும் என்கிற தெளிவான தகவலும் கிடைக்காமல் பயணிகள் பெரும் குழப் பத்திலும் தவிப்புடனும் ரெயில் நிலைய வளா கத்தில் காத்திருந்தனர்.

கருங்குழி பகுதியில் ஏற்பட்ட இந்த எதிர் பாராத சிக்னல் கோளாறு காரணமாக செங்கல்பட்டு மற்றும் அதன் சுற்று வட்டாரப் பகுதிகளில் ரெயில் போக்குவரத்து கடுமையாக பாதிக்கப் பட்டதால் ஆயிரக்கணக் கான பயணிகள்நடு வழியில் தவிக்கும் சூழல் ஏற்பட்டது.

வாரநாட்களில் ஏற்ப டும் இத்தகைய திடீர் ரெயில் போக்குவரத்து பாதிப்பால் பொது மக்க ளின் இயல்பு வாழ்க்கை பெரிதும் பாதிக்கப்படு வதை தவிர்க்க ரெயில்வே துறை அவ்வப்போது ஏற்படும் இதுபோன்ற தொழில்நுட்பக் கோளாறு களை உடனடியாகக் கண்டறிந்து விரைந்து சரி செய்வதற்கான அவசர காலக் கட்டமைப்பை மேலும் பலப்படுத்த வேண்டும் என அனைத்துத் தரப்பு பயணிகளும் ரெயில்வே துறைக்குகோரிக்கை வைத்துள்ள னர்.