சிவகங்கை அக். 27 –
சிவகங்கை மாவட்டம் திருப்பத்தூரில் மாமன்னர் மருதுபாண்டியர்களின் 225வது ஆண்டு குருபூஜை நிகழ்ச்சியில் பங்கேற்ற முன்னாள் அமைச்சர் சிவகங்கை மாவட்டக் கழக செயலாளள் கே.ஆர். பெரியகருப்பன் செய்தியாளர்களிடம் கூறியதாவது:–
நாட்டின் சுதந்திரத்
திற்காக பாடுபட்டு இன்னுயிர்நீத்த தியாகசீலர்கள், தமிழ் மொழிக்காக போராடியவர்கள் ஆகியவர்களை தி.மு.க அரசு மதித்து மரியாதை செய்து வருகிறது. அப்போதைய முதல்வர் தலைவர் கலைஞர் , திராவிட மாடல் நாயகர் தளபதி ஆகியோர் அவர்களின் தியாகத்தினை போற்றும் வகையில் அவர்களுக்கு மணிமண்டபம் அமைத்தும், திருவுருவச் சிலைகள் அமைத்தும் சிறப்பு செய்துள்ளார்கள். அவ்வாறு சிறப்பு செய்த காரணம் அவர்களது வரலாற்றினை வருங்கால சந்ததியினர், இளைய தலைமுறை தெரிந்து கொள்ள வேண்டும் என்பதற்காக அவர்கள் இத்தகைய நடவடிக்கையில் ஈடுபட்டார்கள்.
எஸ்.எஸ்.தென்னரசு –
தா.கிருட்டிணன் கோரிக்கை நிறைவேற்றம்!
சிவகங்கை மாவட்டத்தில் சுதந்திரப் போராட்டத்திற்காக ஏராளமானவர்கள் இன்னுயிர் நீத்துள்ளார்கள். அதில் குறிப்பிடத்தக்கவர்கள் மாமன்னர் மருது பாண்டியர்கள் ஆவார்கள். மாமன்னர் மருது பாண்டியர்களின் வீரச் செயலுக்கு மரியாதை செய்திடும் வகையில் கழக அமைப்பு செயலாளர் எஸ்.எஸ்.தென்னரசு, முன்னாள் அமைச்சர் பசும்பொன் தா.கிருட்டிணன் ஆகியோர் தலைவர் கலைஞர் அவர்களிடம் மருதிருவருக்கு மணிமண்டபம் சிலைகள் அமைத்தும் அரசு விழாவாக நடைபெறவேண்டும் என்று கோரிக்கை வைத்தனர். அதை தலைவர் கலைஞர் ஏற்று மணிமண்டபம் அமைத்து சிலையும் அமைத்தார்.
அதைத் தொடர்ந்து தலைவர் கலைஞர் வழியில் கடந்த ஐந்தாண்டு கால திராவிடமாடல் நாட்டின் சுதந்திர போராட்டத்திற்காக பாடுபட்ட பாகனேரி வாளுக்கு வேலி அம்பலத்திற்கு அப்பகுதி மக்களின் கோரிக்கை யினை ஏற்று நகரம் பட்டியில் ருபாய் 50 லட்சத்தில் நினைவு மண்டபமும் சிலையும் அமைத்தார்.
அதே போல் உத்தமர் காந்தியடிகள் கம்யூனிஸ்ட் கட்சியின் முது பெரும் தலைவர் தோழர் ஜீவாவை சந்தித்த சிறாவயலில் சிறப்புற ருபாய் 4 கோடி மதிப்பீட்டில் அழகிய மண்டபம் மற்றும் அரங்கம் கட்டி சிலையும் அமைத்து கொடுத்தார் சிவகங்கை பகுதி மக்களின் நீண்ட நாள் கோரிக்கையான தலைநகர் சிவகங்கையில் ருபாய் 50லட்சத்தில் மாமன்னர் மருது பாண்டியர்களின் சிலையினை அமைத்தார். இதே போல் அருகில் ராணி வேலுநாச்சியார் படையில் பணியாற்றிய தளபதிகுயிலி திருஉருவச்சிலையை அமைத்தார்.
மொழிக்காக பாடுபட்டவர்களை
கெளரவித்த தி.மு.க. அரசு!
இது தவிர காரைக்குடியில் கவிஞர் முடியரச
னாருக்கு மணிமண்டபம் அமைத்து அவருக்கு பெருமை சேர்த்தார். .இவற்றை திறந்து வைத்தார். இவ்வாறு மொழிக்காக பாடுபட்டு உயிர்நீத்தவர்கள் நாட்டின் சுதந்திரத்திற்காக பாடுபட்டவர்களை திராவிட முன்னேற்றக் கழகம் முதல்வர் தளபதி தலைமையிலானஅரசு தொடர்ந்து கெளரவப்படுத்திவந்துள்ளது. கழகம் ஆட்சிக்கு வரும்போது எல்லாம் மொழிக்காக போராடியவர்கள் , நாட்டின் விடுதலைக்காக பாடுபட்ட வர்கள் கௌரவப்படுத்தப்பட்டு வருகிறார்கள்.இத்தகைய தியாகசீலர்களில் வரலாற்றினை எதிர்கால சந்ததியினர் தெரிந்து கொள்ள வேண்டும் .இது அவர்களுக்கு ஒரு நல்ல வாய்ப்பாக அமையும்.
வாக்களித்தவர்களை
ஏமாற்றிய விஜய்!
ஆட்சி மாற்றம் ஏற்பட வேண்டும் என்று த.வெ.க.விற்கு மக்கள் வாக்களித்தார்கள். அவ்வாறு வாக்களித்த மக்கள் இன்று விலைவாசி ஏற்றம், ஆட்சியில் தினசரி நடக்கும்வன்முறை சம்பவங்கள் போன்றவற்றினால் ஏன் வாக்களித்தோம் என்று வருத்தத்தில் உள்ளார்கள் நான் வாக்களித்தவர்களை பற்றி குறை கூற விரும்பவில்லை. மாற்றத்திற்காக முதல்வர் விஜய் ஏதாவது செய்து விடுவார் என்று எதிர்பார்த்து அவர்கள் நம்பி வாக்களித்தார்கள். அவ்வாறு வாக்களித்தவர்கள் இன்று ஏன் வாக்களித்தோம் என்று வருத்தத்தில் உள்ளார்கள்.
நம்பி வாக்களித்தவர்களை முதல்வர் விஜய் ஏமாற்றியுள்ளார் .
இந்த ஆட்சியில் விலைவாசி தினசரி ஏறிக் கொண்டிருக்கின்றது. விலை வாசியை தடுப்பதற்கான நடவடிக்கைகள் ஏதும் இல்லை .கொலை, கொள்ளைகள், பாலியல், மற்றும் வன்முறை சம்பவங்கள் தொடர்ந்து நடைபெற்று வருகிறது. இதையெல்லாம் த.வெ.க. அரசு தடுப்பதற்கான நடவடிக்கைகளில் ஈடுபடுவதாக தெரியவில்லை.
விலைவாசி உயர்வதற்கு ஒன்றியத்திலும்,தமிழ்நாட்டிலும் எங்களது ஆட்சி இல்லை .பா.ஜ.க த.வெ.க. கூட்டணி என்பது தற்பொழுது வெளிப்பட்டு வருகிறது .அவர்கள் மறைமுகமாக செயல்பட்டாலும் அவ்வாறு அவர்கள் செயல்படுவது மக்களுக்கு நன்றாக தெரிந்துள்ளது.
இவ்வாறு கே.ஆர்.பெரிய கருப்பன் கூறினார்.
பேட்டியின் போது முன்னாள் அமைச்சர்கள் ஆர்.எஸ்.ராஜகண்ணப்பன்,டி.ஆர்.பி.ராஜா. திருமதி தமிழரசி ரவிக்குமார் மாவட்ட கழக துணைச் செயலாளர் த.சேங்கை மாறன் மாவட்ட சுற்றுச்சூழல் அணி அமைப்பாளர் எஸ்.எஸ். ஏ. வல்லபாய், ஒன்றிய துணை செயலாளர் எஸ். முத்துகுமார் ஆகியோர் இருந்தனர்.