புதுடெல்லி, அக். 27 –
நீதிபதிகள் நியமனத்தில் ஒன்றிய பா.ஜ.க. அரசு தலையிடுவதாக உச்ச நீதிமன்ற முன்னாள் நீதிபதி சஞ்சய் கிஷன் கவுல் தனது புத்தகத்தில் தெரிவித்துள்ளது பரபரப்பை ஏற்படுத்தி உள்ளது.
உச்சநீதிமன்ற முன்னாள் நீதிபதி சஞ்சய் கிஷன் கவுல் வித்தவுட் ஃபியர் ஆர் ஃபேவர் என்ற தலைப்பில் புத்தகம் ஒன்றை எழுதியுள்ளார். விரைவில் வெளியாக உள்ள இந்த புத்தகத்தின் சில முக்கிய விவரங்கள் ஊடகங்களில் கசிந்துள்ளன.
அதில், நீதிபதிகள் நியமன விவகாரத்தில் அப்போதைய தலைமை நீதிபதி டி.ஒய்.சந்திரசூட் மோடி அரசிடம் அளவுக்கு அதிகமாக பணிந்து நடந்து கொண்டதாக நீதிபதி சஞ்சய் கிஷன் கவுல் தெரிவித்துள்ளார். நீதிபதிகள் நியமனத்தில் ஒன்றிய அரசின் தலையீடு இருந்தது என்றும், அதற்கான ஆதாரங்களையும் நீதிபதி கவுல் தனது புத்தகத்தில் வெளியிட்டுள்ளார்.
நீதிபதிகள் நியமனத் திற்கான கொலீஜியம் கூடுவதற்கு முன்பே சில பெயர்கள் குறித்து அரசிடம் முன்கூட்டியே ஆலோசனை நடத்த முன்னாள் தலைமை நீதிபதி டி.ஒய்.சந்திரசூட் விரும்பினார் என்றும் நீதிபதி கவுல் குற்றம் சாட்டி
யுள்ளார்.
நீதிபதிகள் நியமனத்தில் அரசின் தலையீடு, கொலீஜியம் கூடுவதற்கு முன் அரசின் ஒப்புதலைப் பெற மேற்கொள்ளப்படும் முயற்சிகள், சிறுபான்மை சமூகத்தைச் சேர்ந்த
நீதிபதி ஒருவரின் சாதி குறித்து அரசு எழுப்பும் கேள்வி உள்ளிட்ட பல கவலைக்குரிய சம்பவங்களை நீதிபதி கவுல் தனது புத்தகத்தில் சுட்டிக்காட்டி யுள்ளார்.