சென்னை, அக். 28 –
வெங்காயம் விலை மீண்டும் புதிய உச்சத்தை தொட்டுள்ளது. சில்லரை விற்பனையில் கிலோ 100 ரூபாய் வரை விற்பனை யாகிறது.
அத்தியாவசியப் பொருட்களின் விலை உயர்வைத் தொடர்ந்து, காய்கறிகளின் விலையும் உயர்ந்துள்ளது. குறிப்பாக வெங்காயம் விலை புதிய உச்சத்தை எட்டியுள்ளது. மகாராஷ்டிர மாநிலம் நாசிக் மற்றும் கர்நாடகாவின்பிற பகுதிகளில் இருந்து கோயம்பேடு சந்தைக்கு வெங்காயம் இறக்குமதி செய்யப்பட்டு,
விற்பனை செய்யபட்டு வருகிறது. இந்நிலையில் வெளி மாநிலங்களி
லிருந்து கோயம்பேடு சந்தைக்கு வரத்து கணிசமாக குறைந்ததால் விலை கடுமையாக உயர்ந்துள்ளது.
சென்னை கோயம்பேடு மொத்த விற்பனைச் சந்தையில் முதல் தரவெங்காயம் கிலோ 80 ரூபாய்க்கும், இரண்டாம் தர வெங்காயம் கிலோ 70 ரூபாய்க்கும் விற்பனை செய்யப்படுகிறது. மொத்த விற்பனைச் சந்தையில் இருந்து சில்லறை விற்பனைக் கடைகளுக்குச் செல்லும்போது விலை மேலும் அதிகரிப்பதால், பொதுமக்கள் கூடுதல் தொகை செலவிட வேண்டிய நிலை ஏற்பட்டுள்ளது.