சென்னை, அக். 28 –
“அரசியல் பழிவாங்கும் நோக்கில் முன்னாள் அமைச்சர் அன்பில் மகேஸ் பொய்யாமொழி கைது செய்யப்பட்டிருப்பது கண்டனத்திற்குரியது” என்று ஆதித் தமிழர் பேரவையின் நிறுவனர் – தலைவர் இரா.அதியமான் தெரிவித்துள்ளார்.
அவரது அறிக்கை வருமாறு:–
அரசியல் பழிவாங்கும் நோக்கில் முன்னாள் அமைச்சர் அன்பில் மகேஸ் பொய்யாமொழி அவர்களைக் கைது செய்திருப்பது கண்டனத்திற்குரியது!
தன் மீதான குற்றச்சா ட்டுகள் தொடர்பான விசாரணைக்கு முழு ஒத்துழைப்பு அளித்து வந்த முன்னாள் அமைச்சர் அன்பில் மகேஸ் பொய்யாமொழி அவர்களைக் கைது செய்திருப்பது அரசியல் பழிவாங்கும் நடவடிக்கையா என்ற வலுவான கேள்வியை எழுப்புகிறது.
தமிழகத்தில் நிலவும் சட்டம் ஒழுங்கு சீர்கேடுகள், நிர்வாகத் தோல்விகள் மற்றும் மக்கள் எதிர்கொள்ளும் அன்றாடப் பிரச்சி னைகள் குறித்து எழுந்துள்ள கேள்விகளிலிருந்து மக்களின் கவனத்தைத் திசைதிருப்பு வதற்காக இத்தகைய கைது நடவடிக்கைகள் மேற்கொள்ளப்படுகின்றனவோ என்ற சந்தேகமும் எழுகிறது.
குற்றச்சாட்டுகள் எவர் மீது சுமத்தப்பட்டாலும், அவை சட்டத்தின் அடிப்படையில் விசாரிக்கப்பட வேண்டும். அதேவேளையில், விசாரணைக்கு ஒத்துழைப்பு அளித்து வரும் ஒருவரைக் கைது செய்வதற்கான காரணங்களும் சட்டத்தின் வெளிச்சத்தில் நியாயப்படுத்தப்பட வேண்டும். சட்டம் என்பது அரசியல் பழிவாங்கலுக்கான கருவியாகப் பயன்படுத்தப்படக் கூடாது.
அன்பில் மகேஸ் பொய்யாமொழி அவர்கள் தன் மீதான குற்றச்சாட்டு களைச் சட்டப்படி எதிர்கொள்வார். ஆனால், கைது நடவடிக்கைகள் மூலம் அரசியல் எதிர்ப்பாளர்களை அச்சுறுத்தவும், ஆளும் தரப்பின் மீதான விமர்ச னங்களை மழுங்கடிக்கவும் முடியும் என்று யாரேனும் கருதினால், அது ஜனநாயகத்திற்கு எதிரான அணுகுமுறையாகும்.
அரசியல் அதிகாரம் என்பது மக்களுக்குச் சேவை செய்வதற்கானதே தவிர, அரசியல் பழிவாங்கலுக்கானது அல்ல! ஜனநாயகத்தின் மாண்பையும், சட்டத்தின் ஆட்சியையும்பாது காக்க வேண்டிய பொறுப்பு ஆட்சியாளர்களுக்கே அதிகம் உள்ளது.
எனவே, இந்தக் கைது நடவடிக்கை தொடர்பான சட்டபூர்வமான காரணங்களை வெளிப்படையாக விளக்க வேண்டும் என்றும், சட்டம் அனைவருக்கும் சமமாகச் செயல்படுவதை உறுதிப்படுத்த வேண்டும் என்றும் வலியுறுத்துகிறேன்.
’மக்களின் கவனத்தைத் திசைதிருப்புவதன் மூலமோ, அரசியல் எதிர்ப்பாளர்கள் மீது நடவடிக்கை எடுப்பதன் மூலமோ மக்கள் மத்தியில் எழும் அதிருப்தியை அடக்கிவிட முடியாது. ஜனநாயகத்தின் குரலை ஒடுக்க நினைப்பவர்கள் மக்களின் தீர்ப்புக்கு ஒருநாள் பதில் சொல்லியே ஆக வேண்டும்.
இவ்வாறு அவர் அறிக்கையில் கூறியுள்ளார்.