#Title இந்திய சுதந்திரப் போராட்ட வீரர்கள் மாமன்னர்கள் மருது சகோதரர்களின் 225-வது குருபூஜை விழாவை முன்னிட்டு, காளையார்கோவிலில் அமைந்துள்ள அவர்களது நினைவிடத்தில், இராமநாதபுரம் மாவட்டக் கழகச் செயலாளரும், சட்டமன்ற உறுப்பினருமான காதர்பாட்சா முத்துராமலிங்கம் மாலை அணிவித்து மரியாதை செலுத்தினார் . இந்நிகழ்வில், கே.கே. கதிரவன் எம்.எல்.ஏ., ஆர்.கே. கார்மேகம், சேது கருணாநிதி, சத்தியேந்திரன் உள்ளிட்ட பலர் மரியாதை செலுத்தினர்.

தூத்துக்குடி மாவட்டம் - கோவில்பட்டி ஊராட்சி ஒன்றியம், ஈராச்சி கிராமத்தில் ரூ. 16.50- லட்சம் மதிப்பீட்டில் கட்டப்பட்டு வரும் குடிநீர் தேக்கத்தொட்டி பணியையும், பேவர் பிளாக் சாலை அமைக்கும் பணியையும் விளாத்திகுளம் சட்டமன்ற உறுப்பினர் ஜீ.வி.மார்கண்டேயன் பார்வை யிட்டு ஆய்வு மேற்கொண்டார். நிகழ்வில் வட்டார வளர்ச்சி அலுவலர் முத்துக்குமார், கோவில்பட்டி கிழக்கு ஒன்றிய செயலாளர் நவநீதக்கண்ணன், விளாத்திகுளம் தெற்கு ஒன்றிய செயலாளர் இம்மானுவேல், வடக்கு மாவட்ட அமைப்பு சாரா ஓட்டுனர் அணி துணை அமைப்பாளர் பி.கே.செந்தில்வேல், ஒன்றிய துணைச் செயலாளர் வெள்ளத்துரை, கிளைச் செயலாளர்கள் சொர்ணமுத்து, காமராஜர் எட்டையாபுரம் பேரூர் கழக வார்டு செயலாளர் பிச்சை உள்ளிட்டோர் உடன் இருந்தனர்.