லக்னோ, அக். 28–
உத்தரப் பிரதேசத்தில், வாக்காளர் பட்டியலில் முறைகேடுகள் அம்பலமானதைத் தொடர்ந்து, கணினி ஆப்பரேட்டர்கள் மூலம் சமர்ப்பிக்கப்பட்ட அனைத்து எஸ்.ஐ.ஆர். படிவடிங்களையும் மறுஆய்வு செய்ய அம்மாநில தலைமைத் தேர்தல் அதிகாரி உத்தரவிட்டுள்ளார்.
உத்தரப் பிரதேச மாநிலம் பிலிபித் சதர் தொகுதியில் முறையான விண்ணப்பப் படிவங்கள் அல்லது ஆதார ஆவணங்கள் ஏதுமின்றி 10 ஆயிரத்து 470 திருத்தங்கள் அங்கீகரிக்கப்பட்டது விசாரணையில் அம்பலமானது. இது தொடர்பாக இரண்டு துணைத் தேர்தல் பதிவு அதிகாரிகள் மற்றும் ஒரு கணினி ஆபரேட்டர் மீது வழக்கு பதிவு செய்யப்பட்டு, துறை ரீதியான நடவடிக்கைகள் தொடங்கப்பட்டுள்ளன.
இதேபோல், அசம்கர் தொகுதியில் விகாஸ் யாதவ் என்ற ஒரே வாக்காளரின் பெயர் வெவ்வேறு வாக்குச்சாவடிப் பட்டியல்களில் 13 இடங்களில் இடம்பெற்றிருந்தது கண்டுபிடிக்கப்பட்டது. இதனைத் தொடர்ந்து அங்கு பணியாற்றிய 5 வாக்குச்சாவடி நிலை அலுவலர்கள் உள்ளிட்ட 9 தேர்தல் அதிகாரிகள் மீது நடவடிக்கை எடுக்கப்பட்டுள்ளது.
இந்நிலையில், கடந்த ஏப்ரல் 10 அன்று இறுதி வாக்காளர் பட்டியல் வெளியிடப்பட்டதிலிருந்து, கணினி ஆப்பரேட்டர்கள் மூலமாக உள்ளீடு செய்யப்பட்ட அனைத்து பெயர் சேர்த்தல், பெயர் நீக்கம் மற்றும் திருத்தங் கள் தொடர்பாக சமர்ப் பிக்கப்பட்ட அனைத்து படிவங்கள் அனைத்தையும் மீண்டும் சரிபார்க்க மாவட்ட தேர்தல் அதிகாரிகளுக்கு, அம்மாநில தலைமைத் தேர்தல்
அதிகாரி நவதீப் ரின்வாட உத்தரவிட்டுள்ளார்.
வாக்காளர் பட்டியலில் முறைகேடுகள் மற்றும் போலிப் பதிவுகள் இருப்பதாக சமாஜ்வாதி கட்சி குற்றம் சாட்டியதை அடுத்து இந்த அதிரடி நடவடிக்கை எடுக்கப்பட்டுள்ளது.
புதுடெல்லி, அக். 28–
இந்தியா முழுவதும் கடந்த, 2 ஆண்டுகளில் நடந்த அனைத்து தேர்தல்களையும் ரத்து செய்ய வேண்டும் என்று காங்கிரஸ் தலைவர் மல்லிகார்ஜுன கார்கே வலியுறுத்தியுள்ளார்.
பீகார் மாநிலம் பாட்னாவில் காங்கிரஸ் சார்பில் நடைபெற்ற நிகழ்ச்சியில், அக்கட்சியின் தலைவர் மல்லிகார்ஜூன கார்கே கலந்துகொண்டார்.
நிகழ்ச்சியில் பேசிய அவர், எஸ்.ஐ.ஆர்., எனப்படும் வாக்காளர் பட்டியல்சிறப்பு தீவிர திருத்தப் பணியில் முறைகேடுகள் நடப்பதாகவும், எதிர்க்கட்சி களின் ஆதரவாளர்கள் பெயர்கள், வாக்காளர் பட்டியலில் இருந்து நீக்கப்படுகின்றன என்றும் அவர் குற்றஞ்சாட்டினார்.
தமிழ்நாடு, மேற்கு வங்கம், பீஹார், ஹரியானா, மஹாராஷ்டிரா மாநிலங்களில் ஓட்டுத் திருட்டு நடத்தப்பட்டு ஆட்சிகள் கைப்பற்றப்பட்டன என்றும், முறைகேடாகநடைபெறும் அரசுகள் அகற்றப்பட வேண்டும் என்றும் கார்கே வலியுறுத்தினார்.
நாடு முழுதும் நடத்தப்படும் எஸ்.ஐ.ஆர்., பணிகள் நிறுத்தப்பட வேண்டும் என்றும், கடந்த இரண்டு ஆண்டுகளில் நடத்தப்பட்ட அனைத்து சட்டசபை தேர்தல்களையும் ரத்து செய்ய வேண்டும் என்றும் அவர் வலியுறுத்தினார். இனி வரும் காலங்களில், வெளிப்படைத் தன்மையை உறுதிப்படுத்தவும், பொதுமக்களின் நம்பிக்கையை மீட்டெடுக்கவும் தேர்தல்களில் ஓட்டுச் சீட்டு முறையையே பின்பற்ற வேண்டும் என்று மல்லிகார்ஜுன கார்கே வலியுறுத்தினார்.