சென்னை, அக். 28–-
ஒடிசா மாநிலம் புவனேஸ்வரில் கடந்த 24-ந்தேதி நகர்ப்புற இயக்கம் குறித்த இந்திய மாநாடு நிறைவு விழா நடைபெற்றது.
விழாவுக்கு மத்திய வீட்டுவசதி மற்றும் நகர்ப்புற விவகாரங்கள் துறை மந்திரி மனோகர் லால் கட்டார் தலைமை தாங்கினார்.
அப்போது, சிறந்த பயணிகள் சேவை மற்றும் மனநிறைவு தரும் மெட்ரோ ரெயில் பிரிவின் கீழ் சென்னை மெட்ரோ ரெயில் நிறுவனத்திற்கு நகர்ப்புறப் போக்குவரத்தில் சிறந்த சேவைக்கான விருதுவழங்கப்பட்டது.விருதை சென்னை மெட்ரோ ரெயில் நிறுவனத்தின் மேலாண்மை இயக்குனர் ஆஷிஷ் சாட்டர்ஜி பெற்றுக்கொண்டார்.
பயிற்சி பெற்ற பணியாளர்களுடன் கூடிய மாற்றுத்திற னாளிகளுக்கானஎளிமையான பயணம், மேம்படுத்தப்பட்ட பயணிகள் வசதி மற்றும் பெண் களின் பாதுகாப்பு அதிகரிப்பு ஆகிய சிறந்த சேவைகளின் அடிப்படையில் சென்னை மெட்ரோ ரெயில் நிறுவனத்திற்கு இந்த விருது வழங்கப்பட் டுள்ளதாக சென்னை மெட்ரோ ரெயில் நிறுவனம் வெளியிட்ட செய்திக்குறிப்பில்கூறப்பட்டுள்ளது