சென்னை, அக். 28 –
தேனி மாவட்டம் ஆண்டிபட்டி அருகே தேக்கம்பட்டியிலுள்ள மாவட்ட சிறையில், சிறைக் காவலர்களைத் தாக்கிவிட்டு பதினேழு கைதிகள் தப்பிச் சென்றது குறித்து, கழகத் தலைவர் மு.க. ஸ்டாலின்அவர்கள் தமது சமூக வலைதளத்தில், ‘‘சிறைக்குள் இருக்கும் கைதிகளை தப்பிக்க விடும் அவலட்சணத்தில் த.வெ.க. அரசு உள்ளது’’ என்று கடுமையாக விமர்சித்துள்ளார்.
தேனி மாவட்டம் ஆண்டிபட்டி அருகே தேக்கம்பட்டியில் உள்ள மாவட்ட சிறையில், சிறைக்காவலர்களைத் தாக்கிவிட்டு 17 கைதிகள் தப்பியோடினர். இந்தச்சிறையில் ஒரே அறையில் 17 கைதிகள் அடைக்கப்
பட்டிருந்தனர்.
இந்நிலையில் நேற்று முன்தினம் (அக்டோபர் 26) இரவு,அந்த அறையில் இருந்த கைதி ஒருவருக்கு திடீரென உடல்நலக்குறைவு ஏற்பட்டதாகச் சிறைக் காவலர்களிடம் தெரிவிக்கப்பட்டுள்ளது. இதையடுத்து சிறைக் காவலர்கள் அறையின்
கதவைத் திறந்து உள்ளே சென்றுள்ளனர். அப்போது அங்கு மறைந்திருந்த கைதிகள், காவலர்களைத் திடீரெனத் தாக்கிவிட்டு சிறையிலிருந்து தப்பி யோடியுள்ளனர்.
இதுகுறித்து கழகத் தலைவர் மு.க.ஸ்டாலின் அவர்கள் தமது சமூக வலைதளத்தில் பதிவிட்டிருப்பதாவது:–
Breaking Bad தொடர்ந்து, தமிழ்நாட்டில் Prison Break-–ம் தொடங்கிவிட்டது!
ஜாமினில் வெளிவரும் குற்றவாளிகளைத்தான் கண்காணிப்பதில்லை என்று நினைத்தேன்.
சிறைக்குள் இருக்கும் கைதி களையும் தப்பிக்க விடும்
இலட்சணத்தில்தான் இந்த ஆட்சி இருக்கிறது.
2026-இல் இப்படி நடப்பதை
ஏற்க முடியாது!
புழல் சிறையில் இருந்து 2 கைதிகள் தப்பி ஓடிய அதிர்ச்சியில் இருந்து நாம் மீள்வதற்குள், தேனி மாவட்டச் சிறையில் இருந்து 17 கைதிகள் தப்பியுள்ளனர்.
ஒரேயடியாக இத்தனை கைதிகள் தப்பிப்பது 1995-க்குப் பிறகு இதுதான் முதல்முறை என்கிறார்கள். பாதுகாப்பு ஏற்பாடுகளும், கண்காணிப்பு வசதிகளும் மேம்பட்ட 2026-இல் இப்படி நடப்பதை ஏற்றுக்கொள்ள முடியாது.
வெளியில் இருக்கும் குற்ற
வாளிகள் சுதந்திரமாகக் குற்றங்களைப் புரிகிறார்கள். உள்ளே இருக்கும் கைதிகளும் தைரியமாகத் தப்பிச் செல்கிறார்கள்.
ஒன்றுக்கும் உதவாத
மூடர்கூட அரசு!
மொத்தத்தில், ஒன்றுக்கும்
உதவாத good for nothing
அரசாக இந்த மூடர்கூடத்
த.வெ.க. அரசுஇருக்கிறது. இவர்கள் மக்களைக் காக்கப் போவதில்லை. மக்களே அவர்களைக் காத்துக் கொள்ள
வேண்டிய அவல நிலைக்குத் தமிழ்நாடு சென்றுவிட்டது.
இவ்வாறு கழகத் தலைவர் மு.க.ஸ்டாலின் அவர்கள், தமது சமூக வலைதளத்தில் பதிவிட்டுள்ளார்.