தேனி, அக்.28–
முல்லைப் பெரியாறு அணையின் பாதுகாவலர் கம்பம் அப்பாஸ்அவர்கள் மறைவுற்றார் என்றசெய்தியை அறிவிக்க வருந்துகிறோம்.
இதுகுறித்து மல்லைசத்யா விடுத்துள்ள இரங்கல்அறிக்கையில் கூறியிருப்பதாவது:–
முல்லைப் பெரியாறு அணை காக்க அரசியல் நோக்கம் இல்லாமல் சமரசம் இல்லாமல் போராடி வந்த ஐயா கம்பம் அப்பாஸ் அவர்கள் இயற்கை எய்தினார் என்று செய்தி அறிந்து கவலையுற்றோம்
இங்கிலாந்து நாட்டின் பொறியாளர் (ராயல் என்ஜினியர்) பென்னிகுக் அவர்கள் மேற்கு நோக்கி பாயும் தண்ணீரை திருப்பி முல்லைப் பெரியாறு அணை கட்டி தென் தமிழ்நாட்டின் ஐந்து மாவட்ட (தேனி, திண்டுக்கல், மதுரை, சிவகங்கை, ராமநாதபுரம்) மக்களின் துயர் துடைக்கும் வகையில் ஜீவநதியாக இன்றுவரை இருந்து வருகிறது.
அந்த அணையை உடைக்க உள்நோக்கத்துடன் சகோதர மாநிலம் கேரளா எடுத்த நடவடிக்கைகளை மக்கள் மத்தியிலும் நீதி
மன்றத்திலும் சமரசம் இல்லாமல் போராடி வந்தார் ஐயா கம்பம் அப்பாஸ் அவர்கள்
முல்லைப் பெரியாறு அணை சென்னை மாகாணத்திற்கும் திருவிதாங்கூர் சமஸ்தானத்திற்கும் 999 ஆண்டுகள் ஒப்பந்தம் போடப்பட்டது தேவைப்படின் மீண்டும்999 ஆண்டுகளுக்கு ஒப்பந்தத்தைநீடித்துக் கொள்ளவும் உரிமையுடன் உள்ள அணையின் உரிமையைபறிக்கும் வகையில் பொய் செய்திகளைப் பரப்பி வரும் கேரளா அரசு எடுக்கும் நடவடிக்கைகளை அரசியல் நோக்கம் இன்றி மக்கள் மத்தியிலும் நீதிமன்றத்திலும் சட்டப் போராட்டம் நடத்தி வந்தார் ஐயா கம்பம் அப்பாஸ் அவர்கள்
கேரளா மாநில முதல்வராக இருந்த தோழர் அச்சுதானந்தன் அவர்கள் பத்திரிகையாளர் சந்திப்பின் போது நாட்டு விடுதலைக்கு முன்பு வெள்ளைக்காரன் போட்ட ஒப்பந்தத்தை விடுதலைக்குப் பின்னரும் நாம் பின்பற்ற வேண்டுமா என்று கேட்டு இருந்தார் அப்போது மதுரையில் நடைபெற்ற ஒரு உண்ணாவிரதப் போராட்டத்தில் அதற்குபதிலளிக்கும் வகையில் நான்பேசும் போது சொன்னேன் கேரளாமாநில முதல்வர் தோழர் அச்சுதானந்தன் அவர்கள் வெள்ளைக்காரன் போட்ட ஒப்பந்தத்தை நாம் ஏன் மதிக்க வேண்டும் என்று கேட்டு இருக்கின்றார் அப்படி
என்றால் வெள்ளைக் காரன் இணைத்த இந்தியாவில் நாம் ஏன் ஒன்றுபட்டு இருக்க வேண்டும் விடுதலைக்கு முன்பு போல் தனித்தனி ராஜ்ஜியங்களாக பிரிந்து போகலாமே என்று பேசினேன் சரியான பதிலடி என்று சொல்லி பாராட்டினார்.
அதேப் போன்று சென்னை விருகம்பாக்கம் பிரசாந்த் திரையரங்கில் திரையிட இருந்த டேம் 999 திரைப்படம் ஓடவிடாமல் எனது தலைமையில் தடுத்து நிறுத்தி போராடி திரைப்பட சுருள் பெட்டிகளை தூக்கி வந்து போட்டு போராட்டம்நடத்தி கைதாகி சென்னை புழல் சிறையில் ஐந்து நாட்களுக்குப் பின்னர் விடுதலையான போது கைபேசியில் அழைத்து பாராட்டி தேனி மதுரை மாவட்டத்தில் ஐந்து மாவட்ட முல்லைப் பெரியாறு அணை பாதுகாப்பு சங்கத்தின் சார்பில் பாராட்டு விழா நடத்தி மக்களிடம் போராட்ட உணர்வை தூண்ட வேண்டும் என்று பேசி ஊக்கப்படுத்தினார்.
முல்லைப் பெரியாறு அணையின் பாதுகாவலராக இருந்த ஐயா கம்பம் அப்பாஸ் போன்ற ஆளுமைகள் தலைமுறைக்கு ஒருமுறை பூக்கும் மூங்கில் பூவைப் போன்று அரிதாகத்தான் தோன்றுவார்கள். அவரின் மரணம் தமிழ்நாட்டிற்கு பேரிழப்பு, முல்லைப் பெரியாறு அணை இருக்கும் வரை ஐயா கம்பம் அப்பாஸ் அவர்களின் பெயரும் நிலைத்துநிற்கும். அவரை இழந்து வாடும் அவர் தம் குடும்பத்தினருக்கும் முல்லைப் பெரியாறு அணை பாசன விவசாயிகள் சங்க நிர்வாகிகளுக்கும் திராவிட வெற்றிக் கழகத்தின் சார்பில் ஆழ்ந்த இரங்கலைத் தெரிவித்துக் கொள்கிறேன்.
இவ்வாறு மல்லை சி.ஏ. சத்யா தமது அறிக்கையில் கூறியுள்ளார்.
இச்செய்தியறிந்ததும் கழக முன்னணியினரும் விவசாய சங்கத்தினரும் மறைந்த கம்பம் அப்பாஸ் அவர்களின் உடலுக்கு இறுதி அஞ்சலி செலுத்தினர்.