சென்னை – அண்ணா அறிவாலயம் கழக அலுவலகத்தில், நேற்று முன்தினம் கழகத் தலைவரும் முன்னாள் முதல்வருமான மு.க.ஸ்டாலின் அவர்களை, மனிதநேய ஜனநாயகக் கட்சியின் தலைவர் மு.தமிமுன் அன்சாரி, மரியாதை நிமித்தமாகச் சந்தித்து உரையாடினார். இச்சந்திப்பில் ம.ஜ.க. சார்பில் அக்கட்சியின் பொருளாளர் கேப்டன் சையது முகம்மது பாரூக், துணைத் தலைவர் ஜெ.எஸ்.ரிபாயி, இணைப் பொதுச்செயலாளர் நாச்சிகுளம் தாஜுதீன், தலைமை ஒருங்கிணைப்பாளர் தஞ்சை அகமது கபீர் ஆகியோர் பங்கேற்றனர். இந்நிகழ்வின் போது – கழகப் பொருளாளர் டி.ஆர்.பாலு எம்.பி., கழக துணைப் பொதுச் செயலாளர்கள் கனிமொழி ராஜாத்தி கருணாநிதி எம்.பி., க.பொன்முடி, முன்னாள் அமைச்சர்கள் எ.வ.வேலு, தங்கம் தென்னரசு, கழகச் செய்தித் தொடர்புக் குழுத் தலைவர் டி.கே.எஸ்.இளங்கோவன் ஆகியோர் உடன் இருந்தார்கள்.