#Title

கோவையில் மக்கள் நடமாடும் பகுதியில் கொட்டப்படும் குப்பைகளால் சுகாதார சீர்கேடு! கழக தீர்மானக் குழு செயலாளர் நா.கார்த்திக் கண்டனம்!

கோவை, அக். 29 –

கோவை மாநகராட்சி ஜி.வி. ரெசிடென்சி பகுதியில் 52 மற்றும் 53-வது வார்டுகளை இணைக்கும் பகுதியில், சங்கனூர் ஓடையின் கிளை ஓடை செல்லும் இடத்தில் குப்பைகள் கொட்டப்பட்டு வருவது அப்பகுதியில் பெரும் சர்ச்சையை ஏற்படுத்தியுள்ளது.

இது தொடர்பாக கழக தீர்மான குழு செயலாளர், சிங்காநல்லூர் சட்டமன்ற முன்னாள் உறுப்பினர் நா.கார்த்திக் அப்பகுதியில் ஆய்வு மேற்கொண்டார்.

அவர் செய்தியாளர்களிடம் கூறியதாவது : சங்கனூர் ஓடையை தூர் வாருவது நல்ல விஷயம் தான்.

ஆனால், தூர்வாரும் போது எடுக்கப்படும் குப்பைகள் மற்றும் துர்நாற்றம் வீசும் கழிவு மண்ணை, மக்கள் அதிகம் நடமாடும் ஜி.வி. ரெசிடென்சி பகுதியில் கொண்டு வந்து கொட்டியுள்ளனர்.

இதனால் அப்பகுதியில் துர்நாற்றம் வீசுவதுடன், சுகாதார கேடும் ஏற்பட் டுள்ளது.

மலைபோல் குவித்து வைக்கப்பட்டு இருக்கும் குப்பைகளை அகற்ற மாநகராட்சி ஆணையாளர்மற்றும் அதிகாரிகளிடம் தொலைபேசி மூலமாக வும், நேரில் சந்தித்தும் பலமுறை கோரிக்கை விடுத்தும் இது வரை எந்தவொரு உரிய

நடவடிக்கையும் எடுக்ககப் படவில்லை. இதில், மாநகராட்சி நிர்வாகம் உடனடியாக தலையிட்டு மக்கள் வசிக்கும் பகுதியில் கொட்டப்பட்டுள்ள குப்பைகளை உடனடியாக அப்புறப்படுத்த வேண்டும். உரிய சுகாதார பணிகளை மேற்கொள்ள வேண்டும். இவ்வாறு அவர் கூறினார்.