வேலூர், அக்.29–
த.வெ.க. அரசில் சட்டம் ஒழுங்கு சீர்கேடு, குழந்தைகள் பாதுகாப்பின்மை,
விசம் போல ஏறும் விலைவாசி உயர்வை கட்டுப்படுத்தாததை கண்டித்து வேலூர் தெற்கு மாவட்ட தி.மு.க. மகளிர் அணி சார்பில் கண்டன ஆர்ப்பாட்டம் நடைபெறும் என வேலூர் தெற்கு மாவட்ட செயலாளர் ஏ.பி.நந்தகுமார் அவர்கள் தனது அறிக்கையின் வாயிலாக பின்வரு மாறு தெரிவித்துள்ளார்.
தற்போது தமிழ் நாட்டில் முன் எப்போதும் இல்லாத அளவில் பெண்களுக்கு எதிராக பாலியல் குற்றங்கள் ஒவ்வொரு நாளும் நடந்த வண்ணம் உள்ளது.மேலும் குழந்தைகள் முதல் வயது முதிர்ந்த தாய்மார்கள் வரை, தங்கள் அணிந்திருக்கும் தங்க ஆபரணங்களை கொல்லை அடிப்பது மட்டுமில்லாமல்
கடத்தி கொலை செய்து வீசுவது போன்ற மனிதாபிமானம் இன்றி நடக்கும் பாலியல் கொடுமைகள் மற்றும் வளர் இளம் குழந்தைகளுக்கு எதிரான பாலியல் சீண்டல்கள்,கடத்தல், கொலை, கொள்ளை ஆகிய எண்ணிலடங்கா குற்றங்கள் நடைப்பெற்று நாட்டு மக்களிடையே பெரும் பயத்தை யும்,அச்சத்தையும் ஏற்படுத்தி வருகிறது.இதுமட்டுமின்றி ஒவ்வொரு குடும்பத்திலும் அன்றாடம் பயன்படுத்தும் அரிசி, பருப்பு, சமையல் எண்ணெய் விலை,மளிகை பொருட்களின் விலை நாளுக்குநாள் தாறுமாறாக விண்ணைமுட்டும் அளவிற்கு உயர்ந்து பெரும் தாக்கத்தை ஏற்படுத்தி உள்ளது.
தமிழகத்தில் பல ஆண்டுகள் பொது தேர்தல்கள் மூலம் ஜனநாயகப்படி திமுக வெறிபெற்று ஆட்சி அதிகாரத்தை கைப்பற்றி அன்றாடம் இல்லத்தரசிகள் பயன்படுத்தும் அத்தியாவசிய குடிமை பொருட்களின் விலையை கட்டுக்குள் வைத்து கட்டுப்படுத்தி மக்கள் போற்றும் நல்லரசாக சாதனைகள் பல படைத்த உள்ளது.
இந்நிலையில் மக்கள் மாற்றம் வேண்டும் என்ற எதிர்பார்ப்புடன் கூத்தாடி நடிகரை தேர்வு செய்து ஏமாற்றத்தை கொடுத்துக் கொண்டிருக்கும் ஆளும் த.வெ.க. அரசு மக்கள் விரோத போக்குடன் செயல்படுகிறது. தற்போது தவெக அரசு மக்களின் ஒட்டுமொத்த வாழ்வாதாரத்தை நசுக்கி ஒடுக்கி வருகிறது.இந்த செயலற்ற தவெக அரசின் கையாலாகாத செயல்பாடுகளை
கண்டித்திடும் வகையில் திமுக மகளிர் அணி சார்பில் 2026,அக்டோபர் 31 சனிக்கிழமை அன்று ஒவ்வொரு மாவட்ட தலைநகரத்தில் கண்டன ஆர்ப்பாட்டம் நடத்திட வேண்டும் என்ற கழகத் தலைவர் மாண்புமிகு முத்துவேல் கருணாநிதி ஸ்டாலின் அவர்களின் அறிவிப்புக்கிணங்க 2026,அக்டோபர் 31 சனிக்கிழமை அன்று காலை 10.00 மணிக்கு வேலூர் அண்ணா கலையரங்கம் அருகில் நடைப்பெற உள்ளது.
எனவே வேலூர் தெற்கு மாவட்ட தி.மு.க.வுக்குட்
பட்ட மாவட்ட மகளிர் துணை செயலாளர்,மாநில மகளிர் அணி பிரச்சாரக் குழு செயலாளர் மற்றும் குடியாத்தம் தொகுதி முன்னாள் சட்டமன்ற உறுப்பினர், வேலூர் மாநகர மகளிர் அணி அமைப்பாளர் மற்றும் மேயர்,மாவட்ட, மாநகர மகளிர் அணி துணை அமைப்பாளர்கள்,
மாவட்ட மகளிர் தொண்டர் அணி
துணை அமைப்பாளர்கள்,
மாநகர, ஒன்றிய நகர பகுதி மற்றும் பேரூர் கழக மகளிர் அணி, மகளிர் தொண்டர் அணி அமைப்பாளர்கள் மற்றும் துணை அமைப்பாளர்கள்,
வட்ட,வார்டு,ஊர் கிளை மகளிர் அணி நிர்வாகிகள்,உள்ளாட்சி மன்ற முன்னாள் இன்னாள் நிர்வாகிகள் ஆகியோர்கள் திரளாக கலந்துகொண்டு
மக்கள் விரோத தவெக அரசுக்கு மாபெரும் கண்டனத்தை தெரிவித்திட வாரீர் வாரீர் என வேலூர் தெற்கு மாவட்ட திமுக சார்பில் கேட்டுக் கொள்ளப்படுகிறார்கள்.
இவ்வாறு வேலூர் தெற்கு மாவட்ட திமுக செயலாளர் ஏ.பி.நந்தகுமார் அவர்கள் தனது அறிக்கையின் வாயிலாக தெரிவித்துள்ளார்.