மதுரை, அக். 29 –
தலைமை கழக அறிவிப்புக்கு இணங்க
த.வெ.க. அரசின் சட்டம் – ஒழுங்கு சீர்கேட்டை கண்டித்து மதுரை பழங்காநத்தத்தில் மகளிர் அணி, மகளிர் தொண்டரணி சார்பாக வரும் 31ஆம் தேதி மாபெரும் கண்டன ஆர்ப்பாட்டம் நடைபெற உள்ளது,
இதில் பல்லாயிரக்கணக்கான மகளிர் பங்கேற்று சிறப்பிக்க வேண்டுமென மதுரை வடக்கு மாவட்டச் செயலாளர் முன்னாள் அமைச்சர் பி.மூர்த்தி, மதுரை மாநகர் மாவட்டச் செயலாளர் கோ.தளபதி, மதுரை தெற்கு மாவட்டச் செயலாளர் சேடபட்டி மு.மணிமாறன் எம்.எல்.ஏ. ஆகியோர் கூட்டாக தமது அறிக்கை மூலம் வேண்டுகோள் விடுத்துள் ளார்கள். அதன் விபரம்
தமிழ்நாட்டில் கொலை, கொள்ளை, போதை பொருள் விற்பனை அதிகரித்து சட்டம் ஒழுங்கு சீர்கெட்டு இருப்பதோடு பெண்களுக்கு எதிரான வன்முறை மற்றும் குழந்தைகள் கடத்தல் மிகப் பெரிய அளவில் நாள்தோறும் அதிகரித்து வருகிறது
மேலும் தமிழ்நாட்டு மக்கள் பாதுகாப்பற்ற நிலையில் பாதுகாப்பற்ற மாநிலமாக மாறி
வருவதை கண்டிக்கும் வகையில்
தவெக அரசை கண்டித்து திமுக மகளிர் அணி சார்பாக மதுரை மாவட்ட திமுக மகளிர் அணி மற்றும் மகளிர் தொண்டரணி சார்பாக மதுரை பழங்காநத்தம் நடராஜ் தியேட்டர் ரவுண்டானா அருகில் மதுரை வடக்கு மாவட்ட மகளிர் அணி அமைப்பாளர் உமா சிங்கத்தேவன் தலைமையில் மாநகர் மாவட்ட அமைப்பாளர் சரவண புவனேஸ்வரி, மதுரை தெற்கு மாவட்ட அமைப்பாளர் கிருத்திகா தங்கபாண்டியன், மகளிர் தொண்டரணி அமைப்பாளர்கள் ரேணுகா ஈஸ்வரி கோவிந்தராஜ், நூர்ஜகான், பிரமிளா தேவி ஆகியோர் முன்னிலை யிலும் 31.10.2026 சனிக்கிழமை காலை 10 மணி அளவில் மாபெரும் கண்டன ஆர்ப்பாட்டம் நடைபெற உள்ளது.
இந்த கண்டன ஆர்ப்பாட்டத்தில் பெரும் திரளான மகளிர் பங்கேற்று கண்டன பதாகைகளை கையில் ஏந்தி கண்டனமுழக்கங்களை எழுப்பிட வேண்டும் எனவும் இதற்கு மதுரை வடக்கு, மதுரை மாநகர், மற்றும் மதுரை தெற்கு மாவட்டத்தில் உள்ள அனைத்து கழக நிர்வாகிகள் முழு ஒத்துழைப்பு கொடுக்க வேண்டும்படியும், அனைத்து மகளிர் அணி மகளிர் தொண்டரணி நிர்வாகிகள் அனைவரும் முழுமையாக பங்கேற்று சிறப்பிக்க வேண்டுமென மாவட்ட செயலாளர்கள் முன்னாள் அமைச்சர் பி.மூர்த்தி, கோ.தளபதி, சேடபட்டி மு. மணிமாறன் எம் எல் ஏ ஆகியோர் கூட்டாக தமது அறிக்கையின் மூலம் வேண்டுகோள் விடுத்துள்ளார்கள்.