தென்காசி, அக். 29 –
தென்காசி மாவட்டம் ஒருங்கிணைந்த மாவட்ட தி.மு.க.மகளிர் அணி சார்பில் சட்டம்- ஒழுங்கு சீர்கேடு,பெண்கள்- குழந்தைகள் பாதுகாப்பின்மை மற் றும் விலைவாசி உயர்வு த.வெ.க.அரசை கண்டித்து தென்காசி புதிய பேருந்து நிலையம் அருகில் (31.10.2026 – சனிக்கிழமை) அன்று காலை 10.00 மணியளவில் மாபெரும் கண்டன ஆர்ப்பாட்டம் தென்காசி நாடாளுமன்ற உறுப்பினர் மரு.ராணி ஸ்ரீகுமார் தலைமையில் நடைபெறுகிறது என ஒருங்கிணைந்த தென்காசி தெற்கு மாவட்ட பொறுப்பாளர் வே.ஜெயபாலன், வடக்கு மாவட்ட செயலாளர் ஈ.ராஜா எம்.எல்.ஏ. ஆகியோர் கூட்டாக அறிக்கை வெளியிட்டுள்ளனர்.
அதில் அவர்கள் கூறியிருப்பதாவது:–
கழகத் தலைவர்
அன்புத்தளபதியார் அவர்களுடைய வழிகாட்டுதலின் படி,
தமிழகத்தின் கொலை, கொள்ளை, போதைப்பொருள் விற்பனை ஆகியவை அதிகரித்து சட்டம் ஒழுங்கு பெரியளவில் சீர்கெட்டு இருப்பததொடு, பெண்களுக்கு எதிரான வன்முறை மற்றும் குழந்தைகள் கடத்தல் ஆகியவை மிகப்பெரிய அளவில் அதிகரித்து தமிழ கத்தை பாதுகாப்பற்ற மாநிலமாக இந்த ஆட்சி கொண்டு வந்திருக்கிறது.
இது போன்ற குற்றச் செயல்களில் ஆளும் த.வெ.க.வினரே பெரிய அளவில் ஈடுபட்டிருப்பதாக செய்திகள் வெளிவருகின்றன.இந்த அரசு சட்டம் ஒழுங்கை பாதுகாப்ப தற்கும்,பெண்கள் மற்றும் குழந்தை களுக்கு எதிரான குற்றங் களை தடுப்பதற்கும்,விலைவாசி உயர்வை கட்டுபடுத்துவதற்கும் எவ்வித நடவடிக்கையும் மேற்கொள்ள வில்லை.
ஒரு பாதுகாப்பற்ற மாநிலமாக தமிழகத்தை படுகுழியில் தள்ளி உள்ள த.வெ.க. அரசைக் கண்டித்துதென்காசி ஒருங்கிணைந்த மாவட்ட தி.மு.க மகளிர் அணியின் சார்பில் 31.10.2026 அன்று சனிக்கிழமை காலை 10.00 மணியளவில் தென்காசி புதிய பேருந்து நிலையம் அருகில் “மாபெரும் கண்டன ஆர்ப்பாட்டம் நடை
பெறுகிறது.
இதில் மாநில,மாவட்ட கழக நிர்வாகிகள், தலை மைச் செயற்குழு, பொதுக்குழு,உறுப்பினர்கள்,ஒன்றிய, நகர, பேருர், கிளை, வார்டு கழக நிர்வாகிகள், மாவட்ட சார்பு அணிகளின் நிர்வாகிகள், ஒன்றிய, நகர, பேரூர், நிர்வாகிகள் மற்றும் மகளிர் அணியினர், உள்ளாட்சி பிரதிநிதி கள் மற்றும் கழகத்தோழர்கள் அனைவரும் திரளாக கலந்து கொண்டு கண்டன முழக்கமிட கேட்டுக்கொள்கிறோம்.
இவ்வாறு அவர்கள் தெரிவித்துள்ளனர்.