ஆண்டிபட்டி, அக். 29 –
மைனாரிட்டி த.வெ.க. ஆட்சியில் பத்திர பதிவு அலுவலக பணிகளை தனியாருக்கு தாரை வார்க்கும் முடிவை கண்டித்தும், பத்திர நகல் எழுதுவோர் வாழ்வாதாரத்தை காப்பாற்ற வேண்டும் என்று வலியுறுத்தியும் தேனி மாவட்டம் ஆண்டிபட்டியில் பத்திர எழுத்தர்கள் கண்டன ஆர்ப்பாட்டத்தில் ஈடுபட்டனர்.
பத்திர எழுத்தர்கள் சங்கம் சார்பில் ஆண்டிபட்டி சார்பதிவாளர் அலுவலகம் முன்பு இன்று காலை இந்த ஆர்ப்பாட்டம் நடைபெற்றது. ஆர்ப்பாட்டத்திற்கு . ஆண்டிபட்டி, தேனி, பெரியகுளம், போடி, கம்பம் சின்னமனூர் உத்தமபாளையம் கண்டமனூர் உள்ளிட்ட பகுதிகளை 50 க்கு மேற்பட்டோர் பத்திர நகல் எழுத்தர்கள், ஆவண எழுத்தர்கள், முத்திரை விற்பனையாளர்கள் கலந்து கொண்டு கண்டன முழக்கங்களை எழுப்பினர்.
ஆர்ப்பாட்டத்தில் பேசிய நிர்வாகிகள் கூறியதாவது:
தமிழகத்தில் மைனாரிட்டி தவெக ஆட்சி பொறுப்பேற்ற பிறகு பத்திர பதிவு துறையில் தனியார் மயத்தை புகுத்தும் முயற்சி நடக்கிறது. பத்திர அலுவலகங்களில் ஆன்லைன் பதிவு, ஸ்டார் பதிவு என்ற பெயரில் தனியார் நிறுவனங்களுக்கு அதிகாரம் வழங்கப்படுகிறது. இதனால் 40 ஆண்டுகளாக இந்த தொழிலை நம்பி வாழ்ந்து வரும் 50 ஆயிரத்திற்கும் மேற்பட்ட பத்திர எழுத்தர்கள், நகல் எழுதுவோர் குடும்பங்கள் வீதிக்கு வரும் நிலை ஏற்பட்டுள்ளது.
பத்திர பதிவு அலுவலகங்களை தனியாரிடம் கொடுத்தால் ஏழை, எளிய விவசாயிகள், பொதுமக்கள் பத்திரம் பதிய முடியாத நிலை ஏற்படும். தனியார் நிறுவனங்கள் கட்டணத்தை பல மடங்கு உயர்த்தி வசூலிக்கும். ஏற்கனவே வழிகாட்டி மதிப்பை உயர்த்தி பொதுமக்கள் பாதிக்கப்பட்டுள்ளனர்.
மேலும் சார்பதிவாளர் அலுவலகத்தில் போதிய ஊழியர்கள் இல்லை, சர்வர் முடக்கம், இணையதள முடக்கம் என தினமும் பத்திர பதிவு தாமதம் ஏற்படுகிறது. இதனால் பொதுமக்கள் நள்ளிரவு வரை காத்து கிடக்கும் அவலம் நடக்கிறது.
பத்திர அலுவலகங்களை தனியாரிடம் ஒப்படைக்கும் முடிவை உடனே கைவிட வேண்டும்.
பத்திர நகல் எழுதுவோர் உரிமத்தை புது ப்பித்து வாழ்வாதாரத்தை பாதுகாக்க வேண்டும்.. பத்திர எழுத்தர்களுக்கு நல வாரியம் அமைத்து ஓய்வூதியம் வழங்க வேண்டும்.
கோரிக்கைகளை நிறை வேற்றாவிட்டால் தேனி மாவட்டம் முழுவதும் பத்திர அலுவலகங்கள் முன்பு தொடர் காத்திருப்பு போராட்டம் நடத்தப்படும்.