#Title

சட்டம் ஒழுங்குச் சீர்கேடு – பெண்கள், குழந்தைகள் பாதுகாப்பின்மை – விலைவாசி உயர்வைக் கண்டித்து தி.மு.க. மகளிர் அணி சார்பில் மாவட்டத் தலைநகரங்களில் நடைபெறும் ஆர்ப்பாட்டத்தை கழக மகளிர் மகத்தான வெற்றி பெறச் செய்வோம் வாரீர்! கழக மகளிர் – மகளிர் தொண்டர் அணியினருக்கு அணியின் செயலாளர்கள் ஹெலன் டேவிட்சன் – நாமக்கல் ப.இராணி வேண்டுகோள்!

சென்னை, அக்.29–

தமிழ்நாட்டில் நிலவும் சட்டம்–ஒழுங்கு சீர்கேடு, பெண்குழந்தைகளுக்குப் பாதுகாப்பற்ற சூழல் மற்றும் விண்ணைத் தொடும் விலைவாசி உயர்வை கண்டித்து தி.மு.க. கழகத் தலைவர் மு.க.ஸ்டாலின் அவர்களின் ஆணைப்படி 31.10.2026, சனிக்கிழமை அன்று நடைபெறும் தி.மு.க. மகளிர் அணியின் கண்டன ஆர்ப்பாட்டத்தை மாவட்ட மகளிர் அணி, மகளிர் தொண்டரணி நிர்வாகிகள் மாவட்டச் செயலாளர்களோடு ஆலோசனை செய்து சிறப்பாக ஏற்பாடு செய்து வெற்றி பெறச் செய்வீர்! என மகளிர் அணி செயலாளர் ஹெலன் டேவிட்சன், மகளிர் தொண்டரணி செயலாளர், நாமக்கல் ப.இராணி ஆகியோர் விடுத் துள்ள அறிக்கையில் வேண்டுகோள் விடுத்துள்ளார்கள் .

அவர்களின் அறிக்கை வருமாறு:–

தமிழகத்தின் அமைதிப் பூங்கா இன்று குற்றவாளி களின் புகலிடமாக மாற்றப்பட்டுள்ளது. அன்றாடம் செய்தித்தாள்களைத் திறந்தால் கொலை, கொள்ளை,வழிப்பறி மற்றும் போதைப்பொருட்களின் நடமாட்டம் குறித்த செய்திகளே ஆக்கிரமித்துள்ளன. காவல் துறையின் கைகள் கட்டப்பட்டு, சட்டம்–ஒழுங்கு முற்றிலுமாக முடங்கிக் கிடக்கிறது. பொதுமக்களின் உயிருக்கும் உடைமைக்கும் எவ்வித உத்தரவாதமும் இல்லாத அவல நிலை இன்று தமிழகத்தில் நிலவு கிறது.

“பெற்ற தாயும் பிறந்த பொன்னாடும்” போற்றப்பட வேண்டிய இந்த மண்ணில், இன்று நமது பெண் குழந்தைகளும், பெண்களும் வீட்டை விட்டு வெளியே சென்று பாதுகாப்பாக வீடு திரும்புவது பெரும் சவாலாக மாறியுள்ளது. பள்ளிக் குழந்தைகள் முதல் பணிக்குச் செல்லும் பெண்கள் வரை சமூக விரோதிகளால் தொடர்ந்து அச்சுறுத்தலுக்கு உள்ளாக்கப்படுகிறார்கள். பெண்களுக்கு எதிரான குற்றங்கள் மீதான அரசின் அலட்சியப் போக்கும், குற்றவாளிகள் மீது கடுமையான நடவடிக்கை எடுக்கத் தவறிய நிர்வாகத் திறமையின்மை யுமே இந்த பாதுகாப்பற்ற சூழ்நிலைக்கு முழுக் காரணமாகும்.ஒருபுறம் பாதுகாப்பற்ற சூழல் என்றால், மறுபுறம் ஏழை எளிய மக்களின் வாழ்வாதாரத்தை நசுக்கும் விலைவாசி உயர்வு. அரிசி, பருப்பு, சமையல் எண்ணெய், காய்கறிகள் உள்ளிட்ட அத்தியாவசியப் பொருட்களின் விலையும், சிலிண்டர், பெட்ரோல், டீசல் விலைகளும் நாளுக்கு நாள் விண்ணைத் தொட்டு வருகின்றன. குடும்பத்தை வழிநடத்தும் இல்லத்தரசிகள் ஒவ்வொரு நாளும் பெரும் பொரு ளாதார நெருக்கடியைச் சந்தித்து, தங்களது வாழ்வாதாரத்தை இழந்து தவிக்கின்றனர். இந்த விலைவாசி உயர்வைக்கட்டுப்படுத்த அரசு எவ்வித ஆக்கப்பூர்வமான நடவடிக்கையும் எடுக்கவில்லை.

நமது உரிமைகளை மீட்டெடுக்கவும், தமிழகப் பெண்களின் பாதுகாப்பிற்கு அரணாக நிற்கவும், கழகத் தலைவர் மு.க.ஸ்டாலின் அவர்களின் வழிகாட்டுதலின்படியும், மகளிர் அணி பொறுப்பாளர் கழக துணை பொது செயலாளர் கனிமொழி ராஜாத்தி கருணாநிதி அவர்கள் ஆலோசனைப்படியும் நடைபெறும் இக்கண்டன ஆர்ப்பாட்டத்தை மாவட்ட மகளிர் அணி, மகளிர் தொண்டரணி நிர்வாகிகள் மாவட்ட செயலாளர்களரோடு ஆலோசனை செய்து சிறப்பாக ஏற்பாடு செய்து வெற்றிபெற செய்வீர்!

இவ்வாறு மகளிர் அணி செயலாளர் ஹெலன் டேவிட்சன், மகளிர் தொண்டரணிச் செயலாளர் நாமக்கல் ப.இராணி ஆகியோர் வேண்டுகோள் விடுத்துள்ளனர்.