சென்னை, அக். 29 –
தினமும் கொலை – கொள்ளை –பலாத்காரம் – சிறுவர்கள் மாயம் என திரைப்படங்களை மிஞ்சும் அளவிற்கு குற்றச் சம்பவங்கள் நடைபெறுகின்றன. எங்கே செல்கிறது தமிழ்நாடு என்று ‘தினகரன்’ நாளேடு தலையங்கத்தில் கேள்வி எழுப்பியுள்ளது.
இது குறித்து 27.10.2026 தேதிய ‘தினகரன்’ நாளேடு தலையங்கத்தில் கூறி யிருப்பதாவது:
தமிழ்நாட்டில் த.வெ.க.வின் ஆறு மாத ஆட்சியில் கொலை, பாலியல் பலாத்காரம் அதிகரித்து வந்த நிலையில் இந்த மாதத்தில் சிறுவர் கள் மாயமாகி இருப்பது பொதுமக்கள், சமூக ஆர்வலர்கள் மத்தியில் பயத்தையும் பதற்றத்தையும் ஏற்படுத்தியுள்ளது. குழந்தைகளின் பாதுகாப்பு தமிழகத்தில் மீண்டும் விவாதப் பொருளாகியுள்ளது. தேர்தல் பிரசாரத்தில் குழந்தைகளுடன் நெருக்கம் காட்டிய விஜய்யின் அரசியல் பிம்பம் வெறும் வாக்குக்காகவா என எதிர்க்கட்சிகள் கேள்வி எழுப்பி வருகின்றன.
கடந்த நான்கு மாதமாக பெண் குழந்தைகள் பாலியல் வன்கொடுமைக்கு ஆளாக்கப்பட்டு கொல்லப்பட்டதாக தொடர் செய்திகள் வெளியான சூழலில், தற்போது குழந்தைகள் மாயமாகி வருகின்றனர். விழுப்புரம் மாவட்டம், செஞ்சியை அடுத்த ஆலம்பூண்டியைச் சேர்ந்த 7 வயது சிறுமி ஹேமலதா கடந்த 12ம் தேதி அதிகாலை காணாமல் போனார்.
தற்போது வரை அவர் கிடைக்க வில்லை. ராணிப்பேட்டை மாவட்டம், லாலாபேட்டை பகுதியில் சாலையோரத்தில் பெற்றோருடன் வசித்து வந்த ஒரு வயது பெண் குழந்தையும் காணாமல் போயிருக்கிறார். அதேபோல, கிருஷ்ணகிரி மாவட்டம், காவேரிப்பட்டினத்தை அடுத்த குரும்பட்டி கிராமத்தைச் சேர்ந்த அஸ்வின் என்பவரும் கடந்த 2 தினங்களுக்கு முன் காணாமல் போயிருக்கிறார்.
கோவையில் சாதிய பாகுபாடு காரணமாக மாணவன் தற்கொலை செய்து கொண்ட சம்பவம் இன்னும் இந்த சாதிய சமூகத்தின் அவல நிலையை எடுத்துரைக்கிறது. அதோடு மட்டுமின்றி, சாத்தான்குளத்தில் காதல் விவகா ரத்தில் தாயை வெட்டிக் கொன்றுவிட்டு, இரண்டு பெண் குழந்தைகளை கடத்தி சென்று கட்டி வைத்திருந்த சம்பவம் மேலும் அதிர்ச்சியை ஏற்படுத்தியிருக்கிறது. மேலும், வேளாங்கண்ணிக்கு சென்ற 2 சிறுமிகள், சாப்பாட்டுக்கு காசு கேட்டதற்காக அவர்களை விடுதியில் அடைத்து வைத்து பாலியல் வன்கொடுமை செய்ததாக வெளியாகியுள்ள தகவலும் தமிழகத்தை புரட்டி போட்டிருக்கிறது.
குழந்தைகளுக்கு எதிரான வன்கொடுமை சம்பவங்களும், கடத்தல் நிகழ்வுகளும் தொடர்ந்து கொண்டிருக்கின்றன. காவல்துறையை கையில் வைத்திருக்கும் விஜய், வாயே திறக்கவில்லை. செஞ்சியில் காணாமல் போன சிறுமி பற்றி, 15 நாட்களை கடந்த பிறகும் எந்தவிதமான தகவலும் தெரியவில்லை. இதுகுறித்து காவல் உயரதிகாரிகள் மட்டத்திலான ஆலோ சனைக் கூட்டத்தை விஜய் அரசு நடத்தவில்லை. இதற்கான கடுமையான உத்தரவுகளும் பிறப்பிக்க வில்லை. இதனால் சட்டம் ஒழுங்கு பிரச்னை பற்றி தமிழ்நாடு அரசு கவலை கொண்டதாக தெரியவில்லை.
இந்நிலையில் ஹாரர் படங்களை மிஞ்சும் அளவுக்கு குற்றங்கள் நடந்து வருகின்றன என திமுக தலைவர் மு.க.ஸ்டாலின் குற்றம்சாட்டி உள்ளார்.
மதுரையில் மாயமான சிறுவன் சடலமாக மீட்பு, காணாமல் போன செஞ்சி சிறுமி எங்கே எனத்தெரியவில்லை. இன்று எத்தனை கொலைகள் என எண்ணக்கூடிய கொடிய நிலையில் தமிழ்நாடு இருக்கிறது. வீடியோ கேம்கள், ஹாரர் திரைப்படங்களை மிஞ்சும் அளவுக்கு தமிழ்நாட்டில் குற்றங்கள் பெருகி வருகின்றன. த.வெ.க. ஆட்சியில் குற்றவாளிகள் அச்சமின்றி குற்றங்களை செய்கிறார்கள் என தமிழ்நாடு அரசுக்கு அவர் சரமாரி கேள்விகளை எழுப்பியுள்ளார். தினமும் கொலை, கொள்ளை, பலாத்காரம், சிறுவர்கள் மாயம் உள்பட பல்வேறு குற்றங்க ளால் தமிழ்நாடு எங்கே செல்கிறது என்ற கேள்வி தமிழர்கள் ஒவ்வொருவரின் மனதிலும் எழுந்துள்ளது.
இவ்வாறு அதில் கூறப்பட்டுள்ளது.