புதுக்கோட்டை, அக். 29 –
புதுக்கோட்டை தெற்கு மாவட்ட கழகச் செயலாளர், முன்னாள் அமைச்சர் எஸ்.ரகுபதி எம்.எல்.ஏ, புதுக்கோட்டை வடக்கு மாவட்ட செயலாளர் கே.கே.செல்லப்பாண்டியன் ஆகியோர் விடுத்துள்ள கூட்டறிக்கை வருமாறு:
தமிழகத்தில் பெண்களின் பாதுகாப்பு, சட்டம்-ஒழுங்கு நிலை. போதைப்பொருள் புழக்கம், அத்தியாவசியப் பொருட்களின் விலை வாசி உயர்வு. மின்கட்டண உயர்வு மின்பற்றாக்குறை உள்ளிட்ட மக்கள் நலன் சார்ந்த பிரச்சினை களைக் கண்டித்து, தி.மு.க. தலைமைக் கழக அறி விப்பின்படி, வரும் அக்டோபர் 31-ஆம் தேதி தமிழ்நாடு முழுவதும் தி.மு.க. மகளிர் அணி சார்பில் மாபெரும் கண் டன ஆர்ப்பாட்டம் நடைபெறுகிறது.
புதுக்கோட்டை வடக்கு, தெற்கு மாவட்ட தி.மு.க. மகளிர் அணி சார்பில், அக்டோபர் 31 ஆம் தேதி சனிக்கிழமை காலை 10 மணியளவில் புதுக்கோட்டை திலகர் திடலில் மாபெரும் கண்டன ஆர்ப்பாட்டம் நடைபெறுகிறது.
இந்த ஆர்ப்பாட்டத்தில் மகளிர் அணி நிர்வாகிகள், மகளிர் தொண்ட ரணியினர், கழகத்தின் பல்வேறு அணிகளைச் சேர்ந்த மகளிர் மற்றும் கழகத் தோழர்கள் பெருந்திரளாகப் பங்கேற்க வேண்டும் என்று புதுக்கோட்டை தெற்கு மாவட்ட கழகச் செயலாளர், முன்னாள் அமைச்சர் எஸ்.ரகுபதி எம்.எல்.ஏ, புதுக்கோட்டை வடக்கு மாவட்ட செயலாளர் கே.கே.செல்லப்பாண்டியன் ஆகியோர் ஆகியோர் கூட்டாகக் கேட்டுக்கொண்டுள்ளனர்.
இதுகுறித்து அவர்கள் வெளியிட்டுள்ள கூட்டறிக்கையில் தெரிவித்திருப்பதாவது:
த.வெ.க. அரசு ஆட்சிப் பொறுப்பேற்று ஆறு மாதங்கள் கூட முழுமை யாக நிறைவடையாத நிலையில், தமிழகத்தில் சட்டம்-ஒழுங்கு பெண் களின் பாதுகாப்பு மற்றும் மக்கள் நலன் சார்ந்த பிரச்சினைகள் குறித்து பல்வேறு கேள்விகள் எழுந்துள்ளன. பெண்களும் சிறுமிகளும் அச்சமின்றி வாழ்வதற்கான பாதுகாப்பான சூழலை உருவாக்குவது எந்தவொரு அரசின் அடிப்படைக் கடமையாகும். ஆனால், தமிழகத்தின் பல்வேறு பகுதிகளில் பெண்கள் மற்றும் சிறுமிகளுக்கு எதிரான குற்றங்கள், கொலைகள், தாக்குதல்கள் உள்ளிட்ட சம்பவங்கள் குறித்த செய்திகள் பொதுமக்களிடையே கவ லையை ஏற்படுத்துகின்றன. இத்தகைய குற்றங்களைத் தடுக்கவும், பாதிக்கப்பட்டவர்களுக்கு நீதி கிடைக்கவும், குற்றவாளிகள் மீது சட்டப்படி உரிய நடவடிக்கை எடுக்கவும் அரசு உறுதியான நடவடிக்கைகளை மேற்கொள்ள வேண்டும். கழகத் தலைவர் மு.க.ஸ்டாலின் அவர்கள் சுட்டிக்காட்டியதுபோல்,
பெண்களின் பாதுகாப்புக்காக உரு வாக்கப்பட்டதாகக் கூறப்படும் சிங்கப் பெண் சிறப்புப் படையின் செயல்பாடுகள் குறித்தும். பெண்களின் பாதுகாப்பை உறுதிப்படுத்த மேற் கொள்ளப்படும் நடவடிக்கைகள் குறித்தும் கேள்விகள் எழுப்பப்படு கின்றன. குற்றங்களைத் தடுப்பதில் காவல்துறையின் செயல்பாடு கள் வலுப்படுத்தப்பட வேண்டிய நிலையில், அரசின் செயல்பாடுகளை விமர்சிக்கும் தி.மு.க. தோழர்கள் மற்றும் ஜனநாயக சக்திகள் மீது நள்ளிரவு நேரத்தில் கைது நடவடிக்கைகள் மேற் கொள்ளப்படுவதாகக் கூறப்படும் புகார்களும் ஜனநாயக உரிமைகள் குறித்த விவா தத்தை எழுப்புகின்றன.
பெண்களின் பாதுகாப்பை உறுதிப்படுத்துவதிலும், குற்றங்கனைத் தடுப்பதிலும், சட்டம்-ஒழுங்கைப் பேணுவதிலும் அரசு கூடுதல் கவனம் செலுத்த வேண்டும் என்பதே கழகத் தின் வலியுறுத்தலாகும்.
போதைப்பொருள் புழக்கம் இளைஞர்களின் எதிர்காலத்தையும் குடும்பங்களின் நிம்மதியையும் பாதிக்கக்கூடிய தீவிரமான சமூகப் பிரச்சினையாகும். பள்ளி. கல்லூரி மாணவர்கள் மற்றும் இளைஞர்களைப் போதைப்பொருள் பாதிப்பிலிருந்து பாதுகாப்பதுடன், போதைப் பொருள் கடத்தல் மற்றும் விற்பனை யைத் தடுக்கவும் அரசு தீவிர நடவடிக்கைகளை மேற்கொள்ள வேண்டும்,
போதைப்பொருள் விற்பனை வலையமைப்புகளைக் கண்டறிந்து சட்டத்தின் முன் நிறுத்துவ தோடு. இளைஞர்களிடையே விழிப்பு ணர்வை ஏற்படுத்தும் நடவடிக்கை க ளையும் தீவிரப்படுத்த வேண்டும். போதைப்பொருள் ஒழிப்பு தொடர்பாக அரசு அளிக்கும் வாக்குறுதிகள் நடைமுறையில் எந்த அளவுக்குச் செயல்படுத்தப்படுகின்றன என்பதையும் வெளிப்படையாக எடுத்துரைக்க வேண்டியது அவசியமாகும்.
த.வெ.க. அரசின் கடந்த ஐந்து மாத கால நிர்வாகத்தில் அத்தியாவசியப் பொருட்களின் விலை உயர்வு தொடர்பாகப் பொதுமக்களிடையே கவலைகள் எழுந்துள்ளன. அரிசி, பருப்பு வகைகள், சமையல் எண்ணெய் உள்ளிட்ட பொருட்களின் விலை உயர்வு நியாயவிலைக் கடைகளில் பொருட்கள் கிடைப்ப தில் ஏற்படும் தட் டுப்பாடு, காய்கறிகள் மற்றும் அன்றாடத் தேவைக்கான பொருட்களின் விலையேற்றம் ஆகியவை ஏழை, எளிய மற்றும் நடுத்தரக் குடும்பங்களின் பொருளாதாரச் சுமையை அதிகரிக்கின்றன.
இவற்றுக்குத் தீர்வு காண வேண்டிய அரசின பொறுப்பை வலியுறுத்தும் வகையில் இந்தக் கண்டன ஆர்ப்பாட்டம் நடைபெறுகிறது.
இந்த கண்டன ஆர்ப்பாட்டத்தில் புதுக்கோட்டை வடக்கு, தெற்கு மாவட்டத்தைச் சேர்ந்த மகளிர் அணி, மகளிர் தொண்டரணி மாவட்ட அமைப்பாளர்கள், துணை அமைப்பாளர்கள், மாவட்ட தலைவர்கள், துணை தலைவர்கள், கழகத்தின் அனைத்து அணிகளையும் சேர்ந்த மகளிர் மற்றும் மாநில, மாவட்ட நிர்வாகிகள், ஒன்றிய, நகர, பேரூர், கழக செயலாளர்கள் மற்றும் நிர்வாகிகள், தலைமைச் செயற்குழு, பொதுக்குழு உறுப்பினர்கள், முன்னாள், இந்நாள் சட்டமன்ற, நாடாளுமன்ற உறுப்பினர்கள், மாவட்ட அணிகளின் அமைப் பாளர்கள், துணை அமைப்பாளர்கள், தலைவர்கள், துணைத் தலைவர்கள், கழகத் தோழர்கள் அனைவரும் அக்டோபர் 31-ஆம் தேதி சனிக்கிழமை காலை 10 மணியளவில் புதுக்கோட்டை திலகர் திடலில் நடைபெறும் கண்டன ஆர்ப்பாட்டத்தில் பெருந்திரளாகக் கலந்துகொள்ள வேண்டும்.
இவ்வாறு அவர்கள் அறிக்கையில் தெரிவித்துள்ளனர்.
திருப்பூர் மாநகராட்சி 4-ம் மண்டலத்திற்கு உட்பட்ட மாதாந்திர மாமன்ற கூட்டம் 41வது வார்டு, முருகம்பாளையம், 4-ம் மண்டல அலுவலகத்தில் மண்டலக் குழுத் தலைவர், திருப்பூர் கிழக்கு மாவட்ட கழக செயலாளர்
இல.பத்மநாபன் தலைமையில் நடைபெற்றது. இதில் மாநகராட்சி துணை மேயர் எம்.கே.எம்.பாலசுப்பிர மணியம், மாநகராட்சி உதவி ஆணையாளர் மற்றும் மாமன்ற உறுப்பினர்கள், அரசு துறை சார்ந்த அதிகாரிகள் பலர் கலந்து கொண்டனர்.