சென்னை, அக்.29–
கழகத் தலைமையின் ஒப்புதலுடன், சென்னை கிழக்கு மாவட்ட மகளிர் அணி மற்றும் மகளிர் தொண்டரணி நிர்வாகிகள் ஆலோசனைக் கூட்டம் நேற்று முன்தினம் (27.10.2026) காலை 10.00 மணியளவில், சென்னை, ஓட்டேரி, ஸ்டாரன்ஸ் சாலையில் அமைந்துள்ள எம்.கே.டி. மகாலில் நடைபெற்றது.
இக்கூட்டத்தில் சென்னை கிழக்கு மாவட்டக் கழகச் செயலாளரும், முன்னாள் அமைச்சருமான பி.கே.சேகர்பாபு எம்.எல்.ஏ. கலந்துகொண்டு, வருகின்ற 31.10.2026 அன்று நடைபெறவுள்ள கழக மகளிர் அணியின் மாபெரும் கண்டன ஆர்ப்பாட்டத்தைச்சிறப்பாக நடத்துவது குறித்தும்,
மேலும், தமிழகத்தில் கொலை, கொள்ளை, போதைப்பொருள் விற்பனை உள்ளிட்ட குற்றச்சம்ப வங்கள் அதிகரித்து, சட்டம்–ஒழுங்கு சீர்குலைந்துள்ளது. பெண்கள் மற்றும் குழந்தைகளுக்கு எதிரான வன்முறைகள், குழந்தைகள் கடத்தல் சம்பவங்கள் அதிகரித்து வருவது குறித்து எழுந்துள்ள புகார்களைக் கண்டித்தும், பெண்கள் மற்றும் குழந்தைகளின் பாதுகாப்பை உறுதிசெய்ய வலியுறுத்தியும் கழக மகளிர் அணி சார்பில் நடைபெறவுள்ள கண்டன ஆர்ப்பாட்டத்திற்கான முன்னேற்பாடுகள் குறித்தும் ஆலோச னைகளை வழங்கினார்.
இக்கூட்டத்தில் தலைமைச் செயற்குழு உறுப்பினரும், சென்னை மாநகராட்சி மேயருமான பிரியா ராஜன், மாவட்ட மகளிர் அணி அமைப்பாளர் சுதா தீனதயாளன் எம்.சி., மாவட்டமகளிர் தொண்டரணி அமைப்பாளர் ராஜேஸ்வரி ஸ்ரீதர் எம்.சி., சுகாதாரத்துறைத் தலைவர் டாக்டர் ஜி. சாந்தகுமாரி, 6-வது மண்டலக் குழுத் தலைவர் சரிதா மகேஷ்குமார், மாவட்டத் துணைச் செயலாளர் புனிதவதி எத்திராசன், பொதுக்குழு உறுப்பினர்கள் டாக்டர் ஏ.பி. பூர்ணிமா, சாவித்திரி வீரராக வன், அ. நிர்மலா தேவி மற்றும் மாவட்ட, பகுதி, வட்ட மகளிர் துணைச் செயலாளர்கள்,மாமன்ற உறுப்பினர்கள், மகளிர் அணி மற்றும் மகளிர் தொண்டரணி மாவட்டத் துணை அமைப்பாளர்கள், பகுதி அமைப்பாளர்கள் உள்ளிட்ட நிர்வாகிகள் கலந்து கொண்டனர்.
இக்கூட்டத்தில் நிறைவேற்றப்பட்ட தீர்மானங்கள் வருமாறு:–
பெண்களின் பாதுகாப்பு, சமூகநீதி, ஜனநாயக உரிமைகள் மற்றும் மக்கள் நலனுக்காகத் தொடர்ந்து குரல் கொடுத்து, எதிர்க்கட்சியாக இருந்தாலும் மக்கள் பணியில் உறுதியாகச் செயல்படும் கழகத் தலைவர் அவர்களுக்கும், இளைஞர்கள் மற்றும் மகளிரின் உரிமைகளுக்காகத் தொடர்ந்து களமாடும் இளம் தலைவர் உதயநிதி ஸ்டாலின் அவர்களுக்கும் இக்கூட்டம் பாராட்டுகளைத் தெரிவித்துக்கொள்கிறது.
சட்டம்–ஒழுங்கு சீர்கேட்டால் நிலவிவரும் மக்களின் கோபத்தைத் திசைதிருப்பித் தப்பித்துக்கொ ள்ளும் த.வெ.க. அரசின் எண்ணம் நிச்சயம் ஈடேறாது!” என்ற கழகத் தலைவரின் கண்டனத்தை முழுமையாக வழி மொழிந்து, விசாரணைக்கு ஒத்துழைத்து வந்த மேனாள் பள்ளிக்கல்வித்துறை அமைச்சர் அன்பில் மகேஸ் பொய்யாமொழி அவர்களை அரசியல் காழ்ப்புணர்வுடன் கைது செய்த த.வெ.க அரசருக்கு கடும் கண்டனத்தை, தெரிவித்து தீர்மானம் நிறைவேற்று கிறது.
தமிழகத்தில் பெண்கள் மற்றும் குழந்தைகளுக்கு எதிரான பாலியல் வன்முறைகள், கொலை, கொள்ளை, குழந்தைகள் கடத்தல் மற்றும் போதைப்பொருள் விற்பனை உள்ளிட்ட குற்றச்சம்பவங்கள் குறித்து எழுந்துள்ள புகார்களைக் கண்டித்தும், பெண்களின் பாதுகாப்பையும் சட்டம்–ஒழுங்கையும் உறுதிசெய்ய வலியுறுத்தியும் த.வெ.க. அரசுக்கு இக்கூட்டம் கடும் கண்டனத்தைத் தெரிவித்துக்கொள்கிறது.
அரிசி, பருப்பு, பால், காய்கறிகள் உள்ளிட்ட அத்தியாவசியப் பொருட்களின் விலை உயர்வு, மின்கட்டணச் சுமை, மின்வெட்டுப் புகார்கள் மற்றும் ஜனநாயக உரிமைகளைப் பாதிக்கும் நடவடிக்கைகள் தொடர்பாக எழும் குற்றச்சாட்டுகளுக்குத் தீர்வு காண வலியுறுத்தி,
த.வெ.க. அரசின் மெத்தனப் போக்கிற்குஇக்கூட்டம் கடும் கண்டனம் தெரிவிக்கிறது.
கழகத் தலைமையின் அறிவிப்பின்படியும், சென்னை கிழக்கு மாவட்டக் கழகச் செயலாளர் பி.கே. சேகர்பாபு எம்.எல்.ஏ. அவர்களின் வழிகாட்டுதலின்படியும், வருகின்ற 31.10.2026 சனிக்கிழமை காலை 10.00 மணியளவில், சென்னை மாவட்ட ஆட்சியர் அலுவலகம் அருகில் நடைபெறவுள்ள மாபெரும் கண்டன ஆர்ப்பாட்டத்தில் மகளிர் அணி, மகளிர் தொண்டரணி மற்றும் கழகத்தின் அனைத்து மகளிர் நிர்வாகிகளையும் ஒருங்கிணைத்து, பெருந்திரளான பங்கேற்புடன் ஆர்ப்பாட்டத்தை வெற்றிகரமாக நடத்திட இக்கூட்டம் ஒருமனதாகத் தீர்மானிக்கிறது.
இவ்வாறு அக்கூட்டத்தில் தீர்மானங்கள் நிறைவேற்றப் பட்டன.