சென்னை, அக்.29–

தீபாவளி மற்றும் பொங்கல் பண்டிகைக் காலங்களில் தனது திரைப்பட டிக்கெட்டுகளை 'பிளாக்'-கில் அதிக விலைக்கு விற்ற தாய் மாமன், தற்போது பட டிக்கெட்டுகளை விற்க முடியாத காரணத்தால் ஆவின் நெய், வெண்ணெய், தயிர் மற்றும் இனிப்பு வகைகளின் விலையை ரூ.80 வரை உயர்த்தியுள்ளதாகத் திமுக ஐடி விங் தனது எக்ஸ் (X) தளத்தில் கடுமையாகக் குற்றம் சாட்டியுள்ளது.

இந்தத் தீபாவளி பரிசு மக்களுக்குப் பெரும் அதிர்ச்சியை ஏற்படுத்தியுள்ளதாக அவர்கள் குறிப்பிட்டுள்ளனர்.

மேலும் அந்தப் பதிவில், 'இந்த லெக் தாதா முதலமைச்சர்கேமராவோடு எங்குச் சென்று ஆய்வு செய்கிறாரோ, அங்கு அடுத்த சில நாட்களில் ஏதேனும் பேரிடர் நடப்பது வாடிக்கையாகிவிட்டது' என்று சாடியுள்ளனர்.

மின்வாரியத்தில் ஆய்வு செய்தபோது தொடர் மின்தடையும், சிறைச்சாலையில் ஆய்வு செய்தபோது 19 கைதிகள் தப்பியோடியதையும் சுட்டிக்காட்டிய தி.மு.க. ஐடி விங், கடந்த அக்டோபர் 7–ஆம் தேதி மாதவரம் ஆவின் பால் பண்ணையில் ஆய்வு செய்ததைத் தொடர்ந்து அக்டோபர் 28 முதல் 67 ஆவின் பொருட்களின் விலை அதிரடியாக உயர்த்தப்பட்டுள்ளதை தோலுரித்துக் காட்டியுள்ளது.