செஞ்சி, அக். 29–

விழுப்­பு­ரம் மாவட்­டம் செஞ்சி அடுத்த ஆலம்­பூண்டி பகு­தி­யில் கடந்த 12-ஆம் தேதி அதி­காலை வீட்­டில் உறங்­கிக் கொண்­டிருந்த 7 வயது சிறுமி காணா­மல் போன வழக்­கில் இன்­றோடு 16 நாட்­கள் ஆன நிலை­யி­லும் இது­வரை குறித்து எவ்­வித தட­ய­மும் தக­வ­லும் கிடைக்­க­வில்லை. இந்த வழக்கை விழுப்­பு­ரம் மாவட்ட காவல்­துறை 10 நாட்­கள் விசா­ரணை செய்த நிலை­யில் வழக்­கில் முன்­னேற்­றம் ஏற்­ப­டா­த­தால் கடந்த 21 ஆம் தேதி இந்த வழக்கு ஆனது சி.பி.சி.ஐ.டி. போலீ­சா­ருக்கு மாற்­றப்­பட்­டது.

இதனை தொடர்ந்து கடந்த 22-ஆம் தேதி முதல் நேற்று 7 நாட்­க­ளாக சி.பி.சி.ஐ.டி. போலீ­சார் இந்த வழக்கு தொடர்­பாக பல்­வேறு கோணங்­க­ளில் தீவிர விசா­ரணை மேற்­கொண்ட நிலை­யி­லும் இன்று வரை சிறுமி குறித்துஎவ்­வித தக­வ­லும் கிடைக்­கா­த­தால் சிறுமி குறித்த தக­வல் தெரிந்­தால் விழுப்­பு­ரம் சரக சி.பி.சி.ஐ.டி. துணை கண்­கா­ணிப்­பா­ள­ருக்கு தக­வல் தெரி­விக்க வேண்­டும் என்று செல்­போன் மற்­றும் தொலை­பேசி எண்­களை காவல்­துறை சார்­பில் வெளி­யி­டப்­பட்­டுள்­ளது.

இந்­நி­லை­யில் சி.பி.சி.ஐ.டி. போலீ­சார் நேற்று முன்­தி­னம் 6 வது நாள் விசா­ர­ணை­யில் சந்­தே­கத்­தின் பேரில் ஆலம்­பூண்டி கிரா­மத்­தில் கேபிள் ஒயர் மேன் திரு­மலை, பர­தன்­தாங்­கள் கிராம ஆஞ்­ச­நே­யர் கோயி­லில் பூசாரி அர்ச்­சு­னன்,சிறுமி பிறந்­த­நாள் கேக் வெட்டி கொண்­டா­டிய போது உடன் இருந்த எதிர் வீட்டு இளை­ஞர் சதீஷ் ஆகி­யோ­ரி­டம் சந்­தே­கத்­தின் பேரில் சி.பி.சி.ஐ.டி. டிஎஸ்­பி­கள் கீதா, வேல்­மு­ரு­கன் ஆகி­யோர் தலை­மை­யி­லான சி.பி.சி.ஐ.டி. போலீ­சார் விசா­ரணை மேற்­கொண்­ட­னர்.

இத­னைத் தொடர்ந்து சிறு­மி­யின் தாய் பவானி மற்­றும் அக்கா ஆகி­யோரை சிறுமி பயின்ற பள்­ளி­யில் வைத்து மீண்­டும் சி.பி.சி.ஐ.டி. போலீ­சார் விசா­ரணை மேற்­கொண்­ட­னர்.

நேற்று தொடர்ந்து ஏழா­வது நாளாக சி.பி.சி.ஐ.டி. டிஎஸ்­பிக்­கள் கீதா, வேல்­மு­ரு­கன் தலை­மை­யி­லான இன்ஸ்­பெக்­டர்­கள் மற்­றும் போலீ­சார் இந்த வழக்கு குறித்து பல்­வேறு கோணங்­க­ளில் தீவிர விசா­ரணை மேற்­கொண்டு வரு­கின்­ற­னர்.மேலும் சிறுமி வெளி மாநி­லத்­திற்கு கடத்­தப்­பட்­டாரா என்ற கோணத்­தில் சிறுமி மாய­மான நாளில் சென்னை உள்­ளிட்ட தமி­ழ­கத்­தின் முக்­கிய ரயில் நிலை­யங்­க­ளில் பதி­வான சி.சி. டிவி கேமரா காட்­சி­களை ஆய்வு செய்து வரு­கின்­ற­னர் இதன் மூலம் சிறுமி ரயில் நிலை­யத்­துக்கு அழைத்­துச் செல்­லப்­பட்­டாரா அல்­லது வேறு வழித்­த­டங்­கள் வழி­யாக அழைத்­துச் செல்­லப்­பட்­டாரா என்­பது குறித்து சி.பி.சி.ஐ.டி. போலீ­சார் பல்­வேறு கோணங்­க­ளில் விசா­ரணை மேற்­கொண்டு உள்­ள­னர்.

இத­னி­டையே இந்த வழக்கை இன்­னும் மூன்று நாட்­க­ளில் முடித்து விடு­வோம் என்று சி.பி.சி.ஐ.டி. டி.எஸ்.பி. வேல்­மு­ரு­கன் நம்­பிக்கை தெரி­வித்­தார்.சிறுமி மாய­மாகி 17 நாட்­கள்­க­டந்­தும் இது­வரை சிறுமி பற்­றிய உறு­தி­யான எந்த தக­வல்­க­ளும் கிடைக்­காத நிலை­யில்­மூன்று நாட்­க­ளில் விசா­ரணை முடி­யும் என சி.பி.சி.ஐ.டி. டி.எஸ்.பி. தெரி­வித்­தி­ருப்­பது அனை­வ­ரி­டத்­தி­லும் பெரும் எதிர்­பார்ப்பை ஏற்­ப­டுத்தி உள்­ளது.