நெல்லை, அக். 29 –
நெல்லை மாவட்டம் ஒருங்கிணைந்த மாவட்ட தி.மு.க.மகளிர் அணி சார்பில் சட்டம்- ஒழுங்கு சீர்கேடு,பெண்கள்-குழந்தைகள் பாதுகாப்பின்மை, மற்றும் விலைவாசி உயர்வு த.வெ.க.அரசை கண்டித்து திருநெல்வேலி சந்திப்பு இரயில் நிலையம் முன்பு (31.10.2026 சனிக்கிழமை) அன்று காலை 10.00 மணியளவில் மாபெரும் கண்டன ஆர்ப்பாட்டம் நடைபெறுகிறது.என ஒருங்கிணைந்த நெல்லை மாவட்ட பொறுப்பாளர்கள் இரா.ஆவுடையப்பன் (மேற்கு) மு.அப்துல் வஹாப் எம்.எல்.ஏ. (மத்திய ) ம.கிரகாம்பெல் (கிழக்கு) ஆகியோர் கூட்டாக அறிக்கை வெளியிட்டுள்ளனர்.இதில் கழகத்தினர் திரளாக கலந்து கொள்ள வேண்டுகோள் விடுத்துள்ளனர்.
அதில் அவர்கள் கூறியிருப்பதாவது.
கழகத்தலைவர் அன்புத்தளபதியார் அவர்களுடைய வழிகாட்டுதலின்படி,
தமிழகத்தின் கொலை, கொள்ளை, போதைப்பொருள் விற்பனை ஆகியவை அதிகரித்து சட்டம் ஒழுங்கு பெரியளவில் சீர்கெட்டு இருப்பததொடு, பெண்களுக்கு எதிரான வன்முறை மற்றும் குழந்தைகள் கடத்தல் ஆகியவை மிகப்பெரிய அளவில் அதிகரித்து தமிழகத்தை பாதுகாப்பற்ற மாநிலமாக இந்த ஆட்சி கொண்டு வந்திருக்கிறது.
இது போன்ற குற்றச்செயல்களில் ஆளும் த.வெ.க.வினரே பெரிய அளவில் ஈடுபட்டிருப்பதாக செய்திகள் வெளிவருகின்றன.இந்த அரசு சட்டம் ஒழுங்கை பாது காப்ப தற்கும்,பெண்கள் மற்றும் குழந்தைகளுக்கு எதிரான குற்றங்களை தடுப்பதற்கும்,விலைவாசி உயர்வை கட்டுபடுத்துவதற்கும் எவ்வித நடவடிக்கையும் மேற்கொள்ளவில்லை.
ஒரு பாதுகாப்பற்ற மாநிலமாக தமிழகத்தை படு
குழியில் தள்ளி உள்ள த.வெ.க. அரசைக் கண்டித்து திருநெல்வேலி மாவட்ட தி.மு.க. மகளிர் அணியின் சார்பில் 31.10.2026 அன்று சனிக்கிழமை காலை 10.00 மணியளவில் “மாபெரும் கண்டன ஆர்ப்பாட்டம் நடைபெறுகிறது.
இதில் மாவட்டக் கழக நிர்வாகிகள், தலைமைச் செயற்குழு,பொதுக்குழு, உறுப்பினர்கள்,மாநில அணி நிர்வாகிகள், மாநகர, பகுதி, ஒன்றிய, நகர, பேரூர், வார்டு, கிளை நிர்வாகிகள், மாவட்ட சார்பு அணிகளின் மாநகர, பகுதி, ஒன்றிய, நகர, பேரூர்,நிர்வாகிகள் மற்றும் மகளிர் அணியினர், உள்ளாட்சி பிரதிநிதிகள் மற்றும் கழகத்தோழர்கள் அனைவரும் திரளாக கலந்து கொண்டு கண்டன முழக்கமிட கேட்டுக்கொள்கிறோம்.
இவ்வாறு அவர்கள் தெரிவித்துள்ளனர்.