#Title

சென்னை 29.10.2026 த.வெ.க. அரசைக் கண்டித்து ஒருங்கிணைந்த தூத்துக்குடி வடக்கு – தெற்கு மாவட்ட மகளிர் அணி சார்பில் மாபெரும் கண்டன ஆர்ப்பாட்டம்! தூத்துக்குடி வடக்கு மாவட்டச் செயலாளர் பி.கீதாஜீவன் அறிவிப்பு!

தூத்துக்குடி, அக். 29 –

தூத்துக்குடி வடக்கு மாவட்டச் செயலாளர் பி.கீதாஜீவன் விடுத்துள்ள அறிக்கை வருமாறு:

இது குறித்து அவர் வெளியிட்டுள்ள அறிக்கையில் தெரிவித்திருப்பதாவது..

தமிழகத்தில் கொலை, கொள்ளை, போதைப் பொருள் விற்பனை ஆகியவை அதிகரித்து சட்டம் ஒழுங்கு பெரியளவில் சீர்கெட்டு இருப்பதோடு, குழந்தைகள், பெண்களுக்கு எதிரான வன்முறை மற்றும் குழந்தைகள் கடத்தல் ஆகியவை மிகப்பெரிய அளவில் அதிகரித்து தமிழகத்தை பாதுகாப்பற்ற மாநிலமாக இந்த ஆட்சி கொண்டு வந்திருக்கிறது.

இதுபோன்ற குற்றச் செயல்களில் ஆளும் த.வெ.க.வினரே பெரிய அளவில் ஈடுபட்டிருப்பதாக செய்திகள் வெளிவருகின்றன. இந்த அரசு சட்டம் ஒழுங்கை பாதுகாப் பதற்கும், பெண்கள் மற்றும் குழந்தைகளுக்கு எதிரான குற்றங்களை தடுப்பதற்கும், விலைவாசி உயர்வை கட்டுப்படுத்துவதற்கும் எவ்வித நடவடிக்கையும் மேற்கொள்ளவில்லை. அரசே ஆவின் பால் மற்றும் ஆவின் உபபொருட்களின் விலையை உயர்த்துகிறது.

இந்நிலையில் தி.மு.க. தலைமை கழக ஆணைக்கிணங்க, த.வெ.க. அரசைக் கண்டித்து தூத்துக்குடி வடக்கு மற்றும் தூத்துக்குடி தெற்கு மாவட்ட தி.மு.க மகளிர் அணி சார்பில் வருகிற 31.10.2026 சனிக்கிழமை அன்று காலை 10.00 மணி அளவில் மாபெரும் “கண்டன ஆர்ப்பாட்டம்” சிதம்பர நகர் பேருந்து நிறுத்தம் எதிரில், நாம் தமிழர் வளாகத்தின் அருகில் வைத்து நடைபெற உள்ளது.

இக்கண்டன ஆர்ப்பாட்டத்தில் தூத்துக்குடி வடக்கு, மற்றும் தெற்கு மாவட்ட தி.மு.க மாவட்ட கழக நிர்வாகிகள் மாநகர, ஒன்றிய, நகர,பகுதி, பேரூர், வட்ட, கிளை கழக நிர்வாகிகள், அனைத்து சார்பு அணிகளின் நிர்வாகிகள், குறிப்பாக மகளிரணி, மகளிர் தொண்டரணி நிர்வாகி கள், உள்ளாட்சி அமைப்புகளின் பிரதிநிதி கள் மற்றும் பொதுமக்கள் அனைவரும் பங்கேற்றிட அழைக்கிறேன்.

கழக மகளிர் அணி மற்றும் மகளிர் தொண்டரணி பெருந்திரளாக கலந்து கொள்ள வேண்டும் என கேட்டுக்கொள்கிறேன். பாதுகாப்பற்ற மாநிலமாக தமிழகத்தை மாற்றிய த.வெ.க அரசைக் கண்டித்து கழக செயல்வீரர்கள் கலந்து கொண்டு கண்டனங்களை பதிவு செய்திட வேண்டுமென கேட்டுக்கொள்கிறேன்.