சென்னை, அக். 30–
திராவிட முன்னேற்றக் கழகத் தலைவர் அவர்களின் வழிகாட்டுதலின்படியும், தலைமைக் கழக அறிவிப்பின்படியும், தமிழ்நாட்டில் பெண்கள் மற்றும் குழந்தைகளுக்கு எதிரான வன்முறைகள், கொலை, கொள்ளை, போதைப்பொருள் புழக்கம், சட்டம்–ஒழுங்கு சீர்கேடு மற்றும் அத்தியாவசியப் பொருட்களின் விலைவாசி உயர்வு ஆகியவற்றைக் கண்டித்து, வருகின்ற 31.10.2026 சனிக்கிழமையன்று மாவட்டத் தலைநகரங்களில் நடைபெறவுள்ள மாபெரும் கண்டன ஆர்ப்பாட்டத்தைச் சிறப்பாக நடத்துவது குறித்த ஆலோசனைக் கூட்டம் இன்று (29.10.2026) மாலை 5.00 மணியளவில் சென்னை ஓட்டேரி, பிரிக்ளின் சாலையில் அமைந்துள்ள எஸ்.ஆர். மகாலில் நடைபெற்றக் கூட்டத்தில், சென்னை கிழக்கு மாவட்டக் கழகச் செயலாளரும், மேனாள் அமைச்சருமான பி.கே. சேகர்பாபு எம்.எல்.ஏ. அவர்கள் கலந்துகொண்டு, கண்டன ஆர்ப்பாட்டத்தை மாபெரும் மக்கள் எழுச்சியாக நடத்துவது குறித்து நிர்வாகிகளுக்கு ஆலோசனைகளையும் அறிவுரைகளையும் வழங்கினார்.
இக்கூட்டத்தில் சென்னை மாநகராட்சி மேயர் பிரியா ராஜன்,ப.தாயகம் கவி, ஜோசப் சாமுவேல், கே.எஸ். ரவிச்சந்திரன், டாக்டர் ஏ.பி. பூர்ணிமா,பி.கே. மூர்த்தி, எம். விஜயகுமார், கே. சந்துரு, சி. மகேஷ்குமார், கே.எஸ்.எம். நாதன், ஆர்.வரதன்.
மாவட்டக் கழக நிர்வாகிகள் ஜி.எம்.தேவன்,புனிதவதி எத்திராஜன்,இசட் ஆசாத்,
பகுதிக் கழகச் செயலாளர்கள் எம். சாமிக்கண்ணு, சொ. வேலு, வி. சுதாகர், எஸ். ராஜசேகர், கூ.பீ. ஜெயின், வே. வாசு, ஐ.சி.எப். வ. முரளிதரன், டி.எஸ்.பி. ராஜகோபால், எம்.டி.ஆர். நாகராஜ்,
பொதுக்குழு உறுப்பினர்கள் சாவித்திரி வீரராகவன், டி.வி. செம்மொழி, கோ. மணி, அ.நிர்மலா தேவி, சரிதா மகேஷ்குமார், ரமேஷ் (எ) நீலகண்டன், எம். இப்ராகிம் கனி
மாவட்ட அணிகளின் அமைப்பாளர்கள் வானவில் விஜய், கே. வினோத், பி. ஸ்ரீராமலு, நா. ரஞ்சித் விஜயாலயன்,ஜி தாமோதரன், எல்.பி.எஃப். மோகன், து. ஆயிரம்,இரா.வீரமணி, கு. கிருஷ்ணமூர்த்தி, பி. விஜயகுமார், பா. பிரதீப்குமார், எம். விநாயகம், எல். சம்பத்குமார், எம். பெரோஸ்கான், கா. ராஜ்முகமது, ம. அசோக்குமார், ராஜேஸ்வரி ஸ்ரீதர், ஜி. சாந்தகுமாரி உள்ளிட்டோரும்,
மேலும் பகுதிக் கழக நிர்வாகிகள், மாமன்ற உறுப்பினர்கள், வட்டக் கழகச் செயலாளர்கள், கழக முன்னோடிகள் மற்றும் கழகச் செயல்வீரர்கள்உள்ளிட்ட ஏராளமானோர் கலந்துகொண்டனர்.
இக்கூட்டத்தில் நிறைவேற்றப்பட்ட தீர்மானங்கள்
தமிழகத்தில் பெண்கள் மற்றும் குழந்தைகளின் பாதுகாப்பு, சட்டம்–ஒழுங்குசீர்கேடு, விலைவாசி உயர்வு உள்ளிட்ட மக்கள் பிரச்சினைகளைத் தொடர்ந்து சுட்டிக்காட்டி, த.வெ.க. அரசின் மக்கள் விரோத நடவடிக்கைகளைக் கண்டித்து, மக்கள் உரிமைகளுக்காக அயராது குரல் கொடுத்து வரும் கழகத் தலைவர் மு.க. ஸ்டாலின் அவர்களுக்கும், தமிழ்நாடு சட்டமன்ற எதிர்க்கட்சித் தலைவர் உதயநிதி ஸ்டாலின் அவர்களுக்கும் இக்கூட்டம் நன்றியையும் பாராட்டுகளையும் தெரிவித்து தீர்மானம் நிறைவேற்றுகிறது.
தமிழகத்தில் கொலை, கொள்ளை, போதைப்பொருள் புழக்கம், பாலியல் வன்கொடுமைகள் அதிகரித்து வருவதாக எழுந்துள்ள புகார்களும், இரண்டு வயதுக் குழந்தை முதல் 80 வயது மூதாட்டி வரை பாலியல் வன்முறைக்கு ஆளாகும் கொடூரச் சம்பவங்களும் பெரும் அதிர்ச்சியை ஏற்படுத்தியுள்ளன. பெண்கள் மற்றும் குழந்தைகளின் பாதுகாப்பை உறுதிசெய்யத் தவறுகின்ற த.வெ.க. அரசை இக்கூட்டம் வன்மையாகக் கண்டித்து தீர்மானம் நிறைவேற்றுகிறது.
தொடர் மின்வெட்டு, மின்கட்டண உயர்வு, அரிசி, பருப்பு, சமையல் பொருட்கள் உள்ளிட்ட அத்தியாவசியப் பொருட்களின் விலை உயர்வு ஆகியவற்றால் ஏழை, எளிய, நடுத்தர மக்கள் அன்றாட வாழ்க்கையை நடத்தவே அல்லல்படும் நிலை ஏற்பட்டுள்ளது. குடும்பச் சுமையால் பெண்கள் கண்ணீர் சிந்தும் நிலையை மாற்றாமல், மக்களின் வேதனைகளைப் புறக்கணிக்கும் த.வெ.க. அரசுக்கு இக்கூட்டம் கடும் கண்டனம் தெரிவித்து தீர்மானம் நிறைவேற்றுகிறது.
கழகத் தலைவர் மு.க. ஸ்டாலின் அவர்களின் ஆணைக்கிணங்க, சென்னை கிழக்கு மாவட்டக் கழகச் செயலாளரும் மேனாள் அமைச்சருமான பி.கே. சேகர்பாபு எம்.எல்.ஏ. அவர்களின் வழிகாட்டுதலின்படி, பெண்கள் – குழந்தைகள் பாதுகாப்பின்மை, சட்டம்–ஒழுங்கு சீர்கேடு, போதைப்பொருள் புழக்கம், மின்கட்டணம் மற்றும் விலைவாசிஉயர்வைக் கண்டித்து, வருகின்ற 31.10.2026 சனிக்கிழமை காலை 10.00 மணியளவில் சென்னை மாவட்ட ஆட்சியர் அலுவலகம் அருகில் சென்னை கிழக்கு மாவட்ட மகளிர் அணி – மகளிர் தொண்டரணி சார்பில்நடைபெறும் மாபெரும் கண்டன ஆர்ப்பாட்டத்தில், கழக நிர்வாகிகள் மற்றும் கழக மகளிர் அணியினர், மகளிர் தொண்டரணியினர், கழக மகளிர்கள் ஆயிரக்கணக்கில் திரண்டு பங்கேற்று, ஆர்ப்பாட்டத்தை மாபெரும்வெற்றியடையச் செய்ய வேண்டுமென இக்கூட்டம் தீர்மானம் நிறைவேற்றியது.