சென்னை, அக். 30 –
“ Punch dialogue என்ற பெயரில் பல Modulation–ல் காட்டுக்கத்து கத்தநடத்தப்படும் இந்த ரெய்டுகளைக் கண்டு தி.மு.க.வின் கடைக்கோடித் தொண்டனின் கால் நகம் கூட அஞ்சாது” என்று கழகத் தலைவர் மு.க. ஸ்டாலின் அவர்கள், முன்னாள் அமைச்சர் கே.என்.நேரு உள்ளிட்ட முன்னாள் அமைச்சர்கள் மீது நடத்தப்படும் ரெய்டுகள் குறித்து விடுத்த சமூக வலைதளப் பதிவில் கடும்
எச்சரிக்கை விடுத்துள்ளார்.
மக்கள் பிரச்சினைகளை திசை திருப்ப, அரசியல் பழிவாங்கும் நோக்கோடு தி.மு.க. முன்னாள் அமைச்சர் கே.என்.நேரு மீது DVAC சோதனையை விஜய் அரசு ஏவிவிட்டுள்ளது.
தமிழ்நாட்டில் த.வெ.க. அரசு பதவியேற்றது முதல், மக்கள் நலப்பணிகளில் கடுகளவும் கவனம் செலுத்தாமல் எதிர்க்கட்சிகளை பழிவாங்கும் நடவடிக்கைகளில் மட்டும் தீவிரமாக ஈடுபட்டு வருகிறது. அரசின் தோல்விகளை மூடிமறைக்கதி.மு.க. முன்னாள் அமைச்சர்கள் உள்ளிட்டோர் மீது DVAC-ஐ ஏவி விடப்படுகிறது. ஏற்கனவே முன்னாள் அமைச்சர்கள் எ.வ.வேலு, செந்தில்பாலாஜி தொடர்புடைய இடங்களில் DVAC-யை ஏவிவிட்டு த.வெ.க. அரசு சோதனை நடத்தியது.
முதலமைச்சர் விஜய் எப்போதெல்லாம் பிரச்சினைகளில் சிக்கிக்கொள்
கிறாரோ, அப்போதெல்லாம் தி.மு.க. மீது DVAC-ஐ ஏவி விட்டு வருகிறார். தமிழ்நாட்டில் நாள்தோறும், அரிவாள் வெட்டு, கொலை, கொள்ளை, பாலியல் வன்கொடுமைகள் அரங்கேறி வருகின்றன. சிறைச்சாலைகளில் இருந்து அடுத்தடுத்து கைதிகள் தப்பி ஓட்டம் என மாநிலத்தில் சட்டம் - ஒழுங்கு சந்தி சிரிக்கிறது. விண்ணை முட்டும் விலைவாசி உயர்வால் மக்கள் கடும் கொந்தளிப்பில் உள்ள நிலையில், அதனை திசைதிருப்ப DVAC-ஐ விஜய் ஏவிவிட்டுள்ளார்.
விஜய் ஆட்சியில் தமிழ்நாட்டில் சிறை, பள்ளி, சாலை, நீதிமன்றம் என எங்கும் பாதுகாப்பில்லை! சட்டம் ஒழுங்கு பற்றியெல்லாம் முதலமைச்சருக்கு அக்கறைஇல்லை - குற்றவாளிகளுக்கு பயமில்லை.சட்டம் ஒழுங்கை பாதுகாப்பதில் விஜய் அரசு தோல்வியடைந்துவிட்டது.
இந்நிலையில், மக்கள் பிரச்சினை களை திசைதிருப்ப தி.மு.க. மீது DVAC-ஐ விஜய் ஏவிவிட்டுள்ளார். அதன்படி, முழுக்க முழுக்க அரசியல் காரணங்களுக்காகவே கே.என்.நேரு மீது
த.வெ.க. அரசு லஞ்ச ஒழிப்புத்துறையை ஏவி விட்டுள்ளது.
திருச்சி கிழக்கு தொகுதிக்கு விரைவில் இடைத்தேர்தல் அறிவிக்கப்படவுள்ளநிலையில், தி.மு.க. நிர்வாகிகளின் நற்பெயருக்கு களங்கம் ஏற்படுத்தும் வகையில் த.வெ.க. அரசு லஞ்ச ஒழிப்புத்து றையை ஏவி விட்டுள்ளது. அரசியல் பழிவாங்கும்நோக்கத்துடன், தி.மு.க. ஆட்சியில் ஊழல்என இதுவரை தொடரப்பட்ட ஒரு வழக்கில் கூட குற்றச்சாட்டு நிரூபிக்க முடிந்ததில்லை என்பதே வரலாறு.
இதுகுறித்துகழகத் தலைவர் மு.க. ஸ்டாலின்அவர்கள் தமது சமூக வலைதளத்தில் பதிவிட்டிருப்பதாவது:–
பெண்கள், குழந்தைகள், முதியோர் என யாருமே பாதுகாப்பாக இல்லாத மாநிலமாகத் தமிழ்நாட்டை மாற்றிவிட்ட முதலமைச்சர், மக்களின் கவனத்தையும் - ஊடகங்களின் Breaking News-ஐயும் திசைதிருப்ப Roadshow நடத்தலாமா? Raidshow நடத்தலாமா? எனச் சிந்தித்துக் கொண்டிருக்கிறார்.
“Vettri Vendetta Politics” மக்கள் முன் தலைகுனிந்துநிற்கும்!
ஊழல் பெருச்சாளிகளை எல்லாம் பேரக் குதிரைகளாக மாற்றி தன் கட்சியில் இணைத்துக் கொண்டிருக்கும் த.வெ.க. எனும் “TN Branch Washing Machine”, தி.மு.க. ஆட்சியின் முன்னாள் அமைச்சர்களை மட்டும் குறிவைத்து நடத்திக் கொண்டிருக்கும் “Vettri Vendetta Politics” திட்டம், வழக்கம் போல் சட்டத்தின் முன் தோற்று,மக்கள் முன் தலைகுனிந்து நிற்கும்!
திருச்சி கிழக்கு இடைத்தேர்தலுக்கான ரீல்ஸ் விடியோக்களைத் தயாரிக்கவும் முதலமைச்சர் மேடையில் punch dialogue என்ற பெயரில் பல modulation-இல்
காட்டுக்கத்துகத்தவும் நடத்தப்படும் இந்த ரெய்டுகளைக் கண்டு தி.மு.க.வின் கடைக்கோடிக் தொண்டரின் கால் நகம் கூட அஞ்சாது!
இந்திய நாடே எள்ளி நகைக்கிறது!
சட்டம்-ஒழுங்குசீர்கேடு, துருப் பிடித்து விட்ட நிர்வாகம், வாட்டி வதைக்கும் விலைவாசி உயர்வுஎன மக்களை பாதித்துக் கொண்டிருக்கும் இந்த த.வெ.க. ஆட்சியைக் கண்டு, தமிழ்நாடு மட்டுமல்ல
இந்திய நாடே எள்ளி நகைக்கிறது.
வண்டவாளங்களைத்
தண்டவாளம் ஏற்றுவோம்!
இதை எல்லாம் மறைக்க, தி.மு.க.
வினருக்கு வாய்ப்பூட்டு போடலாம் என்று நினைக்கிறீர்கள். இனி இன்னும் இன்னும் வேகமாக த.வெ.க. அரசின் வண்டவாளங்களைத் தண்டவாளம் ஏற்றுவோம்!
இவ்வாறு கழகத் தலைவர் மு.க. ஸ்டாலின் அவர்கள் தமது சமூக வலைதளத்தில் பதிவிட்டுள்ளார்.