சிவகங்கை . அக். 30 .
சிவகங்கை மாவட்டம் சிவகங்கை கோட்ட அளவிலான மாதாந்திர விவசாயிகள் குறைதீர்க்கும் நாள் கூட்டம் சிவகங்கை சமுதாய கூடத்தில் கோட்டாட்சியர் திருமதி ஜெபி
கிரேசியா தலைமையில் நடைபெற்றது. கூட்டத்தில் சிவகங்கை, திருப்புவனம், மானாமதுரை, இளையான்குடி, ஆகிய பகுதியிலிருந்து ஏராளமான
விவசாயிகள்கலந்து கொண்டார்கள். இந்த கூட்டத்தில் கலந்து கொண்டு திருப்புவனம் பேரூராட்சி மன்ற தலைவர் த.சேங்கைமாறன் பேசியதாவது
திருப்புவனம் அல்லிநகரம் சாலை மிகவும் பழுதடைந்துள்ளது. அப்பகுதிமற்றும் அதைச்சுற்றி உள்ள கிராமங்களுக்கு சாலைவசதி இல்லாததால் கிராமமக்கள் மிகவும் சிரமப்படுகிறார்கள். திருப்புவணத்தை சுற்றிலும் மாடு வைத்திருப்பவர்கள் தினசரி பத்தாயிரம் லிட்டர்பால் ஆவின் நிறுவனத்திற்கு சப்ளை செய்கிறார்கள். மாவட்ட அளவில் 3 மாதங்களுக்கு முன்பாக 90 ஆயிரம் பால் சப்ளை செய்யப்பட்டது. தற்பொழுது 60 ஆயிரம் லிட்டராக குறைந்துள்ளது. 30 ஆயிரம் லிட்டர் குறைவு ஏற்பட்டுள்ளது. இதற்கு காரணம் என்ன என்பதை கூட்டுறவு பால்வளத் துறை அதிகாரிகள் கண்டறிய வேண்டும்.
பால் உற்பத்தியை அதிகரிக்க வேண்டும்.கிராமப்
புறங்கள் அதிகமாக உள்ள சிவகங்கை மாவட்டத்தில் மாடுவளர்ப்பதன் மூலம் ஆவினுக்கு பால் வழங்குவதில் ஒரளவு வருமானம் கிடைக்கிறது. இதனால் கிராமப்புறத்தில் பணப்புழக்கம் அதிகரிக்கும். விவசாயத்தில் எதிர் பார்த்த லாபம்இல்லை. .பால் உற்பத்தியை வாழ்வாதாரமாக கொண்டு வாழ்க்கையினை நடத்தி வருகின்றனர் ஆனால் தற்போது இதில் ஏற்பட்டுள்ள பிரச்சினையி னால் மிகவும் சிரமப்படு கிறார்கள் . சிவகங்கை மாவட்டத்தில் தரமான ஆவின் பால் வழங்கப்பட்டு வந்தது ஆவின் பால் உற்பத்தி குறைவானதால் தரமற்ற தனியார் பால் விற்பனைகள் அதிகரிக்கப்பட்டுள் ளது .
இதனால் சாதாரண, ஏழை ,எளிய, பொதுமக்களுக்கு பல்வேறு வகையான நோய்கள் ஏற்படுவதாக கூறப்படுகிறது. இது குறித்து மாவட்ட நிர்வாகம் உரிய நடவடிக்கை எடுக்க வேண்டும் ஆவின் உற்பத்தி அதிகரிக்க முயற்சிகள் எடுக்க வேண்டும்.உணவுபாதுகாப்புதுறை அதிகாரி கள் சோதனை நடத்தி மக்களுக்கு தரமான பால் கிடைக் க ஏற்பாடுகளை செய்திட வேண்டும். விவசாயி களுக்கு வாழ்வாதாரமாக விளங்கும் பால் உற்பத்தியாளர்களுக்கு ம் இந்த ஆவின் நிர்வாகம் உரிய நடவடிக்கை எடுத்து பால் உற்பத்தியினை அதிகரிக்க வேண்டும்.மேலும் கூட்டுறவுத்துறையில் விவசாயி களுக்கு கடன் வழங்க மறுக்கிறார்கள்.
ஒரு விவசாயி ரூபாய் 2லட்சம் கடன் தொகை பெற்றிருந்தால் அரசு அறிவித்த ரூபாய்75ஆயிரம் பயிர்க் கடன் தள்ளுபடி செய்யப்படுகிறது. மீதிக் தொகை ரூபாய் 1.25 லட்சம் உள்ளதால்தொடக்க வேளாண்மை கூட்டுறவு வங்கியில் கடன் மறுக்கப்படுகிறது. இதற்கு காரணம் கடன் பாக்கித்தொகை உள்ளதாக கூறப்படுகிறது. முந்தைய ஆட்சியில் கடன் பாக்கி தொகையை நீண்ட கால கடனாக மாற்றி கடன் வழங்கினார்கள் தற்போது அத்தகைய நடைமுறைகள் இல்லை. இதனால் விவசாயிகள் அதிகம் கஷ்டப்படுகிறார்கள். சிவகங்கை மாவட்டம் விவசாயிகளை அதிகம் கொண்ட மாவட்டமாகும். இதுகுறித்து அரசிற்கு தெரிவித்து உரிய நடவடிக்கைகளை மேற்கொள்ள வேண்டும். இந்த கோரிக்கையை விவசாயிகள் அய்யாசாமி, உடையார், கோபால்,கிருஸ்ணன் ஆகியோர் பேசினார்கள்.
இதற்கு ஆவின் நிர்வாகத்தின் சார்பில் மாவட்டத்தில் ஆவின் பால் உற்பத்தி 60ஆயிரம் லிட்டர் செய்யப்பட்டது தற்பொழுது 52,000 உற்பத்தி ஆகிறது.8000 லிட்டர் குறைந்துள்ளது.பால் உற்பத்தியினை அதிகரிக்க நடவடிக்கை எடுக்கப்படும் என்று கூறினார்கள். விவசாயி கிருஷ்ணன் கண்மாய்கள் குளங்களில் மணிமுத்தாறு ஆறு பகுதிகளில் சீமை வேலிக்கருவை மரங்கள் அதிகரித்து வருகிறது.
உயர் நீதிமன்றம் அவற்றை விரைந்து அகற்றிட வேண்டும் என்று உத்தரவிட்டுள்ளது. இம்மாவட்டத்தில் இதில் தீவீரம்காட்டி அகற்றப்பட வேண்டும். இதனால் மழை காலங்களில் தண்ணீர் தேங்கும். இதே போல் பல்வேறு விவசாயிகள் மாவட்டத்தில் சாலை வசதி ,மின் வசதி, குடிநீர் வசதி, விவசாயத்திற்கு உரம் தட்டுப்பாடு இருப்பதாக புகார் கூறினார்கள்.
இது குறித்து உரிய நடவடிக்கை எடுப்பதாக கோட்டாட்சியர் கூறினார் .இந்த கூட்டத்தில் குடிநீர் வழங்கும் துறை, நெடுஞ்சாலைத்துறை, கூட்டுறவுத் துறை உட்பட பல்வேறு உயரதிகாரிகள் பங்கேற்கவில்லை இதனால் விவசாயிகள் கூறிய புகாருக்கு அதிகாரிகள் வராததால் உடன் சரியான பதில் கூற முடிய வில்லை.
இதுபோன்று தொடர்ந்துவிவசாயிகள் கூட்டத்திற்கு மாவட்ட அளவிலான உயர் அதிகாரிகள் கலந்து கொள்வதில்லை. .இது குறித்து மாவட்ட நிர்வாகம் உரிய நடவடிக்கை எடுக்க வேண்டும் என்று கூட்டத்தில் வந்த விவசாயிகள் கோட்டாட்சியரிடம் தெரிவித்தார்கள்.இந்த கூட்டம் மற்ற கூட்டங்களை போன்று சம்பிரதாயத்திற்காக நடைபெற்றது. விவசாயிகளுக்கு முக்கியத்து வம் கொண்ட கூட்டமாக இல்லை என்று விவசாயிகள் வருத்தத்துடன் கூறினார்கள்.