நீல­கிரி, அக். 30–

அமை­திப் பூங்­கா­வான தமிழ்­நாடு இன்று குற்­ற­வா­ளி­க­ளின் புக­லி­ட­மாக மாற்­றப்­பட்­டுள்­ளது. அதி­கா­லை­யில் அன்­றா­டம் செய்­தித்­தாள்­க­ளைத் திறந்­தால் கொலை, கொள்ளை, வழிப்­பறி மற்­றும் போதைப்­பொ­ருட்­க­ளின் நட­மாட்­டம் குறித்த செய்­தி­களே ஆக்­கி­ர­மித்­துள்­ளன. காவல் துறை­யின் கைகள் முற்­றி­லு­மாக கட்­டப்­பட்டு, சட்­டம் ஒழுங்கு முற்­றி­லு­மாக முடங்கி, பொது­மக்­க­ளின் உயி­ருக்­கும் உடை­மைக்­கும் எவ்­வித பாது­காப்­பும் இல்­லாத அவல நிலை இன்று தமிழ்­நாட்­டில் நில­வு­கி­றது.

“பெற்ற தாயும் பிறந்த பொன்­னா­டும்” போற்­றப்­பட வேண்­டிய இந்த மண்­ணில், இன்று த.வெ.க அர­சின் அவ­லத்­தால், பள்­ளிக் குழந்­தை­கள் முதல் பணிக்­குச் செல்­லும் பெண்­கள் வரை சமூக விரோ­தி­க­ளால் தொடர்ந்து அச்­சு­றுத்­த­லுக்கு உள்­ளாக்­கப்­பட்டு, பெண் குழந்­தை­க­ளும், பெண்­க­ளும் வீட்டை விட்டு வெளியே சென்று பாது­காப்­பாக வீடு திரும்­பு­வது பெரும் சவா­லாக மாறி­யுள்­ளது. பெண்­க­ளுக்கு எதி­ரான குற்­றங்­கள் மீதான த.வெ.க அர­சின் அலட்­சி­யப் போக்­கும், குற்­ற­வா­ளி­கள் மீது கடு­மை­யான நட­வ­டிக்­கை­களை எடுக்க தவ­றும் நிர்­வாக சீர்­கேடே இந்த பாது­காப்­பற்ற சூழ்­நி­லைக்குகார­ண­மாக உள்­ளது.

ஒரு­பு­றம் பாது­காப்­பற்ற சூழல் என்­றால், மறு­பு­றம் ஏழை எளிய மக்­க­ளின் வாழ்­வா­தா­ரத்தை நசுக்­கும் அத்­தி­யா­வ­சய பொருட்­க­ளான விலை­வாசி உயர்வு. அரிசி, பருப்பு, சமை­யல் எண்­ணெய், காய்­க­றி­கள் உள்­ளிட்ட அத்­தி­யா­வ­சி­யப் பொருட்­ளின் விலை­க­ளும் நாளுக்கு நாள் விண்­ணைத் தொடும் அள­விற்கு உயர்ந்­துள்­ளது.

த.வெ.க., அரசு தமி­ழ­கத்­தில் ஆட்சி பொறுப்­பில் அமர்ந்த நாள் முதல் ஒவ்­வொரு இல்­லத்­த­ர­சி­கள் ஒவ்­வொரு நாளும் பெரும் பொரு­ளா­தார நெருக்­க­டியை சந்­தித்து, தங்­க­ளது வாழ்­வா­தா­ரத்தை இழந்து தவிக்­கின்­ற­னர்.

இந்­நி­லை­யில், நமது உரி­மை­களை மீட்­டெ­டுக்­க­ வும், தமிழ்­நாட்­டில் பெண்­க­ளின் பாது­காப்­பிற்கு அர­ணாக நிற்­க­வும், திரா­விட முன்­னேற்ற கழ­கத் தலை­வர் மு.க.ஸ்டாலின் அவர்­ளின் அறி­விப்­பின்­படி,மக­ளிர் அணி பொறுப்­பா­ளர் கழக துணை பொது செய­லா­ளர் மாண்­பு­மிகு கனி­மொழி ராஜாத்தி கரு­ணா­நிதி MP., அவர்­கள் ஆலோ­ச­னைப்­ப­டி­யும் நீல­கிரி மாவட்ட திமுகமக­ளிர் அணி மற்­றும் மக­ளிர் தொண்­டர் அணி சார்­பில் நாளை ( 31–10–2026 சனிக்­கி­ழமை) காலை 11 மணி­ய­ள­வில் உதகை ஏ.டி.சி., ஜீப் நிறுத்­தம் முன்பு மாபெ­ரும் கண்­டன ஆர்­பாட்­டம் நடை­பெற உள்­ளது.

இந்த ஆர்­பாட்­டத்­தில் நீல­கிரி மாவட்­டத்­தி­லுள்ள மாவட்ட, நகர, ஒன்­றிய, பேரூர் கழக மக­ளிர் நிர்­வா­கி­கள், அனைத்து மக­ளிர் அணி – மக­ளிர் தொண்­டர் அணி நிர்­வா­கி­கள், இன்­னாள்–­முன்­னாள் மக­ளிர் உள்­ளாட்சி பிர­தி­நி­தி­கள் உள்­ளிட்ட அனை­வ­ரும் பெருந்­தி­ர­ளாக கலந்­துக்­கொண்டு ஆர்­பாட்­டத்தை வெற்றி பெற செய்­தி­ட­வும், இவர்­க­ளுக்கு தேவை­யான அனைத்து உத­வி­க­ளை­யும் தொடர்­பு­டைய நகர – ஒன்­றிய – பேரூர் கழக செய­லா­ளர்­கள் சிறப்­பு­டன் செய்­தி­ட­வும் வேண்­டு­கி­றேன்.

இவ்­வாறு மாவட்ட கழக பொறுப்­பா­ளர் கே.எம்.ராஜூ எம்.எல்.ஏ. அறிக்கை வெளி­யிட்­டுள்­ளார்.