#Title

சிவகங்கை மாவட்டம் காளையார் கோவிலில் மாமன்னர் மருது பாண்டியர்கள் 225ஆம் ஆண்டு குருபூஜை! ஆர்.எஸ்.ராஜகண்ணப்பன் – பொன்.முத்துராமலிங்கம் – பவானி ராஜேந்திரன் – காதர்பாட்சா முத்துராமலிங்கம் மரியாதை!

சிவகங்கை, அக். 30–

சிவகங்கையை தலைநகராக கொண்டு ஆட்சி புரிந்த மாமன்னர் கள் மருது சகோதரர்கள் . நாட்டின் சுதந்திர போராட்டத்திற்காக ஆங்கிலேயரை எதிர்த்து போராடிய பொழுது ஆங்கிலேயர்களால் தூக்கிலிபட்டார்கள். அவ்வாறு துக்கிலிடப்பட்ட மாமன்னர் மருதுபாண்டியர்கள் உடல் திருப்பத்தூரிலும், தலை காளையார் கோவிலில் அடக்கம் செய்யப்பட்டது. பின்னர் நினைவிடமாக அமைக்கப் பட்டது.

ஆண்டுதோறும் அக்டோபர் மாதம் 24 ஆம் தேதி திருப்பத்தூரில் அரசு விழாவாக நடைபெறுகிறது. அக்டோபர் 27 ஆம் தேதி காளையார் கோவிலில் மாமன்னர் மருது பாண்டியர்கள் நினைவிடத்தில் அரசியல் கட்சித் தலைவர்கள் சமுதாய பிரமுகர்கள் பொதுமக்கள் மரியாதை செலுத்துவார்கள்.

இந்த ஆண்டு 225 வது ஆண்டு குருபூஜையினை முன்னிட்டு சிவகங்கையில் சென்ற ஆண்டு கழகத் தலைவர் முன்னாள் முதல்வர் தளபதி மு.க.ஸ்டாலின் அவர்களால் ரூ.50 லட்சம் செலவில் அமைக்கப்பட்டுள்ள மாமன்னர் மருது பாண்டியர்கள் திருவுருவச் சிலைகளுக்கு முன்னாள் அமைச்சர் ஆர்.எஸ்.ராஜ கண்ணப்பன் எம்.எல்.ஏ மலர் மாலை அணிவித்து மரியாதை செலுத்தினர்.

காளையார் கோவிலில் மாமன்னர் மருது பாண்டியர்கள் நினை விடத்தில் முன்னாள் அமைச்சர் பொன். முத்துராமலிங்கம் ராமநாதபுரம் மாவட்ட கழகச் செயலாளர் காதர்பாட்சா முத்துராமலிங்கம் எம்.எல்.ஏ. முன்னாள் எம்.பி. மாநில மகளிர் அணி இணைச் செயலாளர் திருமதி பவானி ராஜேந்திரன், முன்னாள் ஆவின் சேர்மன் கல்லல் கே.ஆர்.அசோகன் ஆகியோர் மலர் வளையம் வைத்து மரியாதை செலுத்தினார்கள்.

அதனை தொடர்ந்து தி.மு.க. நிர்வாகிகள் மருத்துவர் எம்.எஸ்.கே.ஈஸ்வர பிரசாத் , மயில்வாகனன், முன்னாள் கவுன்சிலர் சுபாஷ் சந்திர போஸ், இளங்குமரன், அரச பாண்டியன், பொதுக் குழு உறுப்பினர் சிம்மக்கல் போஸ், சஞ்சய்மதி, இளைஞரணி அரிகரன், சுப ஜெயகாந்தன், சுப. ஜெயக்குமார், வழக்கறிஞர், வைரமணி ஒப்பந்தக்காரர் மதியழகன், மற்றும் நிர்வாகிகள் மலர்மாலை அமைத்து மரியாதை செலுத்தினார்கள்.

அதை தொடர்ந்து நாம் தமிழர் கட்சி ஒருங்கிணைப்பாளர் சீமான் முக்குலத்தோர் புலிப்படை அமைப்பாளர் நடிகர் கருணாஸ் ஆகியோர் மலர் மாலை வைத்து வைத்து மரியாதை செலுத்தினார்கள். தொடர்ந்து தமிழகத்தின் பல்வேறு பகுதிகளில் இருந்து பல்வேறு சமுதாய அமைப்பினை சேர்ந்தவர்கள் மலர்மாலை வைத்து மரியாதை செலுத்தினார்கள்.

முன்னதாக காளையார்கோவிலைச் சேர்ந்த ஆயிரத்துக்கும் மேற்பட்ட மேற்பட்ட பெண்கள் நகர் தெப்பக்குளத்தில் இருந்து ஊர்வலமாக முளைப்பாரி மற்றும் பால்குடம் எடுத்து நினைவிடத்திற்கு வந்தார்கள். மருது சிலைகளுக்கு பால்அபிஷேகம் நடைபெற்றது. மருதுபாண்டியர் குருபூஜையினை முன்னிட்டு மாவட்ட தென் மண்டல ஐ.ஜி உத்தரவின் பேரில் ராமநாதபுரம் சரக டி.ஐ.ஜி மணிவண்ணன் மேற்பார்வையில் சிவகங்கை மாவட்ட எஸ். பி . அபிஷேக் சிங் குப்தா தலைமையில் 8 மாவட்ட காவல் கண்காணிப்பாளர்கள், 10க்கும் மேற்பட்ட கூடுதல் காவல் கண்காணிப்பாளர்கள், 20 டிஎஸ்பிக்கள் ,50 இன்ஸ்பெக்டர்கள், 100 சப் இன்ஸ்பெக்டர்கள் உள்பட 270 0 போலீசார் பாதுகாப்பு பணியில் ஈடுபடுத்தப்பட்டிருந் தார்கள்.

மாவட்டத்தில் சிவகங்கை, மானாமதுரை, கல்லல், இளையான்குடி, காளையார் கோவில், பரமக்குடி, கீழச்சேவல்பட்டி விலக்கு, திருப்பத்தூர் ,மரவமங்கலம் ஆகிய ஊர்களில் சோதனை சாவடிகள் அமைக்கப்பட்டிருந்தது. வாகனங்கள் போலிசார் சோதனைக்கு பிறகு நினைவிடம் செல்ல அனுமதிக்கப்பட்டது. வஜ்ரா தீயணைப்பு வாகனங்கள் தயார் நிலையில் இருந்து. 50க்கும் மேற்பட்ட இடங்களில் சி.சி.டி.வி கேமரா மூலம் கண்காணிக்கப்பட்டது.

தனியார் வாகனங்கள் மற்றும் அரசு பேருந்துகளில் வந்தவர்கள் மட்டும்நினைவிடத் திற்கு அனுமதிக்கப்பட்டார் கள் .சிவகங்கை , காளையார் கோவில் ஆகிய ஊர்களில் போக்குவரத்து மாற்றத்தினால் பொதுமக்கள் பயணிகள் மிகவும் சிரமப்பட்டார்கள். பல்வேறு சமுதாய அமைப்புகள் சார்பில் அன்னதானம் நடைபெற்றது.