பெரம்பலூர்,அக்,31-
கழகத் தலைவர் தளபதி மு.க.ஸ்டாலின் அவர்கள் அறிவிப்புக்கு இணங்க பெரம்பலூரில் மகளிர் அணி சார்பில் தமிழ்நாட்டில் சட்டம் ஒழுங்கு சீர்கேட்டை கண்டித்து நாளை 31-ஆம் தேதி சனிக்கிழமை கண்டன ஆர்ப்பாட்டம் நடைபெறுகிறது.இது குறித்து பெரம்பலூர் மாவட்ட கழக பொறுப்பாளர் வீ.ஜெகதீசன் வெளியிட்டுள்ள அறிக்கை வருமாறு,
கழக துணைப் பொதுச்செயலாளர் - மேனாள் ஒன்றிய அமைச்சர் ஆ.இராசா.எம்.பி. வழிகாட்டுதல்படி தமிழகத்தில் பெண்களின் பாதுகாப்பு, சட்டம்ஒழுங்கு சீர்கேடு, போதைப்பொருள் புழக்கம், கொலை,கொள்ளை ஆகியவற்றை தடுக்க தவறிய த.வெ.க. அரசைக்கண்டித்து, தலைமை கழக அறிவிப்பின்படி இன்று 31-ஆம் தேதி சனிக்கிழமை தமிழ்நாடு முழுவதும் தி.மு.க. மகளிர் அணி சார்பில் கண்டன ஆர்ப்பாட்டம் நடைபெறுகிறது.
பெண்களின் பாதுகாப்பு, சட்டம் ஒழுங்கு, போதைப்பொருள் ஒழிப்பு ,விலைவாசி கட்டுப்பாடு மற்றும் சீரான மின்சார வினியோகம் ஆகியவை ஒவ்வொரு குடும்பத்தின் அன்றாட வாழ்க்கையையும் நேரடியாக பாதிக்கிறது. நிர்வாகத் திறமையற்ற த.வெ.க. அரசின் சட்டம்- ஒழுங்கு சீர்கேட்டைக் கண்டித்து பெரம்பலூர் மாவட்ட மகளிர் அணி -மகளிர் தொண்டரணி சார்பில் சார்பில் இன்று (31.10.2026, சனிக்கிழமை) காலை 10.00 மணியளவில், பழைய பேருந்து நிலையம் காந்தி சிலை அருகே நடைபெறும் கண்டன ஆர்ப்பாட்டத்திற்கு மாவட்ட கழக பொறுப்பாளர் வீ.ஜெகதீசன்(நான்) தலைமை தாங்குகிறேன். மாவட்ட மகளிர் அணி அமைப்பாளர் மகாதேவி ஜெயபால் வரவேற்புரையாற்றுகிறார்.
பாராளுமன்ற உறுப்பினர் கே.என்.அருண்நேரு- முன்னாள் அமைச்சர் சா.சி.சிவசங்கர் கலந்து கொண்டு சிறப்புரையாற்று கின்றனர்.
மாவட்ட மகளிர் தொண்டர் அணி அமைப்பாளர் புஷ்பவள்ளி ராஜேந்திரன் நன்றியுரையாற்றுகிறார். இதில் இன்னாள், முன்னாள் சட்டமன்ற உறுப்பினர்கள், மாநில நிர்வாகிகள், மாவட்ட கழக நிர்வாகி கள், தலைமை செயற்குழு, பொதுக்குழு உறுப்பினர்கள், ஒன்றிய, நகர, பேரூர் கழகச் செயலாளர்கள், அனைத்து அணிகளின் அமைப்புக்கள், துணை அமைப்பாளர்கள், முன்னாள் -இன்னாள் உள்ளாட்சி பிரதிநிதிகள், கழக முன்னோடிகள் அனைவரும் திரளாக கலந்து கொண்டு ஆர்ப்பாட்டத்தை வெற்றியடைய செய்ய வேண்டும் என்று கேட்டுக்கொள்கிறேன்.
இவ்வாறு பெரம்பலூர் மாவட்ட கழக பொறுப்பாளர் வீ.ஜெகதீசன் தனது அறிக்கையில் தெரிவித்துள்ளார்.