நாகை மாவட்டத்தில் மெத்தபெட்டமைன் (போதைப்பொருள்) பறிமுதல் மற்றும் அதுதொடர்பாக சர்வதேச போதை பொருள் கடத்தலுக்கு மூளையாக செயல்பட்ட தமிழக வெற்றிக் கழக (தவெக) நாகை மாவட்ட செயற்குழு உறுப்பினர் பூபாலன் கைது செய்யப்பட்டது குறித்து அச்சு மற்றும் காட்சி ஊடகங்களில் செய்திகள் வெளியாகின.இதனைத் தொடர்ந்து, செய்தி வெளியிட்ட பத்திரிகையாளர்களுக்கு மிரட்டல் விடுத்தும், காவல் நிலையங்களில் பொய் புகார்களை அளித்தும் வரும் நாகை மாவட்ட தவெக நிர்வாகிகளைக் கண்டித்து நாகப்பட்டினம் மாவட்ட பத்திரிகையாளர் மன்றம் சார்பில் கண்டன ஆர்ப்பாட்டம் மாவட்ட ஆட்சியர் அலுவலகம் முன்பாக நடைபெற்றது. இதில் ஊடகவியலாளர் ஜீவசகாப்தன் உழைக்கும் பத்திரி கையாளர் சங்க மாநிலத் தலைவர் சகாய ராஜ், முன்னாள் சட்டமன்ற உறுப்பினர் எம்.ஜி.கே.நிஜாமுதீன், மற்றும் நாகப்பட்டினம், திருவாரூர், தஞ்சா வூர், மயிலாடுதுறை, கரூர், காரைக்கால், நாமக்கல் பத்திரிகையாளர்கள் பங்கேற்றனர்.