சென்னை,அக்.31–
தமிழ்நாட்டில் சட்டம் ஒழுங்கு சீர்கேடு, விலைவாசி உயர்வு, கொலை, கொள்ளைகளைக் கண்டித்து கழகத் தலைவர் மு.க.ஸ்டாலின் அவர்களின் அறிவுறுத்தலின்படி, சென்னைத் தெற்கு, சென்னை மேற்கு மற்றும் தென்மேற்கு மாவட்ட மகளிர் அணி, மகளிர் தொண்டர் அணி சார்பில் மாபெரும் கண்டன ஆர்ப்பாட்டம் சேப்பாக்கம் சுவாமி சிவானந்தா சாலையில் இன்று (31-.10.-2026) காலை 10 மணியளவில் நடைபெற உள்ளது.
‘‘தமிழ்நாட்டில் விலைவாசி உயர்ந்திருக்கிறது’என்கிற உண்மையை உடைத்துச் சொன்னதற்காக பொருளாதார ஆய்வாளர் சிறந்த பொருளாதார ஆய்வாளரும், பன்னாட்டுப் பல்கலைக்கழக ங்களில் ஆய்வு நிகழ்த்துப வரும், எம்.அய்.டி.எஸ். பேராசிரியரும், நூற்றாண்டு திராவிட இயக்கம் உருவாக்கிய பொருளாதாரக் கட்டமைப்பை ஆய்வு செய்து, மறுக்க முடியாத சான்றுகளுடன் கேம்ப்ரிட்ஜ் பல்கலைக்கழகத்தால் வெளியிடப்பட்ட ‘The Dravidian Model: Interpreting the Political Economy of Tamil Nadu’ (திராவிட மாடல்: தமிழ்நாட்டின் அரசியல் பொருளாதாரத்தை விளக்குதல்) என்ற புத்தகம் எழுதியவர்களில் ஒருவருமான முனைவர் ஆ.கலையரசன், கைது செய்யப்பட்டு அலைக்கழிக்ககப்பட்டிருக்கிறார். இந்திய அரசியலமைப்புச் சட்டம் உறுதி செய்யும் கருத்துச் சுதந்திரத்தைப் பறிக்கும் அடாவடித்தனத்தை தரங்கெட்ட த.வெ.க. அரசு செய்தியிருக்கிறது.
படுகொலைகள் – பாலியல் வன்கொடுமைகள் – ஆள் கடத்தலில் குழந்தை
களும்கூட. சிறையிலிருந்து தப்பித்தல் – விலைவாசி உயர்வால் வெறுப்புக்கு உள்ளாகும் பிரச்சினைகளிலிருந்து திசை திருப்பி, திமிழ்நாட்டைப் படுபாதாளத்தில் தள்ளிவிட்டிருக்கிறார் தற்போதைய தமிழ்நாடு முதலமைச்சர். மக்களின் பாதுகாப்புக்கும், நிம்மதியான வாழ்க்கைக்குமான சூழல் என்பது கேள்விக் குறியாகியுள்ளது.
கொலைகள், கொள்ளைகள், கடத்தல்கள், போதை மருந்து புழக்கங்கள், பாலியல் வன்கொடுமைகள் மற்றும் வரலாறு காணாத மின்வெட்டு. மக்கள் மீதான விலைவாசி ஏற்றம். வெட்டிக் கொல்வது தொடர்கதையாகி இருக்கிறது.
கடந்த மாதம் திருவொற்றி யூரில் ஒருவர், தன் உயிருக்குப் பாதுகாப்பு கோரிய 24 மணிநேரத்திற்குள் (செப்.9 அன்று) நடுச் சாலையில் வெட்டிக் கொலை செய்யப்படுகிறார். செப்.6 த.வெ.க. நிர்வாகி ஒருவர் பெசன்ட் நகரில் மக்கள் பார்த்துக் கொண்டிருக்கும்போதே ஒரு கும்பலால் வெட்டிக் கொல்லப்படுகிறார்.
அக்.18 அன்று சிவகங்கை மாவட்டம் ஒக்கூரில் ஒருவர் ஓட ஓட வெட்டிக் கொலை செய்யப்படுகிறார். அக்.26 அன்று சேலத்தில், புதுரோடு மேம்பாலம் அருகில், அய்ந்து பேர் கொண்ட கும்பல் ஒருவரை வெட்டிக் கொலை செய்கிறது. சென்னையிலேயே அடையாறு இந்திரா நகர் பகுதியில் அக்.27 பட்டப்பகலில் ஒரு கொலை நடக்கிறது. காவல்நிலையத்தில் கையெழுத்துப் போட வந்த ஒருவரை மூன்று பேர் கும்பல் வழிமறித்து வெட்டிக் கொன்றுள்ளது
இவையெல்லாம் தற்செயலாக நடக்கும் நிகழ்வுகள் அல்ல; திடீர் கோபத்தில், ஆற்றாமையில் நடக்கும் கொலைகள் அல்ல. திட்டமிட்டு, நோட்டமிட்டு இக் கொலைகள் நிகழ்த்தப்பட்டுள்ளன. இவை அனைத்திலும் கொலை செய்யப்பட்டோர், கொலை செய்தோர் அனைவரும் குற்றப் பின்னணி கொண்டவர்கள்.
இன்னொரு புறம், செஞ்சி, இராணிப்பேட்டை, சாத்தான்குளம் என்று குழந்தைகள் கடத்தல் நிகழ்வுகள், எண்ணூர், நாகை, திருநெல்வேலி பாலியல் வன்கொடுமைகள், கோவையில் ஜாதி வன்கொடுமையால் மாணவர் தற்கொலை, போதை மருந்துக் கடத்தல்கள், போதை கும்பலுக்கிடையே வன்முறை - கொலை என செய்தித்தாள்களையும், தொலைக்காட்சிகளையும் திறந்தாலே இவைதான் பேசப்படுகின்றன. கடத்தல்களில் போதை மருந்து கடத்தல் போல, குழந்தைகள் கடத்தலும் தொடர்கிறது.
இதனிடையே புழல் சிறையிலிருந்து இரு கைதிகள் தப்பியோடி, பின்னர் பிடிபட்டனர் என்றொரு செய்தி. 26.10.2026) தேனி கிளைச் சிறையிலிருந்து 17 கைதிகள் தப்பியோடியுள்ளனர். அவர்களில் பலரைப் பிடித்துவிட்டதாகக் காவல்துறை தெரிவித்தாலும், உயர் பாதுகாப்பு கொண்ட சிறைகளிலிருந்து, தப்புகின்ற அளவுக்கு எங்கே ஓட்டைகள் இருக்கின்றது. மக்களோ அன்றாட வாழ்க்கை குறித்த அச்சத்தில் ஆழ்ந்துள்ளனர். விலைவாசி பல மடங்கு உயர்ந்து, அதுவேறு புறம் அச்சுறுத்துகிறது.
இந்தப் பிரச்சினைகளில் இருந்தெல்லாம் செய்தி ஊடகங்களைத் திசை திருப்பு, வேறு வேறு பிரச்சினைகளை முன்னிறுத்துவதும், முன்னாள் அமைச்சர்கள் கைது, அவதூறு வழக்குகள், விசாரணைகள், ரெய்டுகள் என்று கட்டவிழ்த்துவிட்டிருக்கிறது த.வெ.க. அரசு.
இந்த அராஜகப் போக்கையெல்லாம் கண்டித்து மாவட்ட மகளிர் அணி, மகளிர் தொண்டர் அணி சார்பில் நடைபெறும் கண்டன ஆர்ப்பாட்டத்தில் சென்னைத் தெற்கு மாவட்டத்தைச் சேர்ந்த மாநில, மாவட்ட மகளிர் அணி துணைச் செயலாளர்கள், மாவட்ட அமைப்பாளர்கள், பகுதி, வட்ட துணைச் செயலாளர்கள் (மகளிர்), மகளிர் மாநகராட்சி மாமன்ற உறுப்பினர்கள், மாவட்ட மகளிர் அணி துணை அமைப்பாளர்கள், மகளிர் தொண்டர்அணி மாவட்டத் துணை அமைப்பாளர்கள், பகுதி அணிகளின் (மகளிர் - மகளிர் தொண்டர் அணி ) அமைப்பாளர்கள், துணை அமைப்பாளர்கள் உள்ளிட்ட அனைவரும் தவறாமல் பங்கேற்று ஆர்ப்பாட்டைத்தை வெற்றிக்கரமாக நடத்திடுமாறு சென்னை தெற்கு மாவட்டச் செயலாளர் மா.சுப்பிரமணியன், மேற்கு மாவட்டச் செயலாளர் நே.சிற்றரசு, தென்மேற்கு மாவட்டச் செயலாளர் த.வேலு ஆகியோர் கேட்டுக் கொண்டுள்ளனர்.