#Title

கன்னியாகுமரி கிழக்கு மாவட்டம் – மாநகர – ஒன்றிய – நகர – பகுதி -– பேரூர் கழக செயலாளர்கள் ஆலோசனைக் கூட்டம்! மாவட்டச் செயலாளர் ரெ.மகேஷ் தலைமை!

கன்னியாகுமரி, அக். 31 –

கன்னியாகுமரி கிழக்கு மாவட்டம், மாநகர, ஒன்றிய, நகர, பகுதி, பேரூர் கழக செயலாளர்கள் ஆலோ சனைக் கூட்டமானது மாவட்டச் செயலாளர் வழக்கறிஞர் ரெ.மகேஷ் தலைமையில் 29.10.2026, வியாழக் கிழமை அன்று மாலை 5.30 மணியளவில் நாகர்கோவில், ஒழுகினசேரியில் அமைந்துள்ள மாவட்ட தலைமைக் கழக அலுவலகத்தில் வைத்து நடைபெற்றது.

கூட்டத்தில் மாவட்டச் செயலாளர் ரெ.மகேஷ் தலைமை கழக அறிவிப்பின்படி, தற்போது தமிழ்நாட்டில் நிலவும் சட்டம் ஒழுங்கு சீர்கேடு, பெண்கள், குழந்தைகளுக்கு பாதுகாப்பின்மை மற்றும் விலைவாசி உயர்வு ஆகியவற்றை தடுக்க தவறிய ரீல்ஸ் த.வெ.க. அரசை கண்டித்து நடைபெறவுள்ள மாபெரும் கண்டன ஆர்ப்பாட்டம் தொடர்பாகவும், வருகின்ற உள்ளாட்சித் தேர்தலில் வெற்றி பெறும் வகையில் மேற்கொள்ள வேண்டிய கள பணிகள் தொடர்பாகவும் நிர்வாகி களுக்கு ஆலோசனைகள் வழங்கி சிறப்புரையாற்றினார்.

ஆலோசனைக் கூட்டத்தில் மாநில தி.மு.க. மகளிர் அணி செயலாளர் ஜெ.ஹெலன் டேவிட்சன்., ஒன்றிய கழக செயலாளர்கள் எம்.மதியழகன், பா.பாபு, த.செல்வன், ஏ.சுரேந்திரகுமார், ஒன்றிய கழக பொறுப்பாளர்கள் ச.சுந்தர்சிங், ஜெ.மிலன், நகர கழக செயலாளர் குமரி ஸ்டீபன், பகுதி கழக செயலாளர்கள் இ.ஜவகர், என்.பி.துரை, மு.சேக்மீரான் உட்பட பேரூர் கழக செயலாளர்கள் கலந்து கொண்டனர். கூட்டத்தில் கீழ்க்கண்ட தீர்மானங்கள் நிறைவேற்றப்பட்டன.

தீர்மானம்: 1 - தற்போது நடைபெற்று வரும் த.வெ.க. அரசின் சட்டம் ஒழுங்கு சீர்கேட்டை திசை திருப்பும் வகையிலும், அரசியல் காழ்ப்புணர்ச்சி காரணமாகவும், முன்னாள் அமைச்சர்கள் மற்றும் நிர்வாகிகள் மீது நடவடிக்கை எடுத்து வரும் ரீல்ஸ் த.வெ.க. அரசையும், காவல் துறையையும் இக்கூட்டம் வன்மையாக கண்டிக்கிறது.

தீர்மானம்: 2 - கழகத் தலைவர் அவர்களின் ஆணைப்படி, கழக இளைஞர் அணி செயலாளர், சட்டமன்ற எதிர்கட்சித் தலைவர் உதயநிதி ஸ்டாலின் அவர்களின் அறிவுறுத்தலின்படி, அமைதி பூங்காவாக திகழ்ந்த தமிழ்நாட்டில் தற்பொழுது நிலவும் ரீல்ஸ்ஆட்சியால் சட்டம் ஒழுங்கு சீர்கேடு, பெண்களுக்கு எதிரான வன்முறை, குழந்தை களுக்கு பாதுகாப்பின்மை மற்றும் விலைவாசி உயர்வு போன்றவற்றால் பொதுமக்கள் தினந்தோறும் அவதிப்படும் நிலைமையை உண்டாக்கிய த.வெ.க. அரசை கண்டித்து கன்னியாகுமரி கிழக்கு மாவட்ட மகளிர் அணி சார்பில் வருகிற 31.10.2026, சனிக்கிழமை அன்று காலை 10.00 மணிக்கு நாகர்கோவில், அண்ணா விளையாட்டு அரங்கம் அருகில் வைத்து நடைபெறவிருக்கின்ற மாபெரும் கண்டன ஆர்ப்பாட்டத்திற்கு கன்னியாகுமரி கிழக்கு மாவட்டத்திற்குட்பட்ட மாவட்ட, மாநகர, ஒன்றிய, நகர, பகுதி, பேரூர், வட்டம், கிளை கழக மகளிர் அணி மற்றும் மகளிர் தொண்டர் அணி நிர்வாகிகள், மகளிர்கள், பொதுமக்கள் ஆகியோரை பெருமளவில் கலந்து கொள்ள செய்வது என இக்கூட்டம் கேட்டுக்கொள்கிறது.

தீர்மானம்: 3 - இந்திய தேர்தல் ஆணையத்தின் அறிவுறுத்தலின்படி 01.01.2027ஐ தகுதி ஏற்படுத்தும் நாளாக கொண்டு நடைபெறவுள்ள புகைப்பட வாக்காளர் பட்டியல்கள் சிறப்பு சுருக்கமுறை திருத்த பணிகளில் 18 வயது பூர்த்தியானவர்கள் மற்றும் 17 வயதிற்கு மேற்பட்ட இளைஞர்களையும், இளம் பெண்களையும் சேர்ப்பதற்கும், வாக்காளர் பட்டியலில் இதுவரை இடம் பெறாதவர்களின் பெயர்களையும், புதிதாக குடி வந்தவர்களின் பெயர்களை சேர்ப்பதற்கும், ஒரு நபரின் பெயர் ஒன்றிற்கு மேற்பட்ட இடத்தில் இருந்தால் அதனை நீக்கவும், இறந்தவர்களின் பெயர்களை நீக்கவும், வாக்காளர் பட்டியலில் உள்ள தவறுகளை சரி செய்வது உள்ளிட்ட பணிகளை அந்தந்த வாக்குச்சாவடிக்குரிய வாக்குச்சாவடி முகவர்கள், தங்களை முழுமையாக ஈடுபடுத்திட வேண்டும் எனவும், மேலும் சிறப்பு முகாம் நடைபெறும் நாட்களில் மாநில, மாவட்ட, மாநகர, ஒன்றிய, நகர, பேரூர், பகுதி, கிளை, வார்டு மற்றும் வட்ட கழக செயலாளர்கள் உள்ளிட்ட கழகத்தின் பல்வேறு நிலைகளில் பணிபுரிந்து வரும் நிர்வாகிகளும், உள்ளாட்சி மன்ற பிரதிநிதிகளும், கழக சார்பு அணிகளின் நிர்வாகிகளும், கழக உடன் பிறப்புகளும் மிகவும் முக்கியத்துவம் வாய்ந்த இப்பணியில் தனிக்கவனம் செலுத்த வேண்டும் என இக்கூட்டம் கேட்டுக் கொள்கிறது.

தீர்மானம்: 4 - வருகின்ற உள்ளாட்சி மன்ற தேர்தலில் தி.மு.க. தனித்து நின்றாலும், மாபெரும் வெற்றி பெறும் வகையில் எந்தவித கருத்து வேறுபாடின்றி கன்னியாகுமரி கிழக்கு மாவட்டத்திற்குட்பட்ட நாகர்கோவில் மாநகராட்சி மற்றும் நகராட்சி, பேரூராட்சி, ஊராட்சி, வார்டுகளில் தி.மு.க. மாபெரும் வெற்றி பெற்று சாதனை படைத்திட இன்றே தீவிர களப் பணியாற்றிடவேண்டும் என இக்கூட்டம் கேட்டுக் கொள்கிறது.

நெல்லை மத்திய மாவட்ட தி.மு.க. சார்பில் பசும்பொன் முத்துராமலிங்க தேவர் அவர்களின் ஜெயந்தி விழா முன்னிட்டு நெல்லை சந்திப்பில் அமைந்துள்ள பசும்பொன் முத்துராமலிங்கத் தேவர் அவர்களின் திருவுருவச் சிலைக்கு நெல்லை மத்திய மாவட்டப் பொறுப்பாளர் மு.அப்துல் வஹாப் எம்.எல்.ஏ. தலைமையில் மாலை அணிவித்து மரியாதை செலுத்தப்பட்டது. இந்நிகழ்ச்சியில் கழக நிர்வாகிகள் வி.கே.முருகன், பேச்சிபாண்டியன், விஜிலா சத்யானந்த், சுரேஷ், தர்மன், ராஜு, அருள்மணி, துபாய் சாகுல், சாமுவேல், நமச்சிவாயம், சுப்பிரமணியன், சங்கர், தினேஷ், அனிதா, பேபி கோபால் உள்பட கழகத்தினர் பலர் கலந்து கொண்டனர்.

பஹ்ரைன் சென்றுள்ள, மாநிலங்களவை கழக உறுப்பினர் திருமதி ராஜாத்தி சல்மா, பஹ்ரைனில் அந்நாட்டிற்கான இந்தியத் தூதர் டாக்டர் பிரதீப்ராஜ் புரோகித் அவர்களை மரியாதை நிமித்தமாகச் சந்தித்து உரையாடினார். பாரதி தமிழ் சங்கத்தின் தலைவர் வல்லம் பஹீர், அப்துல் கய்யூம் ஆகியோர் அப்போது உடனிருந்தனர்.