சென்னை, அக். 31 –
மனிதநேய மக்கள் கட்சியின் தலைவரும் சட்டமன்ற உறுப்பினருமான பேராசிரியர் எம். எச். ஜவாஹிருல்லா வெளியிட்டுள்ள அறிக்கை வருமாறு:
தமிழ்நாடு அரசுத் துறைகள் மற்றும் பொதுத்துறை நிறுவனங்களில் ஒப்பந்த அடிப்படையில் (அவுட்சோர்சிங்) பணியாளர்களை நியமிப்பதற்காகத் தமிழக அரசு புதிய அரசாணையை வெளியிட்டுள்ளது. அரசுப் பணியிடங்களைப் படிப்படியாக நிரந் தரப் பணியிலிருந்து ஒப்பந்தப் பணிகளாக மாற்றும் இந்த நடவடிக்கை, தமிழக இளைஞர்களின் எதிர்காலத்தை இருளில் தள்ளும் மிக மோசமான முடி
வாகும்.
அரசுப் பணிக்காகப் பல ஆண்டுகளாகப் படித்துத் தயாராகி வரும் லட்சக்கணக்கான இளைஞர்களின் கனவுகளில் மண்ணள்ளிப் போடும் செயலாகவே இதனைப் பார்க்க வேண்டியுள்ளது. அரசுத் துறை களுக்குத் தேவையான பணியாளர்களை வழங்கும் முகமையாக வெளிநாட்டு மனிதவளக் கழகத்தை (Overseas Manpower Corporation Limited) தமிழக அரசு நியமித்திருப்பது அதிர்ச்சியளிக்கிறது.
அரசு அலுவலகங்களில் கடைநிலைப் பணியாளர்கள் உள்ளிட்ட பல்வேறு பணியிடங்களில் நிரந்தர மாகப் பணியாற்றுபவர்களுக்கு வழங்கப்படும் ஊதியத்துடன் ஒப்பிடும்போது, அவுட்சோர்சிங் முறையில் நியமிக்கப்படும் பணியாளர்களுக்கு மிகக் குறைந்த ஊதியமே வழங்கப்படும் சூழல் உருவாகும். இதனால் அரசுக்கான செலவைக் குறைப்பதாகக் கூறிக்கொண்டு உழைக்கும் தொழிலாளர்களின் உரிமைகளும் ஊதியமும் பறிக்கப்படும் அபாயம் உள்ளது. இது ஒருவகையான நிறுவனமயமாக்கப்பட்ட உழைப்புச் சுரண்டலாகும்.
இதனைவிட மிக முக்கியமாக, இந்த அவுட்சோர்சிங் நியமனங்களில் இட
ஒதுக்கீட்டுக் கொள்கை முறையாகப் பின்பற்றப்படு வதில்லை. இதனால் பிற்படுத்தப்பட்டோர், மிகவும் பிற்படுத்தப்பட்டோர், பட்டியலினத்தவர் மற்றும் பழங்குடியின மக்களுக்குக் கிடைக்க வேண்டிய வேலைவாய்ப்புகள் பறிக்கப்படும் நிலை உருவாகியுள்ளது.
தமிழ்நாட்டில் பல பத்தாண்டுகளாகப் போராடிப் பாதுகாக்கப்பட்ட சமூக நீதிக் கொள்கைக்கு இந்நடவடிக்கை நேரடியாக வேட்டு வைக்கிறது. அரசுப் பணிகளில் இட
ஒதுக்கீட்டின் மூலம் சமூகத்தின் விளிம்புநிலை மக்களுக்குக் கிடைத்துவரும் பிரதிநிதித்துவத்தையும் பொருளாதார முன்னேற் றத்தையும் இந்த அவுட்சோர்சிங் முறை பலவீனப்படுத்திவிடும்.
சென்னை, கோவை உள்ளிட்ட 20 மாவட்டங்களில் உள்ள அரசுத் துறைகளிலும், மின்வாரியம் உள்ளிட்ட பொதுத்துறை நிறுவனங்களிலும் கடைநிலை ஊழியர்கள் முதல் மேலாளர்நிலை வரையிலான பணிகளுக்குப் பணியாளர்களை அவுட்சோர்சிங் முறையில் வழங்கும் பொறுப்பு இந்நிறுவனத்திடம் ஒப்படைக்கப்பட்டுள்ளதாகத் தெரிய வருகிறது.
அரசுப் பணியிடங்களை நிரந்தரமாக நிரப்புவதற் குப் பதிலாக ஒப்பந்த முறையை விரிவுபடுத்து வது, இளைஞர்களின் வேலைவாய்ப்பு உரிமையைப் பறிப்பதோடு மட்டுமல்லாமல், சமூகநீதியையும் தொழிலாளர் நலனை யும் ஒருசேரச் சிதைக்கும் நடவடிக்கையாகும்.
தமிழ்நாட்டின் சமூகநீதிப் பாரம்பரியத்திற்கும், இளைஞர்களின் எதிர்காலத்திற்கும் எதிரான இந்த அரசாணையைத் தமிழக அரசு உடனடியாகத் திரும்பப் பெற வேண்டும். அரசுத் துறைகளிலும் பொதுத்துறை நிறுவனங்களிலும் உள்ள காலிப் பணியிடங்களை இடஒதுக்கீட்டு முறையை முழுமையாகப் பின்பற்றி, நிரந்தர அடிப்படையில் நேரடியாக நிரப்ப வேண்டும் எனத் தமிழக அரசை வலியுறுத்திக் கேட்டுக்கொள்கிறேன்.
செஞ்சி, அக். 31 –
விழுப்புரம் வடக்கு மாவட்டம் செஞ்சி, மேல்மலையனூர், வல்லம், மயிலம், ஒலக்கூர், மரக்காணம் ஆகிய ஒன்றியங்களில் 2021-–2026 ஆம் ஆண்டு ஊரக உள்ளாட்சி பதவிக்காலம் முடிந்த உள்ளாட்சி பிரதிநிதிகளுக்கு செஞ்சியில் உள்ள தனியார் திருமண மண்டபத்தில் பாராட்டு விழா சிறப்பாக நடைபெற்றது.
செஞ்சி கிழக்கு ஒன்றிய செயலாளர், முன்னாள் செஞ்சி ஒன்றிய பெருந்தலைவர் விஜயகுமார் அனைவரையும் வரவேற்றார்.
விழாவிற்கு விழுப்புரம் வடக்கு மாவட்டச் செயலாளர் முன்னாள் அமைச்சர் செஞ்சி மஸ்தான் தலைமை தாங்கி உள்ளாட்சி பிரதிநிதிகளுக்கு சந்தன மாலை, சால்வை அணிவித்து பாராட்டி னார். முன்னாள் ஒன்றிய அமைச்சர் செஞ்சி ராமச்சந்திரன் சிறப்பு அழைப்பாளராக கலந்து கொண்டு வாழ்த்தி பேசினார்.
விழாவில் முன்னாள் அமைச்சர் செஞ்சி மஸ்தான் பேசுகையில்,
“முத்தமிழ் அறிஞர் கலைஞர் வழியில் ஆட்சி செய்த கழகத் தலைவர் மு.க.ஸ்டாலின்அவர்கள், உள்ளாட்சியில் பெண்களுக்கு 50 சதவீத இடஒதுக்கீடு அளித்து, உள்ளாட்சியில் 60, 70 சதவீதம் பெண்களை அமர வைத்து அழகு பார்த்தவர்.
கடந்த திராவிட மாடல் ஆட்சியில் கழகத் தலைவர் கொண்டு வந்த திட்டங் களை வரவேற்ற வாக்காளர்கள், அவருக்கு வாக்களிக்க தவறி விட்டோமே என வேதனைப்பட்டனர். ஆனால் இன்று நடிகர் விஜய்க்கு வாக்களித்தவர்கள், இப்படிப்பட்டவர்களுக்கு வாக்களித்து விட்டோமே, தவறு செய்து விட்டோமே என வருத்தப்படுகின்றனர்.
இதுதான் முத்துவேல் கருணாநிதி ஸ்டாலின் ஆட்சிக்கும், நடிகர் விஜய் ஆட்சிக்கும் மக்கள் மத்தியில் உள்ள மனநிலை. காலம் நிச்சயம் மாறும், மீண்டும் ஒரு பொதுத் தேர்தலை சந்திப்போம், திமுக தலைவர் மு.க.ஸ்டாலினை முதலமைச்சராக ஆக்குவோம் என்ற உறுதிமொழியை எடுக்க வேண்டும்” என்றார்.
நிகழ்ச்சியில் முன்னாள் சட்டமன்ற உறுப்பினர்கள் டாக்டர் மாசிலாமணி, சேதுநாதன், செந்தமிழ்செல்வன், தலைமை தீர்மானக்குழு உறுப்பினர் செஞ்சி சிவா, செயற்குழு உறுப்பினர் நெடுஞ்செழியன், ஒன்றிய குழு தலைவர்கள் கண்மணி நெடுஞ்செழியன், அமுதா ரவிக் குமார், யோகேஸ்வரி மணிமாறன், தயாளன், ஒன்றிய செயலாளர்கள் விஜயரா கவன், பச்சையப்பன், சாந்தி சுப்பிரமணியன், மொடையூர் துரை, இளம்வழுதி, மணிமாறன், ராஜாராமன், பழனி, ரவிசந்திரன், ஒன்றிய துணை சேர் மன்விஜயலட்சுமி முருகன்,மாவட்ட கவுன்சிலர்கள் அரங்க ஏழுமலை, செல்வி ராம சரவணன், அன்பு செழியன், விஜயன், மனோசித்ரா ராஜேஸ்வரன்,புஷ்பவல்லி, குப்புராஜ்,செஞ்சி பேரூராட்சி மன்ற தலைவர் மொக்தியார் அலி மஸ்தான் உள்ளிட்ட முன்னால் ஒன்றிய கவுன்சி லர்கள், ஊராட்சி மன்ற தலைவர்கள், வார்டு உறுப்பினர்கள், உள்ளிட்ட உள்ளாட்சி பிரதிநிதிகள் திமுக நிர்வாகிகள் உள்ளிட்டோர் கலந்து கொண்டனர் தலைமை தீர்மானகுழுஉறுப்பினர் சேது நாதன் அனைவருக்கும் நன்றி கூறினார்.
பஹ்ரைன் சென்றுள்ள, மாநிலங்களவை கழக உறுப்பினர் திருமதி ராஜாத்தி சல்மா, பஹ்ரைனில் அந்நாட்டிற்கான இந்தியத் தூதர் டாக்டர் பிரதீப்ராஜ் புரோகித் அவர்களை மரியாதை நிமித்தமாகச் சந்தித்து உரையாடினார். பாரதி தமிழ் சங்கத்தின் தலைவர் வல்லம் பஹீர், அப்துல் கய்யூம் ஆகியோர் அப்போது உடனிருந்தனர்.