கோவை. நவ.1–
கோவையில் கடந்த 25ம்தேதி பெய்த கனமழையின் காரணமாக கோட்டைமேடு ஈஸ்வரன் கோவில், டவுன்ஹால் வின்சென்ட் சாலை, செல்வபுரம், கெம்பட்டி காலனி பகுதிகள் கடுமையாக பாதிக்கப்பட்டது. செல்வ சிந்தாமணி குளத்தில் இருந்து வெளியேறிய தண்ணீர் குடியிருப்பு பகுதிகளில் புகுந்தது. இந்நிலையில், வெள்ளத்தால் பாதிக்க ப்பட்ட பகுதிகளையும், செல்வ சிந்தாமணி குளத்தையும் கோவை தெற்கு சட்டமன்ற உறுப்பினர், கழக மேற்கு மண்டல பொறுப்பாளர் வி.செந்தில் பாலாஜி நேரில் ஆய்வு மேற்கொண்டார்.
குடியிருப்பு பகுதிகளில் மழை வெள்ளம் புகுந்தது தொடர்பாக எடுக்கப்பட்ட நடவடிக்கைகள் குறித்து அதிகாரிகளிடத்தில் கேட்டறிந்தார். பின்னர், கோட்டைமேடு வின்சென்ட் ரோட்டில் மழையால் பாதிக்கப்பட்ட குடியிருப்பு பகுதிகளை நேரில் பார்வையிட்ட ஆய்வு செய்தார்.
அப்போது அவரிடம் அப்பகுதியை சேர்ந்த பொதுமக்கள், பல்வேறு கோரிக்கைகளை முன் வைத்தனர். குறிப்பாக, அந்த பகுதியில் உள்ள கழிவறையை அகற்ற வேண்டும். மழையின்போது தண்ணீர் குடியிருப்புகளில் நுழையாத வகையில் நடவ டிக்கை எடுக்க வேண்டும். மரக்கிளைகளை வெட்ட வேண்டும் எனக்கூறினர். இதுதொடர்பாக, சம்பந் தப்பட்ட துறை அதிகாரிகள் வாயிலாக உரிய நடவ டிக்கை எடுக்கப்படும் என அவர் உறுதியளித்தார்.
இந்த ஆய்வின்போது கோவை மாநகர் மாவட்ட பொறுப்பாளர் துரை.செந்தமிழ் செல்வன், கோவை தெற்கு மாவட்ட கழக செயலாளர் தளபதி முருகேசன், கோவை வடக்கு மாவட்ட கழக செயலாளர் தொண்டா முத்தூர் அ.ரவி, நாடாளுமன்ற உறுப்பினர், முனைவர் கணபதி ப.ராஜ்குமார், மாநகராட்சி மேயர் கா.ரங்கநாயகி ராமச்சந்திரன், துணை மேயர் இரா.வெற்றிச்செல்வன், மாவட்ட துணைச் செயலாளர் கோட்டை அப்பாஸ், மாநகராட்சி சுகாதார குழு தலைவர் பெ. மாரிச்செல்வன், பகுதி கழக செயலாளர்கள், பொறுப்பாளர்கள் மார்க்கெட் மனோகரன், கேபிள் மணி, பத்ருதீன், பொதுக்குழு உறுப்பினர் மு.மா.ச.முருகன், மாநகராட்சி பணிகள் குழுத் தலைவர் சாந்தி முருகன், நிதிக்குழுத் தலைவர் முபசீரா, உக்கடம் ஆனந்த் உள்பட மாநில, மாவட்ட, பகுதி, வட்டக் கழக நிர்வாகிகள், கழக சார்பு அணிகளின் அமைப்பா ளர்கள், துணை அமைப்பா ளர்கள், உள்ளாட்சி அமைப்புக்களின் பிரதிநிதி கள் மற்றும் மாநகராட்சி அதிகாரிகள் பலர் கலந்து கொண்டனர்.