கிருஷ்ணகிரி, நவ. 1–
கிருஷ்ணகிரி கிழக்கு மாவட்டம் காவேரிப்பட்டணத்தில் நடைபெற்ற மாபெரும் இலவச கண் சிகிச்சை முகாமை கிருஷ்ணகிரி கிழக்கு மாவட்ட செயலாளரும், முன்னாள் சட்டமன்ற உறுப்பினருமான மதியழகன் தொடங்கி வைத்தார்.
கிருஷ்ணகிரி மாவட்டம் காவேரிப்பட்டினத்தில் இந்தியன் ரெட் கிராஸ் சொசைட்டி துணைக் கிளை, சேலம் அரவிந்த் கண் மருத்துவமனை மற்றும் கிருஷ்ணகிரி மாவட்ட பார்வை இழப்பு தடுப்புச் சங்கம் மற்றும் கேபிள் சின்னசாமி ஆகியோர் செய்திருந்தனர்.
இந்த முகாமிற்கு கிருஷ்ணகிரி கிழக்கு மாவட்ட திமுக செயலாளரும், முன்னாள் எம்.எல்.ஏ-வுமான மதியழகன் தலைமை தாங்கி, குத்துவிளக்கேற்றி முகாமைத் தொடங்கி வைத்தார்.
பொதுமக்களுக்கு இலவசமாக கண் பரிசோதனை மற்றும் மருத்துவ ஆலோசனைகள் கிடைக்கும் வகையில் இம்முகாம் ஏற்பாடு செய்யப்பட்டிருந்தது. இதில் கண் தொடர்பான பாதிப்புகளைக் கண்டறிந்து தகுந்த சிகிச்சை அளிக்கப்பட்டதுடன், கண் பார்வையைப் பாதுகாப்பதன் அவசியம் மற்றும் கண் நோய்களுக்கு உரிய நேரத்தில் மருத்துவப் பரிசோதனை மேற்கொள்வதன் முக்கியத்து வம் குறித்து பொதுமக்களுக்கு விழிப்புணர்வு ஏற்படுத்தப்பட்டது.
இந்நிகழ்ச்சியில் மாநில வர்த்தக அணி துணைச் செயலாளர் கே.வி.எஸ்.சீனிவாசன், ஒன்றியச் செயலாளர்கள் தேங்காய் சுப்பிரமணி, சரவணன், பேரூர் கழக செயலாளர் பாபு, பொதுக்குழு உறுப்பினர் நாகராஜ், மாவட்ட அமைப்புசாரா ஓட்டுநர் அணி தலைவர் செந்தில்குமார், முன்னாள் நகரச் செயலாளர் சாஜித் ஆகியோர் கலந்து கொண்டனர்.
மேலும், கண் மருத்துவர் அரினா ஜான், இந்தியன் ரெட் கிராஸ் சொசைட்டியின் மாவட்டச் செயலாளர் செந்தில்குமார், காவேரிப்பட்டினம் கிளைச் செயலாளர் சண்முகம் மற்றும் முன்னாள் ஊராட்சி மன்றத் தலைவர்கள் செந்தாமரை, தமிழரசு, சக்திவேல், மாவட்ட வர்த்தக அணி நிர்வாகி மணி விஜயன், சேஷகிரி, அபி, கவி கோவிந்தராஜ், பாரதிராஜா, மேஸ்திரி சின்ராஜ் உள்ளிட்ட மருத்துவக் குழுவினர், திமுக நிர்வாகிகள் மற்றும் பொதுமக்கள் எனப் பலர் கலந்து கொண்டனர்.
பொதுமக்களின் நலன் கருதி நடத்தப்பட்ட இந்த சமூக நலப் பணியின் மூலம் ஏராளமானோர் பயனடைந்தனர்.