சட்டம் - ஒழுங்குச் சீர்கேடு பெண்கள், குழந்தைகள் பாதுகாப்பின்மை - விலைவாசி உயர்வைக் கண்டித்து கழக மகளிரணி சார்பில் திண்டுக்கல்லில் மாபெரும் ஆர்ப்பாட்டம் நடைபெற்றது. ஆர்ப்பாட்டத்தில் கழகத் துணை பொதுச் செயலாளர் இ.பெரியசாமி, மேற்கு மாவட்டச் செயலாளர் அர. சக்கரபாணி, கிழக்கு மாவட்ட செயலாளர் இ.பெ.செந்தில்குமார், வேடசந்தூர் சட்டமன்ற உறுப்பினர் வீரா.சாமிநாதன், கிழக்கு மாவட்ட தொண்டரணி அமைப்பாளர் இந்திரா, மேற்கு மாவட்ட மகளிர் அணி அமைப்பாளர் மலர்விழி செல்வி,மேற்கு மாவட்ட தொண்டரணி அமைப்பாளர் முத்துலட்சுமி, மதுரை மாவட்ட மகளிர் அணி லக்சிகா வேலுமணி, விருதுநகர் சித்ரா, மேயர் இளமதி ஜோதி பிரகாஷ், உள்பட திரளான மகளிர் அணியினர் கலந்து கொண்டனர்.

கடலூர் ஒருங்கிணைந்த தி.மு.க. மகளிர் அணி சார்பில்,த.வெ.க,அரசில் பெண்கள் குழந்தைகள் பாதுகாப்பின்மை மற்றும் விலைவாசி உயர்வைக் கண்டித்து மாபெரும் கண்டன ஆர்ப்பாட்டம், கடலூர் தலைமை தபால் நிலையம் அருகில் நடைபெற்றது. மாநகர மேயர் சுந்தரி ராஜா தலைமை தாங்கினார். மகளிர் அணி நிர்வாகிகள் ஜெயந்தி நடராஜன் பா.மனோரஞ்சிதம்,இந்துமதி சுதா சம்பத், ஆனந்தி சரவணன் மஞ்சு செல்வி கருப்புசாமி ஆகியோர் முன்னிலை வகித்தனர். முன்னாள் அமைச்சர்கள் எம்.ஆர்.கே.பன்னீர்செல்வம், சி.வெ.கணேசன், முன்னாள் எம்.எல்.ஏ. அங்கயற்கன்னி ஆகியோர் சிறப்புரையாற்றினர், இந்நிகழ்வில் முன்னாள் எம்.எல்.ஏ., டாக்டர் கொ.நந்தகோபாலகிருஷ்ணன்,இள.புகழேந்தி, சபா.இராசேந்திரன், துரை.கி.சரவணன் உள்ளிட்ட மகளிர் அணி நிர்வாகிகள், கழக நிர்வாகிகள் கலந்து கொண்டனர்.