தென்காசி .நவ.1–
தென்காசி தெற்கு மாவட்ட தி.மு.க. சார்பில் பசும்பொன் முத்துராமலிங்கத் தேவர் திருமகனார் அவர்களின் 119 பிறந்தநாள் மற்றும் 64 வது குருபூஜையை முன்னிட்டு பசும்பொன் தேவர்திருமகனார் அவர்களின் புகழை போற்றும் விதமாக தென்காசி சட்டமன்ற உறுப்பினர் மரு. கலை கதிரவன் தென்காசி தொகுதிக்குட்பட்ட ஆலங்குளம் ஊராட்சி ஒன்றியம் ஊத்து மலையில் அமைந்துள்ள தேவர் திருமகனாரின் திருவுருவ சிலைக்கும், தென்காசி ஒன்றியம் சுந்தரபாண்டியபுரத்தில் அமைந்துள்ள தேவர் திருமகனாரின் திருவுருவச்
சிலைக்கும், தென்காசி நகரம் கீழப்புலியூரில் அமைந்துள்ள தேவர் திருமகனாரின் திருவுருவசிலைக்கும், தென்காசி நகரம் மலையான் தெருவில் அமைந்துள்ள தேவர் திருமகனாரின் திருவுருவச் சிலைக்கும், தென்காசி ஒன்றியம் வேதம் புதூரில் அமைந்துள்ள தேவர் திருமகனார் திருவுருவச் சிலைக்கும், குத்துக்கல்வலசையில் அலங்கரிக்கப்பட்ட தேவர் திருமகனார் அவர்களின் திருவுருவப்படத்திற்கும் மாலை அணிவித்தும் மலர் தூவியும் புகழ் அஞ்சலி செலுத்தினார்.
நிகழ்வில் ஆலங்குளம் வடக்கு ஒன்றிய செயலாளர் அன்பழகன், தென்காசி கிழக்கு ஒன்றியச் செயலாளர் அழகு சுந்தரம், மாவட்ட வர்த்தகர்அணி அமைப்பாளர் மா.முத்துக்குமார்,குற்றாலம் அறங்காவலர் குழு உறுப்பினர் சுந்தர்ராஜ், ஒன்றிய துணைச் செயலாளர் ஆனந்த், மாவட்ட இளைஞரணி துணை அமைப்பாளர் கிழப்புலியூர் தங்கபாண்டியன், சுந்தர பாண்டியபுரம் பேரூர் செயலாளர் பண்டாரம், மாரிமுத்து பாண்டியன், கிழக்கலங்கல் ஊராட்சி மன்ற தலைவர் வி.எஸ்.சந்திரசேகரன், மாவட்ட வர்த்தகர் அணி துணை அமைப்பாளர் முத்தரசு, ஊத்துமலை தங்கம், தாய்குலம் சரவணன் உள்பட கழக தொண்டர்கள் மற்றும் பொதுமக்கள் திரளாக கலந்து கொண்டனர்.