த.வெ.க. அரசின் சட்ட ஒழுங்கு சீர்குலைவு, விலைவாசி உயர்வைக் கண்டித்து மதுரை மாவட்ட மகளிர் அணி, மகளிர் தொண்டர் அணி சார்பில் பழங்காநத்தம் ரவுண்டானாவில் மாவட்டச் செயலாளர்கள் பி.மூர்த்தி, கோ.தளபதி, சேடபட்டி மு.மணிமாறன் எம்.எல்.ஏ. ஆகியோர் வழிகாட்டுத லின்படி உமா சிங்கத்தேவன் தலைமையில் மாபெரும் கண்டன ஆர்ப்பாட்டம் நடைபெற்றது. இதில் பவானி ராஜேந்திரன், வழக்கறிஞர் ஷாமிலி பிரபா உள்ளிட்டோர் சிறப்புரையாற்றினர். மேலும் இந்த ஆர்ப்பாட்டத்தில் பொன் முத்துராமலிங்கம், வ.வேலுசாமி, பெ.குழந்தைவேலு, மா.ஜெயராம், முன்னாள் நாடாளுமன்ற உறுப்பினர் கோபாலகிருஷ்ணன், தமிழரசன், முத்துராமலிங்கம், அக்ரி கணேசன், கணேசன் ஆகியோர் வாழ்த்துரை வழங்க, ப எஸ்.வி.சுதன் வரவேற்புரை நிகழ்த்த, சரவணபுவனேஸ்வரி, மகளிர் தொண்டரணி அமைப்பாளர்கள் ரேணுகா ஈஸ்வரி கோவிந்தராஜ், நூர்ஜஹான், பிரமிளா தேவி, கிருஷ்ணவேணி பால்பாண்டியன் உள்ளிட்டோர் முன்னிலை வகித்தனர்.

ஒருங்கிணைந்த தென்காசி மாவட்ட தி.மு.க மகளிர் அணி சார்பில் பெண்கள்-குழந்தைகளுக்கு பாதுகாப்பின்மை மற்றும் விலைவாசி உயர்வு,சட்ட ஒழுங்கு சீர்கேடு த.வெ.க. அரசை கண்டித்து மாபெரும் கண்டன ஆர்ப்பாட்டம் தென்காசி புதிய பேருந்து நிலையம் முன்பு மரு.ராணி ஸ்ரீகுமார் எம்.பி தலைமையில் நடைபெற்றது.இந்நிகழ்வில் சாஷா, மாவட்ட மகளிர் அணி அமைப்பாளர் திவ்யா மணிகண்டன் ஆகியோர் பங்கேற்று த.வெ.க.அரசை கண்டித்து கண்டன உரையாற்றினர்.நிகழ்வில் மகளிர் அணி நிர்வாகிகள் திரளாக கலந்து கொண்டனர்.உடன் தென்காசி தெற்கு மாவட்ட பொறுப்பாளர் வே.ஜெயபாலன்,முன்னாள் அமைச்சர் ச.தங்கவேலு,சட்டமன்ற உறுப்பினர்கள் மரு.கலை கதிரவன் (தென்காசி) தி.மு. இராசேந்திரன் (கடையநல்லூர்) உட்பட கழக நிர்வாகிகள் பலர் கலந்து கொண்டனர்.